رابطة مالكى الاكسيل-الجزء الثانى

**koshary** · 29-01-2012 11:20 PM

المشاركة الأصلية كتبت بواسطة aboassem

انا ظهرت عندي مشكلة وهي تعتيلة في الدوارة الصبح يعني ادوس دبرياج واجي ادور الاول ولا الهوي كانه كالون باب شقة وبعد كدة حاولت ابتديت تعتل في الدوارة حاولت مرة و2و3 الحمد لله دارت ونفس المشكلة حصلت وانا مروح بعدها ب9 ساعات دة ممكن يكون عيب اية مارش ولا شربون ولا ممكن يكون ربع ضارب في البطارية ارجو الافادة يا سادة

طالما بتدور وتمام بس بتعتل يبقا كدا البطارية بتودع حاول اقرب وقت تغيرها انما لو بتغيب معاك اوى ومبتعتلش يبقا السخان بتاع الكربيراتير عاوز يتظبط ولو المارش تلاقيه يعمل صوت غريب كدا كأن حد بيسرخ

**koshary** · 30-01-2012 03:55 PM

مين من ملاك الاكسيل جى المقابله يوم الجمعه 3/2 ان شاء الله

**eldissouky** · 30-01-2012 10:22 PM

المشاركة الأصلية كتبت بواسطة koshary

المارش انا جيبو من سنة ب 165 جنيه معرفش دلوقتى بقا بكام والمصنعيه 40 جنيه

شكرا يا استاذي على الاهتمام
انا فعلا صلحته و التكلفه كانت كالتالي
40 جنيه جلب
20 جنيه طقم شربون
40 جنيه مصنعية

**eldissouky** · 30-01-2012 10:28 PM

يا جماعه ممكن اي افاده
عندي الشبابيك كلها بتدخل هوا و هي مقفولة ، يا ترى العيب يبقى ف الكاوتش ولا ف إيه بالظبط ؟؟؟
و كمان كام سؤال لو امكن ::
هي العربية ممكن تعلى عن الارض شوية ولا لأ ؟؟
لو السحب قل يبقى ده عيب سير الكاتينة ولا حاجه تانية ؟؟
تغيير بلي الدينامو يعمل كام ؟؟
ياريت يا جماعة حد يرد عليا
شكرا جزيلا

**bHa2** · 30-01-2012 11:48 PM

يا جماعه انابفكر اجيب اكسيل
كنت عاوز اعرف شويه تفاصيل
قطع الغيار عامله ايه
استهلاكها للبنزين
تاخد بنزين 80 ولا 90
عيوبها
الاحسن العاديه ولا الهاتش باك
يعني حد يكلمني عنها شويه
وع فكره هي هتكون اول عربيه ليا
تنصحوني بيها ولا ايه؟!

**bHa2** · 31-01-2012 12:25 AM

وبالمره كمان اسعارها بتتراوح من كام ل كام

**koshary** · 31-01-2012 10:07 AM

المشاركة الأصلية كتبت بواسطة eldissouky

يا جماعه ممكن اي افاده
عندي الشبابيك كلها بتدخل هوا و هي مقفولة ، يا ترى العيب يبقى ف الكاوتش ولا ف إيه بالظبط ؟؟؟
كاوتش الباب عاوز يتغير
و كمان كام سؤال لو امكن ::
هي العربية ممكن تعلى عن الارض شوية ولا لأ ؟؟
"]اكيد طبعا بس ممكن يأثر عالثبات لو هتعلى قدام تعلى ورا كمان انا لسه مغير عليات قدام جايب مقاس 3 زمبه وورا جايب 4 ومبه وجايبهم من محل مرسيدس لان معظم العلايات اللى عند محلات هيونداى مضروبه وبالمناسبه العلايات اللى عندنا مقفوله علشان لما تروح تشتريهم والعلايه ال مقاس 3 ب 15 جنيه ومقاس 4 ب 20 جنيه
لو السحب قل يبقى ده عيب سير الكاتينة ولا حاجه تانية ؟؟
[COLOR="rgb(46, 139, 87)"]لو بعد ما مشيت على سرعه عاليه وشميت ريحة شياط يبقا دى اسطوانه وطبعا ده بيأثر عالسحب وعادة هيا بتبقا الاسطوانه انا لسه مغير طقم دبرياج كامل دسك واسطوانه وبليه عامل 320 جنيه الكورى [/COLOR]
تغيير بلي الدينامو يعمل كام ؟؟
"]مش عارف انا غير الدينامو كلو ب 150 جندى [/COLOR]
ياريت يا جماعة حد يرد عليا
شكرا جزيلا [/color]

واخيرا ربنا يوفقك

**magid1010** · 31-01-2012 11:25 AM

المشاركة الأصلية كتبت بواسطة TuRbO911

يا جماعه انابفكر اجيب اكسيل
كنت عاوز اعرف شويه تفاصيل
قطع الغيار عامله ايه
استهلاكها للبنزين
تاخد بنزين 80 ولا 90
عيوبها
الاحسن العاديه ولا الهاتش باك
يعني حد يكلمني عنها شويه
وع فكره هي هتكون اول عربيه ليا
تنصحوني بيها ولا ايه؟!

خد عندك اللينك ده فيه كل حاجة
http://www.nilemotors.net/Nile/200679-96.html

**ABOASSEM** · 31-01-2012 12:01 PM

ماجود منور الدنيا عامل ايه يارب تكون بخير واحشني
وانا كنت لسة بدور للاخ TuRbO911عن اللينك اللي انت حطيتة بتاع موصفات الاكسيل
لاقتيك سبقتني من القلب للقلب ومش عارف سنجاري و زيزو مختفيين ليه
والاكسلاويا ايه جارلهم أنا هبيع ياعم ......... ههههه انا بهرج دي اكسلاتي حبيبتي

**koshary** · 31-01-2012 12:02 PM

المشاركة الأصلية كتبت بواسطة TuRbO911

يا جماعه انابفكر اجيب اكسيل
كنت عاوز اعرف شويه تفاصيل
قطع الغيار عامله ايه
استهلاكها للبنزين
تاخد بنزين 80 ولا 90
عيوبها
الاحسن العاديه ولا الهاتش باك
يعني حد يكلمني عنها شويه
وع فكره هي هتكون اول عربيه ليا
تنصحوني بيها ولا ايه؟!

حضرتك مبدأيا هيا عربيه اقتصاديه جدا يعنى لو حطيت بنزين 80 مش هتقول لا ولو حطيت90 برضو مش هتقول لا ولو حبيت تدلعها زى حالاتى وتحطلها كل زمن 5 لتر 95 برضو مش هتقول لا

وقطع غيارها عند اى بقال بس اهم حاجه الصنايعيه يكونو كويسين لانى اول ماجيبتها كنت بروح لصنايعيه يصلح حاجه ويخرب حاجه تانيه وقطع الغيار رخيصه جدا مثال ترمبة بنزين ب 45 جنيه - كوعة ميه ب 20 جنيه - ردياتير ب 320 جنيه - طقم سيور كامل ب 90 جنيه - واسعارها رخيصه جدا ومترميه اكتر من الفيات ويمكن تلاقيها مع اى بتاع فشار فى الشارع زى ده كدا

وبالنسبه لاستهلاكها فى البنزين انا عندى بتعمل فى الصفيحه 240 لتر ومع الكييف بتعمل 210 لتر ومن رأيى استهلاك كويس جدا

والسيدان طبعا احسن لانها واسعه وياريت تكون 1500 علشان الباور والتكييف من الاخر عربيه عائليه جدا بس عيبها ان صاجها ضعيف شويه وخصوصا الرفارف اللى قدام وصالونها واسع اوسع من الاكسنت بكتيير