رابطة مالكى الاكسيل-الجزء الثانى

**wael6** · 23-01-2012 11:40 PM

المشاركة الأصلية كتبت بواسطة mahmmoud1980

ممكن اعرف سعر الاسبراتير وهل فيه منه جديد ولا مستعمل

فيه جديد تايوانى ب 90 ج
وماركة متسوبيشي ب 140 ج
وفيه استيراد كنت جايبه ب 300 ج من 6 شهور
جرب التايوانى ويارب يظبط
او كله بيقول الاستيراد افضل بس خلى الميكانيكى اللى يشتريه وانت معاه عشان يضمنه مع التاجر
وربنا يوفقك

**Tarek_Swelm** · 24-01-2012 10:23 AM

المشاركة الأصلية كتبت بواسطة magid1010

السلام عليكم ورحمة الله وبركاته
ازاى اعلى او اوطى الدبرياج و انهى احس او ايه الفايده من كده و شكرا

لما تفتح الكابوت حتلاقي كابل اسود و علية ترس معدن راكب علي كاوتشة سودة طالع من الحوض ادام الدركسيون تقريبا
لو عايز تعلي الدبرياج يبقي تشد الترس لبرة و تلفة مع عقارب الساعة و لو عايز توطية يبقي تشد الترس و تلف عكس عقارب الساعة
العالي بيفصل بدري و بيعمل حمل علي كبل الدبرياج لو معلية اوي , الواطي بيفصل متاخر ولازم تدوس الدواسة للأخر علشان تنقل
كل واحد و حسب طريقة سواقتة .

**magid1010** · 24-01-2012 05:41 PM

المشاركة الأصلية كتبت بواسطة Tarek_Swelm

لما تفتح الكابوت حتلاقي كابل اسود و علية ترس معدن راكب علي كاوتشة سودة طالع من الحوض ادام الدركسيون تقريبا
لو عايز تعلي الدبرياج يبقي تشد الترس لبرة و تلفة مع عقارب الساعة و لو عايز توطية يبقي تشد الترس و تلف عكس عقارب الساعة
العالي بيفصل بدري و بيعمل حمل علي كبل الدبرياج لو معلية اوي , الواطي بيفصل متاخر ولازم تدوس الدواسة للأخر علشان تنقل
كل واحد و حسب طريقة سواقتة .

الف شكر ليك طيب ابه احسن اعلى و لا اوطى و ممكن صوره يبق كده تمام اوى

**mahmmoud1980** · 24-01-2012 06:08 PM

المشاركة الأصلية كتبت بواسطة wael6

فيه جديد تايوانى ب 90 ج
وماركة متسوبيشي ب 140 ج
وفيه استيراد كنت جايبه ب 300 ج من 6 شهور
جرب التايوانى ويارب يظبط
او كله بيقول الاستيراد افضل بس خلى الميكانيكى اللى يشتريه وانت معاه عشان يضمنه مع التاجر
وربنا يوفقك

شكرا على الرد كان عندي مشكلة في الاسبراتير والحمد لله تم تصليحة ورجع اشتغل القديم تاني وربنا يستر ولكن هل الانواع دي اللي حضرتك قولتها تنفع للانجكشن لان عربيتي انجكشن 1500لان ممكن اشتري واحد في اي وقت لانه ممكن يكون اسبراتير الكتروني

**toto_hoho82** · 24-01-2012 10:38 PM

خطأ غير مقصود
اعتذر لجميع المراقبين و المشرفين فى المنتدى فى استخدام اللون الاحمر فى الكتابة

**Ahmed Saad** · 25-01-2012 02:13 PM

السلام عليكم انا عندي مشكله في الفتيس الاتوماتيك ان الفتيس بقي بيهيس وبقي بينقل متاخر فصوت الماتور بيعلي وانا قست الزيت كان تمام ومافيش فيه ريحه شياط ولا لونه متغير فده بقي ممكن يكون ايه مع العلم ان برضه بحس ان العربيه اثناء الغيارالتالت عايزه تاخد كيك داون بس مش بتكمل وبحس بهبده خفيفه اوي اثناء الغيار التالت بالذات لو دايس الدواسه شويه فده ممكن يكون ايه سببه

**wael6** · 25-01-2012 03:02 PM

رابطة متميزة ومجهود رائع من جميع الاخوة الكرام

بالنسبة للموتور عندى بستعمل شل الاحمر 20-50 متعدد الدرجات وليس الثقيل احادى الدرجه
عملت نصف عمره غيرت طقم شنبر وغيرت بساتم ستاندرد
وكنت بحط ابرو زيت شنبر مع زيت ثقيل لانى كنت اعانى من نقصان الزيت
ولكن الحمد لله بعد نص العمره المشكله اتحلت والموتور بقت حالته جيده جدا بفضل الله تعالى
سؤالى هنا
هل وضع الابرو كان لعلاج مشكله مثل نقصان الزيت فقط
ولا بيتحط ايضا للموتور السليم لتحسين خواص الزيت ولتحسين مستوى السحب وانعدام صوت الموتور بعد مسافات كبيره من استخدام الزيت؟
لانى باعانى بعد 500- 600 كم من تغيير الزيت بعلو صوت الموتور بعض الشئ على 2 rpm وخنقة بسيطه فى السحب ؟
ولا الأولى انى احط زيت افضل بدون اضافة ابرو فى حالة الموتور السليم ؟

بالنسبة لزيت الفتيس
انا عندى ونه ودقرة فى عصا النقلات
حطيت ابرو مع زيت موبيل 85-140 وحدث تحسن بسيط ولكن عندما تسخن العربيه بعد مسافة سير 10 كم تقريبا
عندى الفتيس بياخد 1.8 لتر
والعربيه بارده صوت الخشونه والونه بتزيد خصوصا مع الزيت الثقيل 140 لانه بيكون ثقيل ومركز اسفل الفتيس ولما بتسخن العربيه الوضع بيتحسن كثيرا

وشكرا جزيلا

**aboharb** · 25-01-2012 10:02 PM

العربيه ,وهى عند الميكانيكى وطى عدد اللفات على اول شرطه يعنى 350 لفه على السلنسيه طبعا ده خلى العربيه فى الضياع وبتفصل على طول المهم رحت عند بتاع الكربيراتير وقولته عايز اضبطها لحسن الميكانيكى لعب فيه راح علا العربيه على الشرطه التانيه حوالى 650 لفه والعربيه بقت معقوله قلته ارفع شويه قالى العربيه كده مظبوطه واكتر من كده هتعلى المهم مشيت ورحت مشوار والمفاجأه العربيه وهى ماشيه لقيت على السلنسيه العربيه توطى وتعلى لوحدها وانا رحت مشوار وبعدين بليل بدور العربيه وانا نازل الاقى العربيه رجعت على 350 تانى طبعا قعدت متعكنن ورحت مشوارى وجعت طفيت الانوار والتابلوه لقيت العربيه عليت تانى على 650 لفه اولع النور توطى على 350 لفه يعنى باختصار الكهرباء بتاعة التابلوه والفوانيس بتخفض عدد اللفات المحرك على rbmالى 350

**x100** · 26-01-2012 03:11 PM

السلام عليكم

انا نويت اشترى اكسيل ان شاء الله
قدامى عربية موديل 97 1300 سي سي بدون كماليات عدا التكييف يعمل جيدا

عيوبها
1 توجد اثار مصادمة خفيفة (كسر الفانوس الشمال وتحريك الاكصدام من مكانة)
2 المساعدين الامامى بايظين
3 داير الزجاج فى الجنب اليمين فى الشباكين عايز يتغير
4 فى صوت زى التاكيهات فى صوت الموتور لكن المتور كويس

المزايا
الحوض والشنطة فابريكة
التكييف كويس بس بيأثر على اداء الموتور
الصالون معقول
بطارية جيدو وليست جديدة
الكاوتش معقول
الكبالن جيدة

المطلوب 28000

اية رأيكم ادام الله فضلكم

**magid1010** · 26-01-2012 06:26 PM

المشاركة الأصلية كتبت بواسطة x100

السلام عليكم

انا نويت اشترى اكسيل ان شاء الله
قدامى عربية موديل 97 1300 سي سي بدون كماليات عدا التكييف يعمل جيدا

عيوبها
1 توجد اثار مصادمة خفيفة (كسر الفانوس الشمال وتحريك الاكصدام من مكانة)
2 المساعدين الامامى بايظين
3 داير الزجاج فى الجنب اليمين فى الشباكين عايز يتغير
4 فى صوت زى التاكيهات فى صوت الموتور لكن المتور كويس

المزايا
الحوض والشنطة فابريكة
التكييف كويس بس بيأثر على اداء الموتور
الصالون معقول
بطارية جيدو وليست جديدة
الكاوتش معقول
الكبالن جيدة

المطلوب 28000

اية رأيكم ادام الله فضلكم

,والله اكشف عليها كويس و لو كان كده يبقى السعر ده معقول