رابطة مالكى الاكسيل-الجزء الثانى

**Tarek_Swelm** · 20-01-2012 08:37 PM

المشاركة الأصلية كتبت بواسطة magid1010

[/right]

وحشتونى كلكم و الله بص يا سيدى انا بسافر كل 3 شهور العريش من طنطا يعنى 1000 كيلو بص اهم حاجه الاستبن و يكون معاك منفاخ اللى بيشتغل بالولاعه و اتكد من مياه الريداتير و البطاريه و شيك على العفشه و ربطها و ربنا يستر طريقنا[/quote]

اية اخبار المنفاخ بتاع الولاعة معاك , هل فية منة انواع ولا كلة زي بعضة و اخبار السعر اية
و ياتري بياثر علي حاجة في كهربة العربية ولا عادي علشان فية زميل قال قبل كدة انة ضربلة فيوز الولاعة
معلش اسئلتي كتيرة

**aboharb** · 21-01-2012 01:02 AM

المشاركة الأصلية كتبت بواسطة magid1010

[/right]

وحشتونى كلكم و الله بص يا سيدى انا بسافر كل 3 شهور العريش من طنطا يعنى 1000 كيلو بص اهم حاجه الاستبن و يكون معاك منفاخ اللى بيشتغل بالولاعه و اتكد من مياه الريداتير و البطاريه و شيك على العفشه و ربطها و ربنا يستر طريقنا[/quote]

جزاك الله خيرا ما خاب من استشار فعلا لازم اظبط الاستبن لحسن بريح لوحده

**aboharb** · 21-01-2012 01:08 AM

المشاركة الأصلية كتبت بواسطة tarek_swelm

هو صوت العربية علي السلانسية عالي عن قبل كدة ولا زي ماهو
الميكانيكي شكلة علا ظبط خليط البنزبن و الهواء للسلانسية بتاع الكربراتير , دة يعلي عدد لفات الموتور علي السلانسية و دة تلاحظة في الصوت العالي للموتور و انت واقف و ممور و طبعا دة بيزود استهلاك البنزين
و الطبيعي وقتها ان الموتور حيدخلة بنزين زيادة عن قبل كدة فالاول بدل ما يجيب 20 حيجيب 40 و التاتي بدل 40 حيطلع ل 60

الميكانيكيه بيعملو افتكسات تودى الواحد فى النار انا الميكانيكى عمل العكس ظبط السلانسيه على 300 اول شرطه والعربيه دايما بترجرج اول لما ارفع رجلى من على البنزين وبقت واطيه جامد
هضطر بكره اروح الصبح لبتاع الكربيراتير يظبطهم تانى

**kindnight** · 21-01-2012 09:08 PM

السلام عليكم ورحمة الله وبركاته
سؤال رخم شويتين هو مقاس البساتم الأستاندير بتاعة الماتور 1300 كام و الماتور 1500 ايضاً

**toto_hoho** · 22-01-2012 06:18 PM

ممكن استشير اصحاب الخبرة و المشور ماذا تفعل لو كنت مكانى ؟
ذهبت بالامس لاصلح التكييف بالسيارة لانى عندما اشتريتها اخبرنى من باعها لى ان التكييف مش شغال ومحتاج شحن بس وبعد مرور حوالى خمس اشهر على شرائها استشعرب باهمية تصليح التكييف لان الشتاء افضل من الدخول فى محاولة تصليحة فى الصيف وذهبت عند متخصص وقام بعمل الاتى :-

مر على الخراطيم والمواسير و الاجزاء الرئيسية فى التكييف بسائل رغوى واظن انة صابون سائل لتحديد ما اذا كان هناك تنفيث من اى مكان هذا طبعا بعد ما كبس هواء فى دورة التكييف وبعد فترة قام بتوصيل سلك كهربائى فى مكان معين وطلب منى ادور العربية وبعدها اخبرنى ان الكمبروسور بايظ والسربنتينة بتنفث وكشف على الثلاجة بعد ما فك اسفل التابلوه ووجدها بتجيب زيت يعنى كلة زفت وزفت واقترح الحل وقل دة طبيعى لان 99% من سيارات الاكسيل تكيفها بايظ و1% شغال والحل هو ان اغير لك السيستم كلة واركب لك تكييف اكسنت كامل مع بعض التعديلات هيكون تمام التمام وطلب منى 1500 جنية بالضمان ماذا افعل بالله عليكم لو كنتم مكانى

**ABOASSEM** · 22-01-2012 09:16 PM

السلام عليكم استاذ توتو ...اولا ممنوع الكتابة باللون الاحمر لانه بتاع المشرفين فقط وممكن يتم حذفك
ثانيا التكيف لو محتاج كل دة يبقي الاحسن انك تغير السيستم كله وسيبك من تكيف الاكسنت لانه نفس الموضوع وانا نفس مشكلتك وبعد مسألت قالولي فية تكييف اسمة ساندن وتمنة قريب من 1500 او 2000 وهيبقي احسن ...لان انا سألت علي الكمبروسر بتلع الاكسيل قالو 400 ومش مضمون والسربنيتنا برضة 400 وعليك كمان الشحن والمصنعية يبقي دخلت في الف وشوية ويابختك يابو بخيت يعني مش مضمون الاحسن غيرررررر وانا هغير بس مستني لما ربنا يفرجها ..وقبل كل دة الموتور عندك ايه نظامه هيستحمل التكييف ولا محتاج تظبيط يعني شوف الاول الماكنة لو عايزة شغل وبعدين فكر في التكييف والله المستعان

**magid1010** · 23-01-2012 11:08 AM

المشاركة الأصلية كتبت بواسطة tarek_swelm

وحشتونى كلكم و الله بص يا سيدى انا بسافر كل 3 شهور العريش من طنطا يعنى 1000 كيلو بص اهم حاجه الاستبن و يكون معاك منفاخ اللى بيشتغل بالولاعه و اتكد من مياه الريداتير و البطاريه و شيك على العفشه و ربطها و ربنا يستر طريقنا

اية اخبار المنفاخ بتاع الولاعة معاك , هل فية منة انواع ولا كلة زي بعضة و اخبار السعر اية
و ياتري بياثر علي حاجة في كهربة العربية ولا عادي علشان فية زميل قال قبل كدة انة ضربلة فيوز الولاعة
معلش اسئلتي كتيرة

[/quote]
بص يا سيدى المنفاخ ده رائع انا كنت جايبة من التوفيقيه ب 50 جنيه صينى و فيه منه ب 250 بلاك اند ديكر فى هايبر انا لما العجله تنام اركبه و انفخها بيه بس كل بتاع 10 دقايق اوقف شويه علشان السخونيه و اروح اشيل المسمار عند العجلاتى بدل لما افك مره جيت انفخ بيه العجلة مش عايزه تتنفخ و كانت دى اول مره من سنتين افك عجله فى حياتى و طلع ان العجلة الشفه بتاعتها باظت و الهوا كله كان طالع برة و نسيت اقول انه بينفخ البلالين للعيال و فيه فلاشر كمان الصين دى حاجه تجنن

المشاركة الأصلية كتبت بواسطة aboharb

وحشتونى كلكم و الله بص يا سيدى انا بسافر كل 3 شهور العريش من طنطا يعنى 1000 كيلو بص اهم حاجه الاستبن و يكون معاك منفاخ اللى بيشتغل بالولاعه و اتكد من مياه الريداتير و البطاريه و شيك على العفشه و ربطها و ربنا يستر طريقنا

جزاك الله خيرا ما خاب من استشار فعلا لازم اظبط الاستبن لحسن بريح لوحده[/quote]
على ايه بس اى خدمة

**magid1010** · 23-01-2012 11:14 AM

السلام عليكم ورحمة الله وبركاته
ازاى اعلى او اوطى الدبرياج و انهى احس او ايه الفايده من كده و شكرا

**mahmmoud1980** · 23-01-2012 02:00 PM

ممكن اعرف سعر الاسبراتير وهل فيه منه جديد ولا مستعمل

**Ahmed Saad** · 23-01-2012 05:52 PM

السلام عليكم انا عندي مشكله في الفتيس الاتوماتيك ان الفتيس بقي بيهيس وبقي بينقل متاخر فصوت الماتور بيعلي وانا قست الزيت كان تمام ومافيش فيه ريحه شياط ولا لونه متغير فده بقي ممكن يكون ايه مع العلم ان برضه بحس ان العربيه اثناء الغيارالتالت عايزه تاخد كيك داون بس مش بتكمل وبحس بهبده خفيفه اوي اثناء الغيار التالت بالذات لو دايس الدواسه شويه فده ممكن يكون ايه سببه