الموضوع: رابطة مالكى الاكسيل-الجزء الثانى

المشاركة الأصلية كتبت بواسطة survival

انت عملت زيى كان معايا و لازال ريتمو و اديتها لاخويا و دلوقتى معايا اكسيل اوتو93
قبل ما تفكر تغيير الكربيراتير احب اعرفك ان نفس مشكلتك حصلت معايا و كان حلها بسيط جدا ان كان فى خرطوم هوا من بتاع التكييف راكب فى مكان غلط و نتيجة ده كنت الاقى العربية تعلى لوحدها. فانت شيك على الخراطيم بتاعت الهوا و على فكرة كل الميكانيكية اللى اتعاملت معاهم مش بيعرفوا الصح بتاعها. والغريب ان كل ما اقابل حد معاه اكسيل و اشوف توصيل الخراطيم دى عنده الاقيها مختلفة عن اللى قبله و حاولت اطلعها من مانوال الصيانة بس معرفتيش.

ياريت حد من الاخوة يصورلنا التوصيلات بتاعت الكربيراتير بالتفصيل وهندعيله.

حتة ان البوجية مهبب دى حضرتك محتاج تظبط نسبة الخلط بين الهوا و البنزين و دى هتلاقيها هنا فى الرابطة بالتفصيل و ممكن تشوف ان كان العادم فيه ريحة بنزين و لا لاء.

طول ما انت من النوع اللى بيحب يظبط عربيته يبقى اصبر على الاكسيل و هتتبسط بيها.
نصيحة اخيرة لما يجي معاد تغيير المساعدين اللى ورا غيرهم بمساعدين غاز على زيت هتلاقى العربية مسكت نفسها و مفيش مراجيح تانى ومش غالى انا مجرب ال kyp لان وقتها مالاقتيش المنرو و شغال معايا بقاله سنتين الحمد لله زى الفل.

الحمد لله المشكلة اتحلت بعد ما روحت عند بتاع كاربراتير وفكه حته حته ونضفة ولاقى العوامة البلاستيك اللى جوا مكسورة فغيرتها ولاقى مكان لاكور المية متأكل فخرط واحد جديد والحمد لله من بعدها العربية اتظبطت كويس وشكرا جزيلاً على الرد

المشاركة الأصلية كتبت بواسطة amir mohsen

السلام عليكم
انا عندي فكره ايه رئيكم لو كل واحد يصور العربيه بتعتو ويحطها في البروفيل بتاعه وكمان لو حد اشتره قطعه غيار في عربية ممكن يحط سعره والمكان الي اشتراها منه .

فكرة جملية أنا هاعملها

الاخوة الزملاء

[justify]
كل عام وانتم بخير
[/justify]

ممكن حد يصورلنا توصيلات الموبينه الاصليه الفبريكه بتاعة 1500 cc

ويا ريت تكون اكتر من صوره علشان اراجع عندى للضروره لحسن قربت افتح

محل خردة موبينات

المشاركة الأصلية كتبت بواسطة ahmedzizo131

بسم الله الرحمن الرحيم
الى جميع اصدقائي و احبابي اهل الرابطة
كل سنة و انتم طيببن مقدما بمناسبة
المولد النبوى الشريف

الف مبروووووك على العربيه وربنا يباركلك فيها