رابطة مالكى الاكسيل-الجزء الثانى

**محمد ابوسريع** · 08-12-2013 11:53 AM

شباب معروض عليا اكسيل 1998 عاوزه طقم شنبر و كوبلن يمين ب 31 الف ايه رائيكم وما هي اسعار طقم الشنبر والكوبلن مع التركيب

**Magoda** · 08-12-2013 01:41 PM

بسم الله الرحمن الرحيم

إزيكم يا إكسلاااوية اخباركم ايه يارب تكونوا بخير وفى صحه وعافيه

تقرير الفرامل

ونا رايح قلت اجيب معايا رمان البلى عشان أركبه بالمرة بما انه كدته كدته هيفكه يبقى بالمرة روحت للأسطى عبده وقلتله تعالى جرب وكالمعتاد تلاقى المشكلة مش بتظهر بحس كدته انها بتخاف

عمتاً قلتله هيا فيها مشكله .... رفعنا العربيه وحل العجلة اليمين أمامى وفك علبة الزيت الباكم ونزل الزيت اللى فيها هو مكنش زيت هو كان صدأ وغسلها وخرج الماستر والجلد نضفه وتمام التمام ... نيجى بقا لورا وهو بيفك قالى العجله ديه محتاجه رمان بلى وهو بيفك الصموله بتاعه مسمار الأكس مكنتش عايزة تطلع مفوته

وهنا المشكلة تانيه مسمار الأكس كان عايز يتمشط من جديد روحت جبت الخراط ومشطه وقفش 20ج

وروحت شتريت صموله مقاس 27 عشان القديمة بخ ومقاسها 30 ومكنش تركب تانى عشان التمشيط وعشان هيا كانت مبوشة ومفوته ومشكله الرمان مطلعتش مشكلة ومركبتش الرمان رجعته تانى

لما فك التيل الخلفى لاقاااه خلصان قالى انا عندى تيل 6مم بتاع المحلات 4مم سألت عليه فى المحلات ب 75ج هو عنده ب 70ج بيلزقه قلت أجرب اللى عنده وفك ولزقه وركب وظبط الزيت والحمدلله الفرامل بقت تمام التمام

مع اختلاف عن الأول الأول كنت من أول مشعر على الفرامل كانت العربيه تقفش دلوقتى بدوس حته لجوه وبعد كدته تبدأ الفرامل تهدى فقلتله مش المفروض تقفش على طول قالى لأ كده الصح عشان الزيت يروح ويرجع

مصنعيه 60 ج

وبكدته انتهى التقرير وأشوفكم على خير سلاما عليكم

**Magoda** · 08-12-2013 01:45 PM

المشاركة الأصلية كتبت بواسطة محمد ابوسريع

شباب معروض عليا اكسيل 1998 عاوزه طقم شنبر و كوبلن يمين ب 31 الف ايه رائيكم وما هي اسعار طقم الشنبر والكوبلن مع التركيب

طقم الشنبر يعنى قصه 1000-1500ج بالمصنعيه بكله + طقم كوبلن 300ج بالتركيب 250+50مصنعية

**al_manara** · 08-12-2013 02:59 PM

المشاركة الأصلية كتبت بواسطة magoda

بسم الله الرحمن الرحيم

إزيكم يا إكسلاااوية اخباركم ايه يارب تكونوا بخير وفى صحه وعافيه

تقرير الفرامل

ونا رايح قلت اجيب معايا رمان البلى عشان أركبه بالمرة بما انه كدته كدته هيفكه يبقى بالمرة روحت للأسطى عبده وقلتله تعالى جرب وكالمعتاد تلاقى المشكلة مش بتظهر بحس كدته انها بتخاف

عمتاً قلتله هيا فيها مشكله .... رفعنا العربيه وحل العجلة اليمين أمامى وفك علبة الزيت الباكم ونزل الزيت اللى فيها هو مكنش زيت هو كان صدأ وغسلها وخرج الماستر والجلد نضفه وتمام التمام ... نيجى بقا لورا وهو بيفك قالى العجله ديه محتاجه رمان بلى وهو بيفك الصموله بتاعه مسمار الأكس مكنتش عايزة تطلع مفوته :01964e~163: وهنا المشكلة تانيه مسمار الأكس كان عايز يتمشط من جديد روحت جبت الخراط ومشطه وقفش 20ج

وروحت شتريت صموله مقاس 27 عشان القديمة بخ ومقاسها 30 ومكنش تركب تانى عشان التمشيط وعشان هيا كانت مبوشة ومفوته ومشكله الرمان مطلعتش مشكلة ومركبتش الرمان رجعته تانى

لما فك التيل الخلفى لاقاااه خلصان قالى انا عندى تيل 6مم بتاع المحلات 4مم سألت عليه فى المحلات ب 75ج هو عنده ب 70ج بيلزقه قلت أجرب اللى عنده وفك ولزقه وركب وظبط الزيت والحمدلله الفرامل بقت تمام التمام :s_thum1[1]:

مع اختلاف عن الأول الأول كنت من أول مشعر على الفرامل كانت العربيه تقفش دلوقتى بدوس حته لجوه وبعد كدته تبدأ الفرامل تهدى فقلتله مش المفروض تقفش على طول قالى لأ كده الصح عشان الزيت يروح ويرجع

مصنعيه 60 ج

وبكدته انتهى التقرير وأشوفكم على خير سلاما عليكم

التيل الي ركبهولك دة عموله (ملو يعني ) ؟

وبخصوص الفرامل الاول الصح .
هو سحب الهوا ولا لا ؟

**yasooo14** · 08-12-2013 03:38 PM

السلام علييكم .....

كنت عايز اركب فوجات للعروسه بتاعتي 1300 .مو 97
ايه احسن حاجه تركب للشاسيه بتاع الاكصدام اللي في الجناب

و الزرار اللي في 1500 كامله بتاع الفوجات القيه فين ؟ ..او عموما القالي الزاراير فين

انا من الاسكندريه و شكرا

**osos38516** · 08-12-2013 10:16 PM

الاكسيل غيرتلها بوجيهات مرتين فى 3 ايام و البوجيهات المرتين طلعين مهببين اسود و عليهم زيت و ختى الان برده العربيه بتقطعو شكلها هتغير بوجيهات تانى ! ما رأيكم

**Magoda** · 08-12-2013 11:05 PM

المشاركة الأصلية كتبت بواسطة osos38516

الاكسيل غيرتلها بوجيهات مرتين فى 3 ايام و البوجيهات المرتين طلعين مهببين اسود و عليهم زيت و ختى الان برده العربيه بتقطعو شكلها هتغير بوجيهات تانى ! ما رأيكم

أنا رأييى تجيب بوجيهات 2شمعة بـ 60ج إنجليزى
يأما تنزل تجيب من عند ابراهيم البنا الكورى بـ 55ج

**Magoda** · 08-12-2013 11:32 PM

المشاركة الأصلية كتبت بواسطة osos38516

الاكسيل غيرتلها بوجيهات مرتين فى 3 ايام و البوجيهات المرتين طلعين مهببين اسود و عليهم زيت و ختى الان برده العربيه بتقطعو شكلها هتغير بوجيهات تانى ! ما رأيكم

بس ياريت تشوف الأول ايه المشكله متغيرش بوجيهات تانى ممكن يبقى عندك طقم شانبر وبيجيب زيت على البوجيهات فى الحاله ديه بتجيب بوجيهات سن قصير عشان متتحرقش بسرعه

**Magoda** · 08-12-2013 11:44 PM

المشاركة الأصلية كتبت بواسطة al_manara

التيل الي ركبهولك دة عموله (ملو يعني ) ؟

وبخصوص الفرامل الاول الصح .
هو سحب الهوا ولا لا ؟

(ايون ( ملو ) هو عنده بكرة تيل وقطع منها على قد التيل ولزقه ومشى عليه بالنار وسابه لحد مبرد وركبه

اه سحب الهواء

طب الأول صح إيه الحل !!!!)]

**al_manara** · 09-12-2013 02:46 AM

المشاركة الأصلية كتبت بواسطة magoda

(ايون ( ملو ) هو عنده بكرة تيل وقطع منها على قد التيل ولزقه ومشى عليه بالنار وسابه لحد مبرد وركبه

اه سحب الهواء

طب الأول صح إيه الحل !!!!)]

اظنة سحب هوا مرة واحدة بس .
لازم يسحب هوا من كل عجلة . مش معني انك شوفت زيت يبقي سحب الهوا لانة بيجي اول مرة هوا مع زيت .

والواضح من كلامك انك ماعملتش حاجة غير التيل الخلفي فقط .

يبقي التغيير المفروض يحصل عندك هتلاقي الفرامل بقت اعلي وانشف من الاول .