الموضوع: رابطة مالكى الاكسيل-الجزء الثانى

المشاركة الأصلية كتبت بواسطة magoda

هو جاب الخراط وخلاه يفكه بالشنيور وجبت واحد من على مكنة استيراد وبرضه بيتقطم وغالباً بيتقطم والميكانيكى بيجى يظبطلى الكاتينة تفتكر ده عيب ميكانيكى ولا المسمار مش الأصلى

اعرض الامر على ميكانيكي اخر
وربما يكون محتاج كرنك كامل والله اعلم

المشاركة الأصلية كتبت بواسطة magoda

أنتوا فيييين يا إكسلااااوية
انا بعد ما بطل العربية المروحه بتفضل شغاله 15 ثانية وبعد كدة تفصل ديه كدته حاجه كويسة ولا فيها مشكلة

موجودين يا باشا وتحت أمرك فى أى حاجه.
مفيش فيها أى مشاكل ودا لأن المراوح شغاله على ترموستات راكب على الريادتير ومتوصل على البطاريه من غير الكونتاكت يعنى سواء الموتور داير او مطفى بيشتغل لغايه ما الترموستات يفصل.

المشاركة الأصلية كتبت بواسطة amr_khattab

السلام عليكم
العربية كان فيها جزء صغير بارومة وحتة كدا تترد على البارد وكنت متفق مع السمكرى عليهم
وبعد كدا لما روحتله لقيته بيورينى بارومات تانية اكتر وكمان حتت معوجة طبعا دا ظهر لما فك الببان من جوا وكدا
المهم انه عايز يعملهم
وهغير الزجاجج الامامى
وهيظبطلى المرمات اللى فيها
والكبوت مضعضع كدا هيظبطه
وهرش العربية كلها من برا فى فرن
اللون اخضر ميتالك
واتفقت معاه بعد الفصال على 2600 جنيه
ايه راى حضراتكم فى السعر

أنا شايف ان السعر كويس بالنسبه للشغل اللى هيعمله لأنه مش سهل وخصوصا ان البارومه من الصعب التعامل معاها ولازم يديلك ضمان بعد ما يخلص ان البارومه ما ترجعش تانى على الاقل مش قبل سنه .... انا افتكر ان واحد صاحبى عمل البارومه وبعد كدا دهان فى عربيه ميجان 99 كلفته 4الاف جنيه.

المشاركة الأصلية كتبت بواسطة atex

ازيكم يا اكسلاويه
بصراحه انا مبسوط جدا بوجودى معاكم هنا
انا عندى لما اجى ادور العربيه بحس بخبطه بسيطه كده فى الموتور مع رعشة الموتور
صوت كده زى ما يكون بيخبط فى جسم العربيه مع الرعشه بس الصوت ده بيختفى لما العربيه تسخن
روحت للعفشجى قالى هى كده طبيعيه و مفيش فيها حاجه
فهل ده كده فعلا طبيعى ولا فى حاجه ؟؟

الحمد لله بخير وكله تمام .
بما ان الموتور بيرعش وبيعمل صوت خبطه يبقى قاعدة موتوربايظه او مش ماسكه كويس وغالبا هتكون اللى جنب فرن الشكمان فى مقدمة الموتور وبرضو علشان تتأكد هتخلى حد يبصلك على الموتور وانت راكب العربيه وتشد الهاند بريك وتدى الاول وتدوس اكنك هتطلع لقدام وبعد كدا تدى ريفرس ونفس القصه لورا لو الموتور لقيته فى جنب من الجوانب الاربعه بيتحرك يبقى العيب من القاعده اللى عندها.