الموضوع: ما هو تقييمك لكاسيت و سماعات سيارتك النيسان ؟

المشاركة الأصلية كتبت بواسطة ahmazong

طب عليهم ضمان وكده ..

و عاملين إيه مع سماعات قدام ؟؟ و هل لازم اغير اللي قدام كمان ولا لأ ؟؟؟؟

اه عليهم ضمان و سبيركار قاللى انه وكيل ليها اصلا و شغالين عادى مع سماعات قدام و فى امكانيه زى ما انت عارف ممكن تتحكم من الكاسيت انك تشغل اللى ورا بس او اللى قدام بس او الاتنين ما بعض بس بينة و بينك دلوقتى لما بابقى مشغلهم كلهم مبقتش باحس باللى قدام

السلام عليكم....
الموديل : صني 2012 مانيوال
التقييم : الكاسيت متوسط والسماعات سيئة والراديو بيخروش اوي في بعض المحطات مثل 104.2 fm.
مش عارف ده عيب سماعات ولا كاسيت وبعدين البحث عن محطات الراديو مش كويس بيفوت محطات في البحث.
أرجو النصيحة من غير تقطيع في الصاج أو الباب...انا متهيألي الكاسيت كويس لو السماعات افضل...
شكرا

و عليكم السلام. هو أنا كمان بيحصل معايا حكايه الراديو دى كتير بس هى الحكايه دى فيها احتمالين: اما المنطقه اللى حضرتك فيها الاشاره ضعيفه او احتمال ان الكاسيت يكون مش حساس اوى و ما بيعرفش يلقط موجه ضعيفه و علشان تتاكد العيب منين ممكن تجرب مع حد تانى عنده كاسيت نوع تانى و تشوف فى نفس المكان كل واحد هيلقط الصوت و الاشاره ازاى و من هنا تحكم اذا كان العيب من الكاسيت و لا لاء و بالنسبه للسماعات هى اللى راكبه بتبقى جولدى ٤٠ وات و حضرتك تقدر تركب مكانها اى سماعات مدوره مقاس ١٦ سم و هتركب مكانها عادى و على نفس مقاس المسامير بس السماعات دى اخرها. ٣٠٠ وات و بتركب سماعتين ورا بيشتغلوا مع الاتنين الاصليين اللى فى الباب عادى. هو أنا على فكره مش عاجبنى الكاسيت بس اجلت الموضوع بتاعه شويه لان الاختيارات كتيره قوى و بفكر اجيب واحد من بره بس قدام شويه.

على فكره الكاسيت بتاعى الكينوود و العربيه مو ٢٠١٠ و فيه فتحه. Aux. تسمح بتركيب usb عن طريق وصله موجوده في سبيركار و أنا فعلا شوفتها لكن كنت مستعجل و كمان فكرت أنى هابقى اغير الكاسيت كله فقلت مش وقته يعنى.

الوصله اللى بتتحط فى ال AUX بتاع الكاسيت بتطلع جاك استريو ممكن تركب فيها الموبايل مثلا ودى سعرها ١٠ج وفى جهاز تانى صغير بيتباع لو عايز تشغل فلاشه عليها mp3 و ده بياخد كهربا من فتحه البطاريه و سعره ٦٠ جنيه و حجمه صغير ينفع يتحط فى الدرج الفاضى اللى تحت الكاسيت

على بركه الله

بالنسبة للمنطقة اللي انا فيها الإرسال فيها مش وحش بدليل سيارتي القديمة كنت مركب فيها سماعتان Sony xplod بيضاوي افتكر 250 او 300 وات مع كاسيت Sony وكان الرديو بيلقط احسن بس كان بيبقى في خروشة في بعض المحطات.
عاوز اعرف الأربع سماعات اللي في الصني هل كلهم goldi 40 watt ولا ايه وانهي اتنين هما الأفضل اللي ورا ولا اللي قدام؟؟وهل محتلج اغير الأربع سماعات ولا اقتراحات حضراتكم ايه؟؟
كمان هو كده الكاسيت فيه مشكلة مع الراديو؟؟؟
مع العلم عربيتي صني 2012 مانيوال

جزاكم الله خير