الموضوع: ما هو تقييمك لكاسيت و سماعات سيارتك النيسان ؟

الموديل : 2011 ex
تقييم الكاسيت : ممتاز وإمكانياته كتير ومتعدده (وزى ماقال معظم الأعضاء ينقصه وصله ال usb)
السماعات : مش وحشه ---- بس أنا بقى عملت إفتكاسه جديدة عشان مغيرش لا السماعات إللى قدام ولا إللى ورا
-------- إشتريت إكواليزر جينسين 3003 ب 280 جند وركبته فى التابلوه مكان العلبة اللى تحت مفاتيح التكييف
والنتيجة بقت مرضيه جدا , الصوت بقى كويس اوى سواء فى السى دى او الراديو أو حتى لما بشغل الموبايل على فتحه ال aux واهه يعنى الواحد مش حيمشى عامل فرح ف الشارع , فكده الصوت بقى كويس جداااا على مستوى داخل العربيه سواء للى قاعد قدام او ورا , بالإضافة للميزه الأخرى وهى ان الأكواليزر اعطى شكل جميل للتابلوه (أنوار ولايت سيستم وحركات كده) لإن بالصدفة البحتة طلع الثيم العام للإضاءه برتقالى زى لون ثيم نور تابلوه العربيه فبقو لايقين على بعض قوى ,
ودى أحسن فكره تصلح بيها الصوت بدون تغيير السماعات أو الكاسيت الأصليين للعربية
ملحوظة :
طبعا عشان العربية جديدة وخفت من فتى الصنايعية ف تركيب الأكواليزر وتوصيلات الكهربا والضمان وكده , ركبته فى التوكيل أوتو إيجبت وانا بعمل صيانة ال 5000 , بس طبعا شمطونى فى سعر تركيبه (113 جند عدا ونقدا) فى حين لو كنت ركبته عند اى حد بتاع كاسيت كان حياخد كبيره 40 جم بالكتيييير

المشاركة الأصلية كتبت بواسطة Ahmazong

!!!!!!!!!!!!!!! دي فين ديه ؟؟؟؟؟
الحقني بيهاااااااااااااااا ..

يقطعنى يااحمد بيه ..... اتأخرت عليك :) ... كدة برضه حاتفرحنى فى البحاروة؟ الوصله دى عند بتوع الألكترونيات وهيا عبارة عن جهاز كدة اكبر من علبه الكبريت بشويه ... تقريبا حجم علبتين كبريت جنب بعض وبيتحطله من ورا وصليه ال aux اللى هو الكابل يعنى وبيدخل فى دخل كدة من الجهاز من ورا ومن قدام حوالى 3 فتحات usb علشان سعادتك تعيش ... :) تمنه حوالى 70 جنيه بالظبط وأأمرنى ياحبى لو عاوزه ابعتهولك من هنا والله ... تحياتى لحضرتك

المشاركة الأصلية كتبت بواسطة ahmddomar

الموديل تيدا 2010
تقييم الكاسي والسماعات ممتازين
ينقصه فقط usb

+11111111111111 اتفق تماما
تيدا 2011

فكره حلوه قوى و ياريت و الله