الموضوع: الى عماالقه البروتون فقط وملاكها الله يكرمكم

هو مين قال التيل الأصلي بيصفر في العربيات الجين 2 الزيرو؟ مظنش إني شفت مواضيع كده هنا ولو فيه حاجة كده يبقى مجرد تنضيف الطنابير هيحل المشكلة. أنا شخصيا التيل مصفرش معايا خالص من ساعة ماجبت العربية وهي حاليا ماشية 36 ألف ولسة بنفس التيل, على فكرة أنا مانيوال, إنما الاوتوماتيك بيعد من 15-20 ألف فقط.

المشاركة الأصلية كتبت بواسطة raul_7

هو مين قال التيل الأصلي بيصفر في العربيات الجين 2 الزيرو؟ مظنش إني شفت مواضيع كده هنا ولو فيه حاجة كده يبقى مجرد تنضيف الطنابير هيحل المشكلة. أنا شخصيا التيل مصفرش معايا خالص من ساعة ماجبت العربية وهي حاليا ماشية 36 ألف ولسة بنفس التيل, على فكرة أنا مانيوال, إنما الاوتوماتيك بيعد من 15-20 ألف فقط.

+100000000000000000000000000000000000000000000

أنا ركبت الجين 2 موديل 2007 و معايا 2010 دلوقتي
لا التيل في دي صفر و لا في الجديدة بيصفر .

التيل اللي بييجي مع العربية على فكرة مش ألماني ..... هو ماركة بوش و لكنه مصنوع في ماليزيا .

بالنسبة للتيل اللي بيتباع في التوكيل مليش معاه أي تجربة علشان الحمد لله مغيرتش التيل لغاية دلوقتي .

في موديل 2007 قبل ما بيعها كشفت عليه قالولي يقعد على الأقل كمان 10 أو 15 الف كم و كنت بايعها و هي عاملة تقريبا 40 ألف كم مش فاكر .
و حاليا عامل 20 ألف كم بموديل 2010 و التيل مش بيصفر و كويس جدا و الفرامل ممتازة .

بالنسبة للأتيال البديلة فعلا زي ما المهندس فيلكس أشار
فيه 3 أنواع في التوكيل
المصري و الماليزي بتاع بروتون رقم 2 و الماليزي اللي هو أسمه بوش .
أنا مجربتش بصراحة علشان أحكم و لكن الناس مش متفقة على رأي واحد و فيه ناس بتشكر في المصري مثلا أو الماليزي و ناس لاءة .

عموما البدائل برة موجودة و هي البدائل اللي أشار إليها الأستاذ فيلكس .
و لو أني عايز أقولك هات المصري (دعما لبلدنا ) و لكن أنا مش مجربه فمش قادر أنصحك به أو لاءة .

المشاركة الأصلية كتبت بواسطة amrelsha3er

رؤوول باشا طمنتى والله انت اول واحد يقولى كده بصراحه الناس كلها اللى معاها الجين2 عارفه بحوار الصفاره ده يمكن انت فللت من الحوار ده ربنا يملهالك بركه عقبال ماقع فى عربيه مبتصفرش ومفهاش مشكله سؤال ياباشا ليك بما ان انت معاك المنيوال عشان انا إن شاء الله هجيب مانيوال اخبار الفتيس معاك ايه فى عضه فى الاول والتانى؟!!!!وسحبها معاك ازاى!!الف شكر يكبير على ردك

بصراحة أعرف كذا واحد برده فرامله ماصفرتش, المهم الاهتمام بنظافة الطنابير.

بالنسبة للفتيس, عشان أبقى صريح معاك النقلة التانية بتعض بس خفيف قوي, يعني مش بيطلع صوت بس في نفس الوقت مش انسيابية, وكمان في وجهة نظري إنها بعيدة حبتين عن الأول في المسافة, على عكس التلات نقلات التانيين قريبين من بعض قوي.

بالنسبة للسحب أكيد فيه فرق عن الأوتو وهي سحبها حلو قوي وبيبقى أحسن لو حطيت بنزين 95.

كمان فيه نقطة, إن فتيس الجين 2 المانيوال رياضي, يعني هتلاقي ناشف كده مش مخلخل وبيرمي معاك عالنقلة, باستثناء وإنت بترمي عالنقلة التانية.

ده رأيي الشخصي.

المشاركة الأصلية كتبت بواسطة amrelsha3er

كلام جميل ملوش مثيل والواحد عاوز ايه غير ان الفتيس يكون كده رياضى مش اى كلام الف شكر ياباشا ريحت قلبى وطمنتى الله يطمنك وتسلم على الرد وربنا يكرمك رؤؤل باشا استفسار من معاليك على حاجه تانى واحد صحبى معاه جن2 هو جارى بس مش معانا هنا فى المنتدى معاه مشكله من سنه معاه موديل2008اتوماتيك ومشكله فى مؤششر البنزين مش شغال يعنى لما بيفوول ولا كان فى حاجه بتحصل الرجل ماشى بالسنس كده وكل مايسال فى التوكيل يقولوه فى السيم كنترول بتاعه العوامه حاجه كده هى اللى بايظه اللى وظيفتها تخلى العوامه تححس وتخلى المؤشر يشتغل وجارى ده غلب معاهم التوكيل اللى فى اسكندريه ومواعدينه بقاله سنه انها هتيجى من بره عشان مش موجوده وكذا واحد برضو معاه نفس المشكله حد سمع بالحوار ده قبل كده ياجماعه او المشكله دى وفى نفس الوقت محدش عارف يحلها بره التوكيل!!!!:s:s:sافيدونا افادكم الله انا قولت لجارى سبلى الموضوع ده استشير فيها العملاقه هنا وهما اكيد عندهم حل او وجه نظر !!!متكسفونيش بقى

خليه يبعت اميل لبروتون ماليزيا وكله هيبقى تمام إن شاء الله.

i.care@proton.com

وطبعا يذكر رقم الشاسيه والموتور.

المشاركة الأصلية كتبت بواسطة amrelsha3er

r2ul basha alf shokr i will pass him the mail bs tftkr hirdoo 3leh!!??enta mgrrb elmodo3 da ykbeeeer gr8 thx mr r2ool :)

مجربه في مشكلة تانية والمشكلة اتحلت في خلال أسبوع.