الموضوع: انا عاوز حق اخويه

المشاركة الأصلية كتبت بواسطة khaled ayman

اخويه مواليد شهر 11
و دخل الجيش فعلا فى النص التانى من 2011 ...شهر 7 تحديدا ...
يا ريت تقولى المعلومات الى تعرفها كلها ..

الدفعه اللي كشفت في شهر 4 و دخلت في شهر 7 اللي انا صاحبي دخل فيها ولما جه يترحل لقي حصل لغبطه في ورقو و اتأخر يومين بالظبط وكان فات معاد التطعيم بتاع البرد حضر يوم تاني يوم لقي الدنيا مقلوبه و المعسكر العساكر بيكسرو في العنابر و بيولعو في الدنيا و كان الهتاف دفعه العبيد حتشيل العميد ( المقصود العميد المسؤول عن المعسكر ) و حنجيب حق اخوتنا وفعلا بيقولي جت قياده المسؤله و بيقولي حولو الظابط المسؤل عن القطاع و الدكتور الي المحاكمه العسكريه
فبقولو ايه القصه قالي في 2 ماتو فبقولو اي السبب قالي ان اولا المعامله كانت غير ادميه لدرجه لايتحملها اي حد فبقولو ماتو ازاي قالي و هما الدفعه كانت خدت تطعيم البرد و بيقولي بعد التطعيم بتسخن و تتعب لمدة يومين حراره عاليه جدا و برد شديد و حمي
بيقولي في كل المعسكرات مفروض كان بياخدو اليومين اللي بعد التطعيم اجازه
بيقولي اما في المعسكر خلوهم ينزلو طوابير من الساعه 7 لحد الساعه 2 الظهر واقفين و الشمس فوقهم فبيقولي واحد من ال 2 الي اتوفم وقع علي الارض فالظابط فكرو اغم عليه و طلب الدكتور و كان في واحد تاني وقع برضو بيقولي الدكتور اول اما جه قاعد بيزعق قومو انتو حتمثلو انكو ومغم عليكم وكل دا مش مستوعب انهم اتوفو و عمال يشتم فيهم و يضرب بالقلم علي اساس انهم يفوقو لغايه اما فوجئ انهم متوفين طبعا الموضوع اتكتم عليه لحد اما يومها بالليل المعسكر كلو قام و فضلو يكسرو لحد تاني يوم الصبح القياده جت وحولت الدكتور و الظابط لمحاكمات عسكريه و برضو مكنش فض المعسكر غير لما اتأكدو انهم فعلا اتحولو و بيتم محاكمهتم و زمليلي بيقولي وراحو مدين لكل بقيت المعسكر اجازه ال 15 يوم بتوع التدريب

فسبب الوفاه طبيعي بس ناتج عن اهمال انهم كانو مفروض ياخدو راحه
تهيألي تتعدد اسباب الوفاه و الموت واحد
كدا كدا تهيألي مش حتعرف حوار انك تثبت الكلام في الجيش لان الحاجات دي بتبقي زي محاكمات داخليه مابتعلنش للناس العاديه يعني يكتب سبب الوافاه حاجه عاديه عشان ميثيروش اهل الميت بس بيحاكمو الناس بتوعهم

وربنا يرحمه دا كل اللي تقدر تعملو انك تدعيلو و تعملو عمل سبيل عشان يخفف عنو هوه دلوقتي محتاج الحسنات مش حيفيدو انك تعدم اللي اهمل اول لا

البقاء لله با خالد
حاول تتابع حياتك وتساعد والدك ووالدتك على انهم يتابعوا حياتهم
استمرارك فى انك تتمسك بشك ضعيف جدا ده هيقلب حياتكم جحيم
احتسبه عند الله شهيد وادعى ربنا يجمعكم بيه فى الجنه

انا اتذكر موضوعك من فترة وربنا يرحمة وان ماحصلتش علي حقة في الدنيا وفلت الجناة بفعلتهم ,, اين سينجو من الخالق في الاخرة ..


----------

اخوك جندي مجندي رايح بعد 5 ايام .. ان شاء الله وفية احتمال كبير اروح دهشور .. ربنا يستر ..

المشاركة الأصلية كتبت بواسطة world_of_kill

الدفعه اللي كشفت في شهر 4 و دخلت في شهر 7 اللي انا صاحبي دخل فيها ولما جه يترحل لقي حصل لغبطه في ورقو و اتأخر يومين بالظبط وكان فات معاد التطعيم بتاع البرد حضر يوم تاني يوم لقي الدنيا مقلوبه و المعسكر العساكر بيكسرو في العنابر و بيولعو في الدنيا و كان الهتاف دفعه العبيد حتشيل العميد ( المقصود العميد المسؤول عن المعسكر ) و حنجيب حق اخوتنا وفعلا بيقولي جت قياده المسؤله و بيقولي حولو الظابط المسؤل عن القطاع و الدكتور الي المحاكمه العسكريه
فبقولو ايه القصه قالي في 2 ماتو فبقولو اي السبب قالي ان اولا المعامله كانت غير ادميه لدرجه لايتحملها اي حد فبقولو ماتو ازاي قالي و هما الدفعه كانت خدت تطعيم البرد و بيقولي بعد التطعيم بتسخن و تتعب لمدة يومين حراره عاليه جدا و برد شديد و حمي
بيقولي في كل المعسكرات مفروض كان بياخدو اليومين اللي بعد التطعيم اجازه
بيقولي اما في المعسكر خلوهم ينزلو طوابير من الساعه 7 لحد الساعه 2 الظهر واقفين و الشمس فوقهم فبيقولي واحد من ال 2 الي اتوفم وقع علي الارض فالظابط فكرو اغم عليه و طلب الدكتور و كان في واحد تاني وقع برضو بيقولي الدكتور اول اما جه قاعد بيزعق قومو انتو حتمثلو انكو ومغم عليكم وكل دا مش مستوعب انهم اتوفو و عمال يشتم فيهم و يضرب بالقلم علي اساس انهم يفوقو لغايه اما فوجئ انهم متوفين طبعا الموضوع اتكتم عليه لحد اما يومها بالليل المعسكر كلو قام و فضلو يكسرو لحد تاني يوم الصبح القياده جت وحولت الدكتور و الظابط لمحاكمات عسكريه و برضو مكنش فض المعسكر غير لما اتأكدو انهم فعلا اتحولو و بيتم محاكمهتم و زمليلي بيقولي وراحو مدين لكل بقيت المعسكر اجازه ال 15 يوم بتوع التدريب

فسبب الوفاه طبيعي بس ناتج عن اهمال انهم كانو مفروض ياخدو راحه
تهيألي تتعدد اسباب الوفاه و الموت واحد
كدا كدا تهيألي مش حتعرف حوار انك تثبت الكلام في الجيش لان الحاجات دي بتبقي زي محاكمات داخليه مابتعلنش للناس العاديه يعني يكتب سبب الوافاه حاجه عاديه عشان ميثيروش اهل الميت بس بيحاكمو الناس بتوعهم

وربنا يرحمه دا كل اللي تقدر تعملو انك تدعيلو و تعملو عمل سبيل عشان يخفف عنو هوه دلوقتي محتاج الحسنات مش حيفيدو انك تعدم اللي اهمل اول لا

اولا متشكر جدا على تعب حضرتك ..لكن فى بعض الحاجات هوضحها و مش غرضى تكذيب ..
انا شايف ان الجزء بتاع انه وقع و توفى ..و محدش كان واخد باله غير صحيح ..لان اخويه وقع ..و اتنقل للمستشفى و هو على قيد الحياه ..ودخل المستشفى 5 و نص و توفى 11 باليل ...فباالتالى مستحيل يكون توفى فى المعسكر ..
انا اه متأكد انه وقف فى الطابور لفتره طويله جدا و هى كانت السبب ..لكن متأكد انه خرج من المعسكر حى ...
ممكن يكون ده حصل مع الحاله التانيه ..طاهر لانه توفى قبل وصوله للمستشفى ...

المشاركة الأصلية كتبت بواسطة wesam_salom

البقاء لله با خالد
حاول تتابع حياتك وتساعد والدك ووالدتك على انهم يتابعوا حياتهم
استمرارك فى انك تتمسك بشك ضعيف جدا ده هيقلب حياتكم جحيم
احتسبه عند الله شهيد وادعى ربنا يجمعكم بيه فى الجنه

بأذن الله شهيد ..
الحمد لله على كل شىء
انا بلغت والدى بروايه محمد قاسم ...و قولتله الكلام ده من مجند كان معاه عشان يطمئن قلبه ...
وحسبى الله و نعم الوكيل

المشاركة الأصلية كتبت بواسطة nistelrooy

انا اتذكر موضوعك من فترة وربنا يرحمة وان ماحصلتش علي حقة في الدنيا وفلت الجناة بفعلتهم ,, اين سينجو من الخالق في الاخرة ..


----------

اخوك جندي مجندي رايح بعد 5 ايام .. ان شاء الله وفية احتمال كبير اروح دهشور .. ربنا يستر ..

انا كنت متردد اعمل الموضوع لاسباب كتير من ضمن الاسباب دى ان عارف ان فى ناس رايحه الجيش ..ومش عاوز يبقى فى تاثير على نفسيتهم
ان شاء الله متروحش دهشور ..و تبقى مرتاح فى جيشك
و خليك مؤمن ان كل واحد هيلاقى قدره مهما كان المكان الى هو فيه
العقاب فى الاخره لا مفر منه ...
وانا منتظر اشوف العقاب يوم الدين ...
و مش مسامح اى واحد ظلمه او عرف حاجه و مخبيها ...
و انا طول اليوم بدعى لاخويه ...و طول اليوم بقول "يارب انتقم شر انتقام من كل واحد ظلمه"

المشاركة الأصلية كتبت بواسطة dr_medoo

البقاء والدوام لله وربنا يصبركم يا خالد على ما اصابكم
وربنا يعينك وتقدر تاخد حقه او على الاقل تعرف السبب على الاقل علشان ترتاح علشان طول مانتو مش عارفين السبب اكيد هتفضل تعبان على طول بس نصيحه حاول على قد ما تقدر ما تقولش الموضوع قدام والدتك علشان مش تفتح الجرح هى طبعا عمرها ما هتنسى وعلى فكرة انا ابن خالتى كان قالى مرة ان فى واحد مات برده فى معسكر دهشور من ضربه الشمس بس الكلام ده من زمان من حوالى سنتين وقالى ان المعسكر ده زى الزفت وخصوصا فى الصيف علشان فى ناس كتير بيحصلها الكلام ده بالذات فى الصيف

وفى الاخر ربنا يصبرك ويصبر والدتك وولدتك على ما اصابكم

الدوام لله وحده ...
للأسف احنا مش قادرين نعرف اكتر من الى عرفناه
ربنا يصبرنا و يرحم جميع امواتنا
فعلا المعسكر سمعته سيئه جدا
من ايام ما والدى كان فى الجيش ...

المشاركة الأصلية كتبت بواسطة ahmed_su

البقاء لله

ربنا يصبرك و يصبر الوالد والوالدة

نحتسبه عند الله شهيدا ان شاء الله

انا اميل الى تصديق الروايات السابقة بشكل كبير لان دى طبيعة الجيش

وانا كنت مجند من سنوات طويلة مضت وكنت بسلاح المهندسين

وكانت يفط واعلانات المعسكر دائما تشير الى ان نسبة الخسائر فى التدريب

فى ذلك المعسكر 20 % يعنى لومات 20 % من المجندين اثناء التدريب

يبقى انت فى الرينج الطبيعى ,وعلى قدر قساوة مركز تدريب المهندسين

كان يعتبر ترفيها مقارنة بمعسكر دهشور ذو سمعة " دهشور لامية ولانور والاكل بالطابور"

وكنت دفعة شهر يناير وكانت شمس يناير فى ذلك المعسكر حارقة

وبعد حقنة التطعيم اللعينة كنا نقف فى طوابير تمتد لساعات ويقع من يقع من المجندين

وكان يتم نقلهم تحت المظلات واصيبت بضربة شمس... والعيادة عبارة عن طبيب مجند

لاحول له ولا قوة وكل مالديه بعض الاقراص وشوية شاش وميككروم

والحمد لله احد المجندين استطاع "التزويغ"من المعسكر مساء محملا

برسالة الى والدى رحمه الله ( ماكنش فيه موبيلات لسه)

اللى قدر يجبلى واسطة واخذت اجازة لمدة اسبوع امضيتها راقدا من

ضربة شمس يناير فما بالك بشمس دفعة يوليو

احتسب اخوك عند الله شهيدا

"وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ"
صدق الله العظيم

اولا الحمد لله على كل شىء ...
شىء مخزى بصراحه ان تبقى دى المعامله لمصريين ...
اعتقد لو المعسكر فى اسرائيل مش هيتعمل فيهم كده ...
والحمد لله انك قدرت تخلع من المعسكر بتاعك زمان ...
ربنا يرحمه و يرحمنا ...