الموضوع: انا عاوز حق اخويه

المشاركة الأصلية كتبت بواسطة shaddadfalcon1

الله يرحمه ويغفرله
انا شايف ان مشكلتك هي ان دماغك عماله تودي وتجيب وبيتيهالي ملوش لازمه البهله والشحططه طالما منضربش ومحدش ازاه جسديا
زي ماالزميل الفاضل قال فيه 14 واحد جالهم ضربة شمس ولكن قدر اخوك كده - ساعته جت خلاص

وبيتهيالي الجيش كده امن نفسه من عزل المسئولين ودفع تعويض واي حوارات تانيه مش هينوبك منها غير وجع القلب والضمير

الفلوس اللي هتصرفها علي المحامي طلعها صدقه علي روحه وحسبي الله ونعم الوكيل في كل حد كان ليه يد في الموضوع ده

منطقيا ..الكلام ده صح
بس حضرتك ..مش عارف اوصلهالك ازاى
بس انا مش عارف
انا بتصرف صح ولا غلط
بضيع حقه ؟
ولا هو اصلا ملوش حق
ولا ليه حق بس مهما عملت مش هعرف اجيبه و مش هستفيد غير الضرر النفسى للاسره كلها
و دايما اسال نفسى لو انا الى حصلى كده و هو عايش ..كان هيعمل ايه ؟
القرار مش سهل ابدا ..
والقرار الى هيتاخد ...نتيجته هتستمر العمر كله

المشاركة الأصلية كتبت بواسطة shaddadfalcon1

لو الموضوع زي ماتقال يبقي انت كده خدت حقه لان تم التعويض وتم عزل المسئولين وراعي ان اكيد هما مكنوش بيعملو كده عشان يموتوه

انا معاك ان في اهمال بس الجيش دايما بيبقي قاسي ولو كل واحد قال انا تعبان رجعوه علي سريره مفيش واحد هيقف طبور

مهو ده تعويض من وجهه نظرهم هما ..

المشاركة الأصلية كتبت بواسطة damasry

يا خالد فى اى معسكر تدريب للجيش بيكون فيه نسبة اصابة بشرية ونسبة وفاة مسموح بيها قانونا.

ياريت سيادة الكولونيل خالد يدخل يأكدلنا الكلام ده وكمان يقولنا ايه ممكن نعمله.

نسبه وفاه مسموح بيها لما يكون الى مات ده مات فى ظل ظروف طبيعيه ..
مش يوقفوه من ساعه شروق الشمس لغروبها ..وتبقى دى نسبه الوفاه المسموح بيها قانونا ..

المشاركة الأصلية كتبت بواسطة hamadakaboo

و بالنسبة لحكاية الإعلام أنا برده مش شايف أنها حتجيب نتيجة لان دول بيهمهم الشوشرة و يعملوا هيصة و خلاص
أنت لو عاوز تطمن أكتر لازم تشوف حد من زمايله , لاكن السكة بتاعت القانون ديه طويلة و برده زي ما قال"هتكون عقوبته ف القانون العسكري ايه ؟؟
مش متخيل انها تكون اكتر من جزاءات او تأخير ترقية .. والله أعلم"
و برده العقوبة أقصاها أيه؟ ,و عمرها ما حتغطي على الألم اللي حصل
و أخيرا أنا بالأمانة صعبان عليا والدتك ,حاول تقعد معاها كتير و تواسيها و ربنا يكون فعونكم جميعا يا رب

الحمد لله احنا من غير حاجه متجمعين على طول ...مش كل واحد فى حاله ..
و طبعا بعد الى حصل ..بقيت يا معاها فى البيت يا كل شويه فى التليفون
ربنا يصبرها ..يصبر والدى ..ويقوينى ..
كلام حضرتك للأسف صح ..انا مش هعرف اثبت حاجه
انا هعرف والدى انى سألت فى الموضوع تانى و أأكدله روايه محمد قاسم
و اطمن والدتى ان مفيش حد اذاه
و احاول اطلع تقرير الطب الشرعى عشان اطمن انا كمان و اطمنهم زياده
و يا رب انتقم شر انتقام من كل واحد اذاه ..ومن كل واحد عارف حاجه و مخبيها

البقاء لله و ربنا يصبرك
بس ماتسكتش زن علي زاميله و كلم محامي و لو تعرف تكلم البرامج الفي التلفزيون يبقي احسن
افضحهم و جراسهم عشان العمل كده ياخد جزائه و يبقي عبرة لكل واحد ماسك وحدة و تحتيه ناس بيعملوهم معملت الحيوانات