انا عاوز حق اخويه

**KHALED AYMAN** · 14-01-2012 02:50 AM

المشاركة الأصلية كتبت بواسطة m.osama

انا كل معلوماتى عن الحادث ده،، ان حصل فى المعسكر يومها حالة هياج جماعى.. ومعرفش حصل بسبب الوفاة او الوفاة اللي حصلت بسبب الهياج ده،، وسمعت عن خناقة جماعية.. وعلفكره انا كنت في الجنازة وانا معرفش اصلا انه اخوك يا خالد،، البقاء لله

كنت فى المحله هنا ؟؟
عرفت منين ؟

**Ahmedhussein007** · 14-01-2012 02:52 AM

حسبى الله ونعم الوكيل انا لله وانا اليه راجعون والبقاء لله

**KHALED AYMAN** · 14-01-2012 02:52 AM

المشاركة الأصلية كتبت بواسطة damasry

يا خالد من اول يوم وهما قايلين تقرير الطب الشرعى ها يطلع للنيابة العسكرية مش ليكوا

زى اى حادثة، تقرير الطب الشرعى بيطلع للنيابة العامة واهالى المجنى عليه بيطلبوا صورة من تقرير الطب الشرعى.

لو عايز يبقى سيبك من المحامى ده وخلى عمو يعملك توكيل رسمى وتعالى نروح النيابات العسكرية فى مدينة نصر هنا ونقدم الطلب بنفسنا وناخد رقم للطلب نقدر نتحرك بيه.

ونطلع على الامانة العامة للقوات المسلحة ونعمل نفس الموضوع هناك.

زمايله مش عايزين يتكلموا عشان اكيييد منبهين عليهم جامد

ثم ان كل دفعة احمد (الله يرحمه نزلت ومكملتش فترة الإعداد) واتوزعت على اماكن خدمتها

طيب مهو مفروض المحامى طلب نسخه من التقرير و محدش عبره ..
عموما هشوف الى بتقول عليه ده و ارد عليك ..

**al_manara** · 14-01-2012 02:52 AM

البقاء لله . ربنا يرحمة . ويصبركم ويصبر والدتة .

انا مش عارف اقول حاجة

**M.Osama** · 14-01-2012 02:52 AM

المشاركة الأصلية كتبت بواسطة khaled ayman

كنت فى المحله هنا ؟؟
عرفت منين ؟

الموضوع كله جه صدفة،، واحد جارنا تقريبا قريب لكم او قريب حد متزوج من العيلة عندك،، وخالى كان رايح معاه وكنت انا وسيلة المواصلات،، وبعد لما رجعت عرفت الموضوع والقصه وعرفت انه اخوك.. البقاء لله يا خالد

**KHALED AYMAN** · 14-01-2012 02:56 AM

المشاركة الأصلية كتبت بواسطة M.Osama

الموضوع كله جه صدفة،، واحد جارنا تقريبا قريب لكم او قريب حد متزوج من العيلة عندك،، وخالى كان رايح معاه وكنت انا وسيلة المواصلات،، وبعد لما رجعت عرفت الموضوع والقصه وعرفت انه اخوك.. البقاء لله يا خالد

الدوام لله وحده

**KHALED AYMAN** · 14-01-2012 02:57 AM

المشاركة الأصلية كتبت بواسطة al_manara

البقاء لله . ربنا يرحمة . ويصبركم ويصبر والدتة .

انا مش عارف اقول حاجة

الدوام لله وحده ....آمين يا رب

**WalidAdel** · 14-01-2012 03:10 AM

المشاركة الأصلية كتبت بواسطة khaled ayman

بس فى حق ..انا مينفعش اعرف ان اخويه اتظلم ..والظلم اتسبب فى موته و انى اتحرم منه و ابويه و امى و اخويه الصغير ..وخطيبته ..بسبب تخلف حيوان مثلا ..واسكت ..

ماهو الجيش ده دوله لوحدها كده بتحاكم نفسها بنفسها
يتبعوا مبدأ "حاكموا انفسكم بانفسكم" و المخابرات العسكريه دي مابترحمش و بيني و بينك كده حقك وصلك في نظرهم و مش هاتعرف تاخد اكتر من كده
يعني قائد الوحده اتنفخ هو و النائب و حصلهم غزل و المخابرات استلمت المركز كله و صرفلكوا تعويض و خلاص الموضوع خلص بالنسبالهم علي كده
افتكر ان اي حاجه بعد كده مش هاتوصلكوا لحاجه غير انك هاتدفعوا فلوس للمحامي في الهوا و هو المستفيد لانه بيديكوا امل انه هايعمل حاجه و هو علي يقين من جواه انه مش هايعرف يعمل حاجه بس اهي مصلحه و جايه

**pro_samir** · 14-01-2012 03:18 AM

نفس الكلام اللي بيتقال ده هو اللي قريته وسمعته أيامها يا خالد

لما عرفت عملت سيرش لاقيت كذا حاجه بس كلهم كانو اتحذفو وكان واضح جدا ان الموضوع بيتلم

بس في كذا حاجه عرفت اقراهم لأن الصفحات كانت اتكيشت في جوجل ، زي صفحة الفيس اللي اتقفلت وقلتلك عليها

المهم ان الكلام كله زي ما محمد داماسري بيقول وان العساكر هاجو فعلا وبهدلو الدنيا واضطرو ينزلوهم والظابط معرفش عملو فيه ايه

هو نفس الكلام

الله يرحمه

-

الموضوع: انا عاوز حق اخويه

LinkBack

أدوات الموضوع

عرض

-

-

-

-

-

-

-

المواضيع المتشابهه

طلب استشاره اخويه في شراء كورسا 1400 سي سي

نصيحه اخويه اوعى تسمع كلام حد و انت بتركن

عاوز أرش العربيه بس كنت عاوز اشتري انا الدهان و الحجات و احاسبه مصنعيه بس

مساعده اخويه بخصوص شراء 316 موديل 1990

انا عاوز ارككب sound system كامل و عاوز اعرف ادا كنت هاغيير

الكلمات الدلالية لهذا الموضوع

المفضلات

المفضلات

ضوابط المشاركة