الموضوع: مقارنة غريبة شوية بس فعلا محتار جدا ومحتاج مساعدة

المشاركة الأصلية كتبت بواسطة yalahwy2010

من الآخر كدة انا هكتب احتياجاتى فى العربية اللى عايزها وتقولولى أجيب ايه والترتيب بالأهمبة
1. قيادة مريحة على الطرق السريعة ( عدم الاحساس بنزلات وارتفاعات الطريق)
2. اعتمادية وقلة أعطال
3. العزل (يعنى لما أقفل الزجاج ما أسمعش صوت من الخارج - موتور + دوشة العربيات التانية)
4. جودة التقفيل من حيث الخامات والفينيش

المبلغ المتوفر : 130000

ممكن مستعمل و يا ريت زيرو طبعا بس لو مستعمل مايكونش ماشى كتير ( 50000كم بالكتير اوى اوى)

المشاركة الأصلية كتبت بواسطة yalahwy2010

انا كان معايا ميجان وكرهت الفرنساوى
ال a5 بيقولوا ان عزلها وحش أوى وبتسمع صوت الموتور أوى وتقيلة
انا نفسى أعرف حاجة..........هو ايه الفرق فى الكارينز والتييدا مثلا .....أو المازدا 3 (اليابانى بوجه عام)
بعنى انا شايف ان الكارينز نجحت اوى فى مصر.......وده معناه انها كويسة
وانا مش من هواة الشد والسحب والكلام ده...........انا عايز عربية تكون مريحة وانا سايقها وتستحملنى وتعيش ومايبانش عليها العمر ..........وفى نفس الوقت قليلة الأعطال
يعنى مثلا الفوكس عربية محترمة...........لكن مش ماشية فى مصر............ليه؟؟؟؟.........أكيد عشان فيها مشاكل وقطع غيار غالة
والجيتا فيها مشاكل..........بس نوعا ما موجودة ومنتشرة
انا قربت أتجنن...........مافيش عربية فيها كل حاجة..........لكن المفاضلة صعبة أوى

بص يا باشا بمنتهى الامانة ومش عشان انا راكب ياريس هقولك اشتريها

لكنها بتلبي جميع طلبات حضرتك من حيث العزل الممتاز والمحرك الصامت والراحة والنعومة والاعتمادية وقلة الاعطال

صحيح هي فئة اقل من المزدا او من الكارينز لكنها فيها المتطلبات اللى حضرتك عايزها