تطلع عمره بعربيتك؟؟

**medozaed** · 28-05-2008 01:58 PM

موضوع جميل جدا بس اهم حاجه ان العربيه تكون حديثه والى سايق يبقى فاهم فى امور الصيانه وحبت قطع غيار علشان العربيه لو عمليتها معاه فى نص الطريق تبقى مصيبه يريت لو واحد عمل موضوع زى ده قبل كده يحكلنا عمل ايه ولا ايه الى قبله وايه الاجرائات الى عملها والرسوم الى دفعها

**araberphilosoph** · 28-05-2008 01:58 PM

صحيح انا محسبتهاش من سفاجا
ده اقصر مووت
طيب يعني من سفاجا لصبا بالعباره بس بكام؟
ومهما كان هتبقي اوفر بكتير
يعني لو 3 في كل عربيه يغيروا مع بعض عسل
والطرق في السعوديه احسن من هنا بكتير
والله تطلع قوافل يا جماعه والله فكره جامده مووت
اههه لو كانوا عملوا الجسر
يا خساره

**Islam_galal** · 28-05-2008 02:02 PM

طب ماتعرفلنا التفاصيل المادية و الملاحظات علي الرحلة من الناس دي يا ابو عبدالله و أهو تكسب فينا ثواب

**aliabutaleb** · 28-05-2008 02:05 PM

المشاركة الأصلية كتبت بواسطة araberphilosoph

من القاهره لنويبع 500 ومن العقبه لمكه 1000 بس؟؟ معتقدش ممكن 2000

يا دوب 1000
يمكن أزيد حاجة بسيطة
هي هي زي المسافة من اسكندرية لأسوان كدة حسبة 1100 كم

**alaa_dash** · 28-05-2008 02:10 PM

هوه المشكلة مش ازاي الوصول هناك ديه مش مشكلة خالص ..ز
اسهل طر يق اللي انا مجربة كتيير ..من الغردقة او سفاجا الى ضبا و من ضبا الى المدينة ..بواسطة العبارة السريعة -3 ساعات - فقط الى ضبا ...
بس هوه ايه الاجراءات اللازمة لدخول سيارة الي المملكة ؟للمعتــــــــــــــــمري ن ..ده اهم عقبة ..

**araberphilosoph** · 28-05-2008 02:11 PM

بصوا يا جماعه انا ساكن في نويبع وباخدها العقبه رايح جاي مره في الاسبوع علي الاقل
سعر تذكره العباره للسياره 120 دولار
للفرد 270 جنيه (العباره السريعه بتاخد ساعه و 10 دقايق بالظبط)
بس معرفش االاجراءات في الاردن او السعوديه
بس شفت قبل كده عربيه ميجان ملاكي اسكندريه جايه علي العباره
يعني ممكن ؟؟
طب ايه حد عنده معلومات

**kimo-nubira** · 28-05-2008 02:16 PM

ممكن بس مرهقه اووووووووووووى علي ما اظن يعني انا معايا نوبيرا 2001 وعمري مجربت

امشي بيها مسافه كبيره كده ومش عارف تستحمل ولا لاءه وياريت لو تعرف تكاليف العمره تقولنا كام

**goodwave** · 28-05-2008 02:17 PM

طيب يا جماعة ما كلنا نشارك بالمعلومات والسعي في الموضوع بنية الثواب وممكن حد يقول معلومة أكيدة ويسهل على إخوانه أداء العمرة وبكدة يكون أخد ثواب كبير.

أنا واحد من الناس نفسي أطلع عمرة من زمان والعربية موجودة والحمد لله ربنا يبارك لي فيها وكلها مسألة بنزين وصيانة ال 5000 يعني المجموعة إللي حتطلع حتشترك في تمن البنزين وتمن الصيانة بعد العودة .... اما إستخدام السيارة في حد ذاتها (كدابة) و‘ستهلاكها من كراسي وكاوتش وخلافة فده ممكن صاحب العربية يحسبه بنية الصدقة والثواب من جميع الركاب وأظن ده أعظم وأفضل.

ياريت يا جماعة إللي عنده معلومات او نفذ الموضوع قبل كدة يقولنا على تجربته ولا يبخل علينا بها ليعم الاجر والثواب.

**Migo123** · 28-05-2008 02:23 PM

المشكله في السواقة داخل السعوديه
هل بيعترفو بالرخصة الدوليه ولا لأ

وهل بيسمحو بدوخول العربيات للاماكن المقدسة (مكة والمدينه)
انا عرفت ان الطريق من ضبا لمكه 700 كيلو
يعني كده الحسبه كلها 2400 كيلو رايح جاي
مش كتييير

**araberphilosoph** · 28-05-2008 02:25 PM

مكن بس مرهقه اووووووووووووى علي ما اظن يعني انا معايا نوبيرا 2001 وعمري مجربت

امشي بيها مسافه كبيره كده ومش عارف تستحمل ولا لاءه وياريت لو تعرف تكاليف العمره تقولنا كام؟؟

يا باشا معام بسم الله ما شاء الله نوبيرا وممشتش مسافات كبيره
انا معاي سكودا فيفوريت بقطع بيها ساعات 1000 كيلو في يوم واحد وماشي علي 120 وعادي سبهع ماشيه علي الطريق من غير تكييف و(الكاسيت بايظ:arghh:) فمتقلقاش
وبالنسبه للبنزين بتهيالي لو المسافه وي مبتقولو 3000 كيلو رايح جاي يعني حوالي 6 تفويلات رايح جاي يعني هنقول
قول يا عم 100 في سته 600 معرفش البنزين في السعوديه بكام؟؟
يعني نظريا ممكن
بس هي فعلا المشكله في التعقيدات الورقيه والتاشيرات
وكمان هناك هنقعد فين
بس برده بتهيالي لو هتقف علي الفرد ب 1000 جنيه يعني في العربيه 3000 تبقى مكسب
وكفايه الصحبه الحلوه والمشقه اللذيذه للعمره
ايه الفكره بتشعشع ولا ايه؟؟؟

مشاهدة نتائج الإستطلاع: تطلع عمره بعربيتك

الموضوع: تطلع عمره بعربيتك؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

فكر الف مره قبل ما تجري بعربيتك

جبت كام بعربيتك الماروتى

بتهتم بعربيتك ؟

جسمى عايز عمره كامله او نص عمره

بتلعب بعربيتك؟؟؟

الكلمات الدلالية لهذا الموضوع

المفضلات

المفضلات

ضوابط المشاركة