الموضوع: تطلع عمره بعربيتك؟؟

[QUOTE=Migo123;290079]المشكله في السواقة داخل السعوديه
هل بيعترفو بالرخصة الدوليه ولا لأ
yes it is legal if u have visit or work visa

المشاركة الأصلية كتبت بواسطة sab3aawy

يهيألى ان الحل الأسهل هو ان مجموعة من المسافرين ، وليكن 9 افراد مثلا ، يسافرو الى الغردقة بالسوبرجيت وياخدو العبارة السريعة الى ضبا ومن هناك يستأجرو عربية ميكروباص 14 راكب بالسائق مدة العمرة او الحج كلها ، اريح واوفر وابعد عن المشاكل والبهدلة لكى يستطيع الحاج او المعتمر التفرغ للمناسك

بهذة المانسبة فانا لى واحد من معارفنا من جيل ابائنا ، قام فى اواخر التسعينات هو وزوجته وابنتيه بأداء فريضة الحج ممتطين صهوة سيارة فيات 127 موديل 1982من ام 2 باب ، طلعو بها من حى الضاهر فى القاهرة الى نويبع فالعقبة فالسعودية وادو بها المناسك كلها ورجعوا ، سافروا بها وقضوا كل المناسك روجعو بها عبر الفيافى والقفار، وهم راجعين بالسلامة السيارة تعطلت بيهم -فين-فى الهاكستيب بطريق الإسماعيلية على مشارف القاهرة ، المهم الراجل سابهم فى العربية وراح جاب ميكانيكى يصلحها، الميكانيكى لقى فيها ايه-تخيلوا- الأرضى بتاع البوبينة واقع من مكانه، ثبته وقال للراجل دور راحت دايرة وكملوا بيها الطريق لحد البيت

عموما انا لا تواتينى الجرأة لاداء مثل هذا العمل ، لكن فقط الشئ بالشئ يذكر

هو ده باضبط اللى انا قصدته، انتوا طالعين عمرة مش مغامرة. و ساعة الجد لو واحد فيكم عطل .... كرسى فى الكلوب.
لكن لو عملتوا زى ما انا اقترحت و زى ما الاخ سبعاوى شرحلكم هاتكونوا مسكتم العصاية من النص. و هايكون الموضوع اسهل و تقريبا فرق التكلفة كلام فاضى لكن الفرق الحقيقى فى التفرغ للرحلة نفسها و الاستمتاع بيها و بالمناسك و راحت البال و الحفاظ على العربيات و الارواح و تجنب الخلافات و ترييح الدماغ من مشاكل كتيييييييييييييييييييييير ة

و بعدين يا جماعة خدوها منى نصيحة فى اول مرة تعمل العمرة ما ينفعش تشغل دماغك باى حاجة تانية لانك اصلا بتبقى رايح مش عارف حاجة و محتاج تركز فى المناسك و الاماكن. فا بتبقى محتاج اللى يساعدك و يشيلك و يوجهك و يشيل من عليك هموم الانتقال و المبيت و الاوراق و حجات تانية كتيير. بعد اول عمرة بتكون عرفت الليلة ماشية ازاى و اصبحت مبرمج المناسك بتاعة العمرة ازاى هاتروح فين و تيجى منين و تحرم فين و تعمل ايه امتى و ازاى و بكام- يعنى بتكون اتودكت و اتمرنت على الموضوع و عارف راسك من رجليك. ساعتها بقى لما تيجى تسافر تعمل عمرة تانى ممكن تنفز الافكار دى ( و مازلت عند كلامى انها فكرة حلوة بس للى مبرمج و بيروح و يجى بالاسلوب ده و يعرف يتصرف لو حصل حوار.... و ليس للمبتدئين)-

الموضوع بتاع السفر مسافات طويله منشر فى امريكا اوى
الصراحه انا باستغرب للى يستحمل السفر من القاهره لاسكندريه وهما على بعضهم ميكملوش 300 كيلو
مش عارف بره ازاى بيستحموا السفر بين الولايات