تطلع عمره بعربيتك؟؟

**alaa_dash** · 30-05-2008 02:42 PM

يعني لازم تاخد تأشيرة من شركة سياحة ..طيب و السفر لازم في مجموعة ومعاك مرافق من الشركة ولا ممكن لوحدك او مع اسرتك بس؟
و شكرا على الشرح ..:)

**boty50** · 30-05-2008 03:02 PM

لأ ، موضوع التاشيرة من الشركة
ده بيبقي تموية فقط للأجراءات يعني
وبعدين بتطلع لوحدك بعد كدة

**araberphilosoph** · 30-05-2008 04:17 PM

يا باشا انت من نويبع لازم تعدي النفق يعني السويس من بره دي مفهاش مشاكل

ويادكنورعيشوانامندمياط ولمابا بروح باخد طريق بورسعيد لحد كوبري السلام اطلع الكوبري بانزل علي طريق الشط موازي لقناه السويس في سيناء لحد مفترق الطرق بتاع نويبع فاقطع سيناء بالعرض طريق صدر حيطان نخل زبعدين طابا ومن طابا بمحاذاه خليج العقبه لحد نويبع
الطريق حلووفاضي من بعد بورسعيد
بس هي المشكل في الورق والتاشيرات بس
يعني ممكن ناخد التاشيره من شركه سياحه وبعدين نشوف

**الطنطاوي** · 30-05-2008 04:30 PM

أبو ياسين
أفتح صندوق الرسائل عندك علشان بعت لك رسالة عليه ومستني ردك ضروري

**bassemali** · 30-05-2008 09:18 PM

مساء الخير ياشباب
أنا بحكم عملي مدير فندق في المدينه المنوره أمام الحرم النبوي عندي خلفيه كامله عن الموضوع
أولا : لازم تأشيرة عمره تتطلعها لك شركة سياحه وأسمها (عمره حره)
ثانيا : المسافه من القاهرة إلى سفاجا حوالي 600 كيلو ومن سفاجا اللنش السريع (وليس العباره لأنها أكثر وقتا وأقل أمنا) وبياخد حوالي 7 ساعات وينزلك الميناء الجديد اللي هوه ( ينبع ) وده يبعد عن المدينه المنوره حوالي 180 كيلو فقط ثم من المدينة المنوره إلى مكة حوالي 400 كيلو .
ثالثا : وهو الأهم أن تذكرة اللنش السريع للسياره فقط حوالي 1500 جنيه إن لم يكن أكثر وفي حاجه إسمها ( دفتر تربتيك ) وده قيمته حوالي 600 جنيه تقريبا غير تذكرة لكل فرد في السياره لركوب اللنش السريع وقيمتها حوالي 300 جنيه تقريا .
رابعا : وهو الزيت والبنزين بتاعك في هذه الرحله وهي حوالي 2350 كيلو ( رايح جاي) .
خامسا : مفيش داعي أبدا تروح عن طريق الأردن أو تركب العبارة الكبيرة مع أن تذكرتها أرخص بكتير من اللنش السريع ولا تنزل من سفاجا على ميناء ضبا السعودي لأن المسافه منه إلى المدينه المنوره 900 كيلو بينما من ينبع 180 كيلو فقط .
وأسف للتأخير في الرد حيث أني قرات الموضوع للتو .

**Mido80** · 31-05-2008 12:30 AM

المشاركة الأصلية كتبت بواسطة Hossam_Hassan

على حد علمى بيبقى فى عبارات من السويس لجدة، يعنى من هنا للسويس 120 كم و من جدة لمكة 100 كم، ايه الهنا ده، ده الواحد يطلع مرتين تلاتة فى السنة

حسام باشا. كلامك ريحني جدا بس عاوز اعرف منك حاجة. لو انا نازل من السعودية لمصر..الاسهل في الوقت والاجراءات..هل انزل من نويبع ومنها للسويس ولا انزل علي سفاجا افضل؟

**أبو عبدالله** · 31-05-2008 01:56 AM

المشاركة الأصلية كتبت بواسطة bassemali

مساء الخير ياشباب
أنا بحكم عملي مدير فندق في المدينه المنوره أمام الحرم النبوي عندي خلفيه كامله عن الموضوع
أولا : لازم تأشيرة عمره تتطلعها لك شركة سياحه وأسمها (عمره حره)
ثانيا : المسافه من القاهرة إلى سفاجا حوالي 600 كيلو ومن سفاجا اللنش السريع (وليس العباره لأنها أكثر وقتا وأقل أمنا) وبياخد حوالي 7 ساعات وينزلك الميناء الجديد اللي هوه ( ينبع ) وده يبعد عن المدينه المنوره حوالي 180 كيلو فقط ثم من المدينة المنوره إلى مكة حوالي 400 كيلو .
ثالثا : وهو الأهم أن تذكرة اللنش السريع للسياره فقط حوالي 1500 جنيه إن لم يكن أكثر وفي حاجه إسمها ( دفتر تربتيك ) وده قيمته حوالي 600 جنيه تقريبا غير تذكرة لكل فرد في السياره لركوب اللنش السريع وقيمتها حوالي 300 جنيه تقريا .
رابعا : وهو الزيت والبنزين بتاعك في هذه الرحله وهي حوالي 2350 كيلو ( رايح جاي) .
خامسا : مفيش داعي أبدا تروح عن طريق الأردن أو تركب العبارة الكبيرة مع أن تذكرتها أرخص بكتير من اللنش السريع ولا تنزل من سفاجا على ميناء ضبا السعودي لأن المسافه منه إلى المدينه المنوره 900 كيلو بينما من ينبع 180 كيلو فقط .
وأسف للتأخير في الرد حيث أني قرات الموضوع للتو .

الله يبارك فيك
وشكرا على التوضيح
وكن هيا مسألة ان الواحد يطلع بعربيته بصراحه انا شايفها من باب الحريه وليس التكلفة الأقل بس
لأن مسالة انك يبقى معاك عربيتك وتقعد هنا براحتك وهنا براحتك هيا دي حلوتها

ولكن ممكن تقولي اسعار الغرف عندكم كام بالظبط وجودة الفندق
وياريت يكون هناك تواصل منك لنا عالطول لأن الموضوع ده في دماغي من زمان

**hofo** · 01-06-2008 04:07 AM

احنا جربنا السفر من الاسكندرية الى اسوان فى عربية هوينداى اكسيل والصراحة كانت رحلة مايعلم بيها الا ربنا تعب وارهاق الى اقصى الحدود فوق ماتتخيلوا واول ما بدأنا نتحرك كنا مبسوطين والحمد لله بس بعد 10 ساعات بدأنا التعب بس مش مهم كنا مبسوطين برده لكن واحنا راجعين تهنا فى الطريق ودخلنا طريق غلط ومشينا تقريبا 30 ساعة متواصل لغاية ما كرهنا نفسنا

المسافة تقريبا كانت 1200 كيلو رايح
و1800 كيلو جاى بسبب التوهان

**hofo** · 01-06-2008 04:11 AM

اه نسيت اقولكم بالنسبة للعربية عادى زى ما روحنا زى ماجينا مافيش فرق ولا تأثير يذكر

**magedomran** · 01-06-2008 10:20 AM

نرجو التثبيت للأهميه
ودى فكرة رائعه والف شكر للاستاذ باسم على للايضاح

مشاهدة نتائج الإستطلاع: تطلع عمره بعربيتك

الموضوع: تطلع عمره بعربيتك؟؟

LinkBack

أدوات الموضوع

عرض

-

-

-

-

-

المواضيع المتشابهه

فكر الف مره قبل ما تجري بعربيتك

جبت كام بعربيتك الماروتى

بتهتم بعربيتك ؟

جسمى عايز عمره كامله او نص عمره

بتلعب بعربيتك؟؟؟

الكلمات الدلالية لهذا الموضوع

المفضلات

المفضلات

ضوابط المشاركة