انقذو هذه اليمامة

**Ralliart** · 23-01-2012 10:14 AM

المشاركة الأصلية كتبت بواسطة elmkaneeki

وبكدة نكون موتنا اليمامة

هل فعلاً البليلة بتموتها ولا حضرتك بتهزر؟؟
انا اكلتها بليلة فعلاً وحاسس انها مش طبيعية ومش بتطير وحاسس انها بتموووووووت
حد يلحق الموقف هيجيلي اكتئاب وانا في امتحانات ومش ناقص

**icehearted girl** · 23-01-2012 07:51 PM

حضرتك تقصد بليلة قمح بلبن؟؟ انا اقصد قمح فقط مستوي ومهروس بشوكة..

**Ralliart** · 24-01-2012 05:38 PM

المشاركة الأصلية كتبت بواسطة icehearted girl

حضرتك تقصد بليلة قمح بلبن؟؟ انا اقصد قمح فقط مستوي ومهروس بشوكة..

لا بليلة قمح مسلوق بس من غير لبن
انا خلاص عرفت الحوار اخويا فتح الشباك عالبحري وسابه طول الليل في الجو اللي لا يتحمله بشر ده وهي بردت وكانت وصلت لدرجة انها بتطلع في الروح خلاص
حطيتها قدام الدفاية واكلتها وفضلت تطوح شوية لحد ما فاقت وحطيتلها نقطتين ليمون في المية والنهاردة بقت احسن الحمد لله والجديد انها اتعلمت الاكل وبقت بتنقر الاكل من ايدي هي بتوقع نصه وبتاكل نصه بس ده تقدم كبير بس مش راضية تشرب لوحدها

السؤال هنا لما هي كانت بتموت علشان الشباك مفتوح هتعيش ازاي في الشارع!!!