الموضوع: !! تحذير هام لكل ملاك الصني !! بخصوص الانذار اللي بيركب فيها في التوكيل

فاكريين موضوعي اللي كنت عملوا طبعا عن تركيب انذار للصني بريموتين و شغل عالي كده و كان سعروا 440 جنيه ..

ده الموضوع : http://www.nilemotors.net/Nile/262372-a.html

أنا مش بشكك في الإنذار زي ماباين في العنوان لأ بالعكس الانذار جميل جدا و مفيد و حلاوته بقى موضوع الرموتين الزيادة ده ..

و لكن !!!!!!

كل حاجة ليها مميزتها و عيوبها و محدش بيتعلم بالساهل ..

أنا هحكلكم القصة من الاول ..

كان يومها عندي امتحان طب شرعي و كنت خايف جدا من الامتحان ده عشان مادة مستفزة اللي في طب هيعرف كلامي ده .. عشان كله مدبوحين و محروقين و خد عندك بقى لازم تعرف مات امتى وازاي و مين قتلوا و ياترى انتحر ولا لأ يااااااااااااه و حاجات كتييييييييييييير
المهم خرجت من لإمتحان مبسووووووووط قوي الحمد لله لأني حليت كويس .. و قلت واللهِ يا انسية لاخدك أكتوبر اظبطك .. وشك حلو علي .. و مش هابخل عليكي بحاجة ........

دلوقتي عربيتي الصني عاملة 20000 كيلو و جه الوقت اللي اعمل في ترصيص و ابدل الكاوتش ..

المهم رحت بريدجستون اللي في مدينة 6 أكتوبر < بصراحة برتحلهم قوي > عشان اعمل كل الليلة دييييييييه ..

العربية دخلت الحمد لله .. كنت أنا الوحيد .. فرحت قوي برده عشان مش هتعطل .. قلت بقى ده كرم ربنا كبيييييييييير الحمد لله ..

فك الكاوتش عشان يبدلوا و كلوا تماااااااااااام ..

فحصلت مصيبة !!!!

العربية قفلت والمفتاح في الكونتكت و العربية على N و رافع فرامل اليد و الموبيل جواهااااااااااااا و العربية فيها وحدة رفع يعني قفل الازاز كله كمان ..

المهم اتنكدت آخر نكد و عمال افكر اعمل اييييييييه اعمل ايييييييييه .. مكنش في غير حل واحد إني اكسر الازاز .. و طبعا كنت متعصب جدااااااااااااااااااا ..

المهم لسة هكسر الازاز .. جيه واحد ومعرفش ده جيييييييه منين قال لي ولا تكسروا ولا حاجة هنفتحوا إن شاء الله من غير أي حاجة قلتله ازااااااااااااااي ..

الحل .......

المهم الراجل ده هو و واحد من اللي شغالين في بريدجستون قعدوا يفكروا يعملوا ايييييييييه ..

الصنيعي دخل مفك كده جوه ايد الباب من بره تحتيها كده .. و قعد ينخور ينخور برده مش عايزة تفتح قلت ده إيه القرف ده يا ربي ..

نيجي بقى للبرنس اللي فتحها .. الراجل المجهول ده طلع مدير هناك هههههههههههه .. قال لي مفيش غير حل واحد .. قلتله اييييييييه الحقني بييييييه ارجوك ..

قال لي نكسر الازاز هههههههههههههه قلتله لا يا راجل ههههههههههههههه .. قال لي يا عم بهزر معاك .. هو قال لي كده وانا مت من الضحك من هنا ههههههههههههههه ..

راح عامل ايه بقى .. قال هاتوا حتة قماشة ليييييييه راح قايل هاتوا بسسسسس و كمان مفك .. المهم راح شادد باب السواق بقوة شوية لبرة و راح حاطت الحتة مع المفك في المسافة اللي بين الباب و كاوتشت الباب ..

و جاب سلك طوله نص متر كده .. و راح دخلوا في المسافة ديه .. و قاعد يعافر يعافر مايقرب من نص ساعة عشان يوصل ل lock الباب .. لحد ماااااااااا شد السلك و فتح العربية من جوه ..

قلت بقى احمدك و اشكر فضلك يا رب .. كرييييييييييم اوييييييييي .. المهم كل حاجة عدت على خير الحمد لله ..

في نهاية الكلام نصيحة ..

محدش ابدا ابدا ابدا ينسى المفتاح جوه العربية مهما حصل ياخدوا معاه حتى لو هينزل يجيب حاجة في ثانية ..

اللهم أبلغت اللهم فشهد ..

و معلش معرفتش اصور حاجة عشان الموبيل كان جواها ..

طولت عليكم معلش ..