الموضوع: لا هيونداى بعد اليوم ..............(قد تكون فترة محدودة)

كده انا شايف ان احد اهم ايجابيات الموضوع.. انه اسفر عن اننا بدأنا نحدد النقاط اللي فعلا لو اتبعت بيها ميل لغبور نفسه او هيونداي كوريا.. هتبقي واضحة و منطقية..
و عملية.. و سهل السيطرة عليها لأنها تبقي محددة جدا مش عايمة..

احييك على كلامك دا , كدا احنا نقدر نوصل لكل العيوب و نعرف المشكلة فين بالظبط علشان نقدر نقرر نعمل ايع يعنى لازم نعرف المشكلة فى تجميع الفرنا و لا فى مركز الصيانة زحمة و بيكروتوا مثلا و لا ايه بالظبط علشان نقدر نحدد الحلول و اللى منها المقاطعة و نبقى فاهمين بنقاطع ليه و كلنا متفقين و دا اللى انا بحاول اوصله من الصبح و مبسوط جدا ان اخيرا حد فهمنى
يعنى لو المشكلة فى تجميع الفرنا (جودة التجميع او الخامات ) و اعتقد دى مشكلة موجودة فعلا يبقى نشوف اقتراحات سواء مقاطعة الفرنا بس او غبور كله حسب اقتراحات الاعضاء و نتناقش كويس علشان محددين النقاط.
لو مشكلة فى مراكز الخدمة مشوف هيفتحوا المراكز الجديدة فى القاهرة امتى و ايه نظام المراكز اللى موجودة فعليا خارج القاهرة؟ يا ترى كويسة و لا فيها مشاكل برده؟؟
لو بيعاملوا العميل على حسب سعر العربية من حيث جودة الصيانة يبقى لاززززمممم مقاطعة علشان يعرفوا ان الكلام دا عيب و مينفعش اشترى عربية ب 65000-75000 (مبلغ كبير اوى يعنى)و يعاملونى وحش و لا ميهتموش بعربيتى و كدا (و دا اللى بتعملوا شبكات الموبايل زى موبينيل و فودافون كل متتكلم اكتر بيعملوك احسن و لما تروح الفرع ليك counter خاص و بتعد فى مكان اخر غير بقية الناس و بيجيلك المدير بنفسه و بيرد عليك خدمة عملاء مختلفين و دى سياسة ماشية فى مصر عموما فى البنوك كمان و كل حاجة تقريبا).
اهم حاجة تحديد المشكلة و البدائل و الحلول و دا اللى ننصح بيه الناس بعد كده تشتريه يعنى لو اللانوس فعلا احسن يبقى دا الىل نقوله للناس و ننصحهم بيه.

اهم ما في الموضوع انها كانت محتاجة مشاركة حد من اللي ليهم شكاوي عند غبور في الموضوع عشان الموضوع يبقي موضوعي بدرجة اوضح.. وانا متأكد ان الباشمهندس عمرو مش معترض علي الكلام ده..

اكيد هو مش معترض و انا بحترمه جدا و بحترم مواضيعه اللى من اهمها اسعار المستعمل و ازاى الواحد يقيم عربيه و كدا
بس الفكرة (معلش ارجو يكون عندك سعة صدر لاختلاف الراى) اعتقد ان محدش من ملاك هيونداى شارك و رد بسبب اختلافه مع لا لهيونداى و ان الموضوع متناقش و كل الموضوع انها فكرة للمقاطعة بدون حتى ابداء الاسباب و دا اللى فتح مجال للمزايدات زى

سبحان الله انا اصلا طوووول عمري بكره الهيونداي ليه معرفش وعمري مارشحت ولا اعجبت بأي عربيه هيونداي ودايما بقول الكيا برقبتها او حتي الدايو احسن منها لكن هيونداي لا ليه معرفش

مع ان كيا اساسا هى هى هيونداى فى كل حاجة من اول التكنولوجيا لحد جودة التصنيع و المحركات و شركة كيا مملوكة 100% لهيونداى حتى التصاميم قريبة جدا من بعض.
و ذى

HYUNDAI: Hope You Understand Nothing's Driveable And Inexpensive

الهيونداى من اسوأ السيارات اللى شفتها فى حياتى كل فترة البطارية تنام و تقطع فى وسط الطريق و صاجها خفيف و خصوصآ الماتريكس اى سيارة قديمة برقبتها

مع ان seatlover وضح مليون مرة انه مش بيتكلم عن الهيونداى بس علشان التوكيل بس الغلطة القاتلة اللى عملها فى اول الموضوع و بةظت الموضوع كله انه قال لا هيونداى مش لا غبور و لحد دلوقتى مش راضى يغيرها حتى.
على الاقل لو مكنش قال لا هيونداى كان فى كتير من ملاك هيونداى كانوا هيتفاعلوا معاه و يردوا عليه و يناقشوه بس لا هيونداى معناها رايى متحيز اذا لا نقاش
مثال اهو للتوضيح : الالنترا الخليجى هيونداى صح؟ لا هيونداى معناها لا النترا خليجى كمان و دا غلط خالص !!!

السئوال هل المنتج نفسه جيد ام لا .. يستحق ام لا ؟ يساوى فلوسه ام لا ؟
اللى بيشترى عربية بييعمل حساب حاجات كتير من بينها التوكيل اللى حيتعامل معاه يعنى عامل واحد من من عوامل كتير بتختلف اهميته من شخص لاخر ..

دى تانى غلطة لseatlover انه قال نذكر عيوب العربيات بس كدا مش عدل انا شايف ان العربيات تمنها مناسب حتى مع سوء التوكيل(لو كان سىء)
انا عن نفسى لو متاكد ان التوكيل زفت قبل مشترى عربيتى برده كنت اشتريتها لان لا منافس لها خالص فى مصر , هى الوحيدة اللى بتتجمع فى مصر , منافسينها مفيش غير مستورد بس!!
فمكنتش مثلا احب حد يقولى العربية وحشة علشان رايه التوكيل وحش , قولى كل حاجة بصراحة شديدة جدا و سيبنى اختار

و اخيرا زى ما قلت عموما كل دعاوى المقاطعة فى مصر فشلت سواء لمنتجات او لاشخاص .. الانجليز مثلا خرجوا من الهند اساسا بسبب المقاطعة للانجليز و المنجات البريطانية مش للمقاومة المسلحة .. اما احنا المصريين فى كل حاجة فى الطراوه !!

للاسف طبعا دا لاننا مصريين مش اكتر بس على الاقل لو اتفقنا نقاطع يبقى نحاول دى اقل حاجة على الاقل هيخسر كام عربية كويس كله مصلحة و على فكرة بحييك على ردودك من الاول المحايدة مع انك من ملاك التيوتا الافنسيس , اول مرة اشوف حد من ملاك تيوتا بيدافع عن هيونداى هنا فى نايل موتورز

المشاركة الأصلية كتبت بواسطة som3aa

اولا يا جماعة أنا قريت كل الردود قبل مكتب اى رد ليا حتى ردى الاول كنت قريت كل الردود و فاهم القصد و كل حاجة

شكرا على ردك يا اخى بس الفكرة ان التسمية هى لب الموضوع!!!!!!!!!!!
دلوقتى فى حاجة محدش عارف يرد عليها و قاعدين نلف بالكلام , غبور معاه تزكيل مازدا اشمعنى .....

يا سيدى الفاضل يبدو انك فعلاً لم تقرأ كلمة مما يدور
بدليل انك مش عارف تعمل اقتباس فى الرد يحتوى على اسم المشارك

وكمان بتحط كلام ليك جوة الاقتباس !!!!!!!!!! داخل مشاركتك نفسها

وانا مش هاقعد ادور وراك بتاع مين الكلام دة
ومين اللى مفروض يرود علية !!!!!!

و على فكرة لو لك فى السوق ... ماحدش بيروح بعربية مازدا عند غبور ...ولا بيهوب بيها عندة

يبقى كدة مازدا اوت اوف لاين .... وغير مؤثرة بالنسبالة و ملهاش علاقة بالموضوع

واخيراً رضيت ام لم ترضى

لاهيونداى بعد اليوم

باقى مشاراكاتك ستكون من طرف واحد
سعدت جداً بمحاولاتك فى المشاركة


و تقبل تحياتى

يا سيدى الفاضل يبدو انك فعلاً لم تقرأ كلمة مما يدور
بدليل انك مش عارف تعمل اقتباس فى الرد يحتوى على اسم المشارك

يا سيدى و الله انا قريت كل الكلام و ايه علاقة اسم اللى قال الكلام بقرايتى للموضوع , طب معلش هتعبك تصفح كدا الردود من الاول بسرعة و هتعرف ان دى ردود الناس هنا فى الموضوع مش مهم الاسم.

وكمان بتحط كلام ليك جوة الاقتباس !!!!!!!!!! داخل مشاركتك نفسها

لأ طبعا انا مش بحط كلامى داخل اقتباس , فين دا؟؟؟ دا كلام الناس؟؟

وانا مش هاقعد ادور وراك بتاع مين الكلام دة
ومين اللى مفروض يرود علية !!!!!!

مش مهم الاسم كل اللى قال حاجة هو كفيل يرد عليا , انا بقول انت رد على شوف الناس قالت ايه و ليه ملاك هيونداى امتنعوا عن الرد؟؟؟؟ او مردوش يكتبوا لا هيونداى بعد اليوم؟؟؟

و على فكرة لو لك فى السوق ... ماحدش بيروح بعربية مازدا عند غبور ...ولا بيهوب بيها عندة
يبقى كدة مازدا اوت اوف لاين .... وغير مؤثرة بالنسبالة و ملهاش علاقة بالموضوع

و احنا ملنا بيبيعوا و لا لأ , يعنى محدش بيشترى سانتا فيه من غبور , يبقى الهيونداى السانتا فيه خارج الموضوع؟؟؟؟؟
لما تيجى تقاطع شركة تقاطعها بكل منتجاتها مش تقاطع حاجة منها , يعنى عايز تقاطع غبور قاطع هيونداى و مازدا مش مهم مين بيبيع و مين لا المهم الاتنين من منتجات غبور.

واخيراً رضيت ام لم ترضى
لاهيونداى بعد اليوم

لو الموضوع عافية بقا رضيت او لو ترضى يبقى مبروك عليك المقاطعة متشتريش عربيات من غبور :
انا توقيعى من دلوقتى بقا : نعم لهيونداى كل يوم

المشاركة الأصلية كتبت بواسطة pointer

اولا انا وضعت كلمه لا هيونداى بعد اليوم ..............(قد تكون فترة محدودة) ولا فولكس بردو لنفس الاسباب في التوقيع بعد اذن الاخ سيات لافر زوت كمان توكيل ياله بالمره

انا معاك طبعاً يا pointer

ولو الخطوة دى إن شاء الله جابت نتيجة .. يبقى احنا كلمتنا مسموعة و مش كل واحد يجيب عربية طلع عينة لما جابها

يتعامل كأنة أوجرى عند التوكيل