شارك معنا بتقييمك وأقتراحتك .. فـى .. تقييم مـراكز الخدمة المعتمدة لنيـسان

**kliken** · 04-09-2012 11:40 PM

أنا مش هقدر اقارن لانى يدوب عملت صيانه الألف فى مركز صيانه السويس
اللى اقدر اقوله عنهم ان مواعيدهم ممتازة فى التسليم و غسيل العربيه كويس
لسه مش عندهم كماليات لسه بيطوروا فى المركز بس أنا ارتحت فيه و ساب انطباع كويس

**abono** · 07-09-2012 08:05 AM

سيارتى نوعها صنى موديل 2011 اخر صيانة 40000

* افضل مركز من ناحية / حسن المعاملة و الاستقبال : مركز خدمة أوتو إيجبت

* افضل مركز من ناحية / ادراكه وحله لمشاكل السيارة ومعرفة المشاكل الدقيقة الصعبة : مركز خدمة أوتو إيجبت

* افضل مركز من ناحية / تسليم السيارة بعد اجراء الصيانة فى الميعاد المتفق عليه : مركز خدمة أوتو إيجبت

* افضل مركز من ناحية / الاكسسوارات المتاحة فيه : مركز خدمة .......

* افضل مركز من ناحية / توافر قطع الغيار به لكى لا تسبب عطلة للعميل فى عدم توافرها : مركز خدمة أوتو إيجبت

* افضل مركز من ناحية / مجهز بخدمات (الانترنت + مشروبات مجانية + استراحة مكيف ) لراحة العميل : مركز خدمة أوتو إيجبت

* افضل مركز من ناحية / عمل متابعة مع العميل تليفونيا بعد عمل الصيانة لسيارته : مركز خدمة .........

* افضل مركز به مهندس استقبال قبل الصيانة يفحص السيارة ويدون ملاحظاته التى يكتشفها فى السيارة / مركز خدمة أوتو إيجبت

* افضل مركز بعد الصيانة يقوم مهندس الاستقبال فيه بشرح اعمال الصيانة اللى تمت فى سيارة العميل قبل دفع حساب الصيانة / مركز خدمة أوتو إيجبت

* افضل مكان يقوم بفحص السيارة كاملا للكشف عن اى عطل لم يذكره العميل / مركز خدمة .........

* افضل مركز يقدم تقرير صيانة عن حالة السيارة بعد الانتهاء من عمل الصيانة / مركز خدمة أوتو إيجبت

* افضل مركز من حيث جودة الغسيل مركز خدمة أوتو إيجبت

* افضل مركز حل مشكلة العويصة فى السيارة من اول مرة مركز خدمة أوتو إيجبت

* افضل مركز خدمة حجزت معاه معاد الصيانة واستقبلوك فى المعاد المتفق عليه مركز خدمة أوتو إيجبت

* فى النهاية ملحوظاتك واقتراحك للتطوير للمركز يونيتد جروب بـإنهم يبطلوا عمل صيانات نيسان أصلال أو الشركة تسحب منهم التوكيل بإختصار.

**mohie777** · 07-09-2012 09:20 PM

ايه ياشباب ما فيش حد من اسكندرية دخل التقويم ده انا كده ممكن الغى حجز القشقاى لو مافيش مركز محترم فى اسكندرية خاصة ان لا يوجد اوتو ايجيبت فى اسكندرية.............خاصة انى اوى انتم جديد لجروب نيسان مع العلم ان توكيل تويوتا عندنا محترم جدا

**م. حاتم السباعي** · 07-09-2012 11:04 PM

المشاركة الأصلية كتبت بواسطة mohie777

ايه ياشباب ما فيش حد من اسكندرية دخل التقويم ده انا كده ممكن الغى حجز القشقاى لو مافيش مركز محترم فى اسكندرية خاصة ان لا يوجد اوتو ايجيبت فى اسكندرية.............خاصة انى اوى انتم جديد لجروب نيسان مع العلم ان توكيل تويوتا عندنا محترم جدا

الاخ الكريم الاستاذ محي
انا لسه رادد علي حضرتك في موضوع حجز القشقاي
و اري ان موضوع انك تلفي حجز السيارة لعدم وجود مركز خدمة في الاسكندرية في رأيي غير مناسب
احنا هنا علشان نروح مركز الخدمة اللي علي اول طريق اسكندرية الصحراوي بيبقي سفر في ايام العمل الرسمية بيبقي عذاب بسبب الزحام و الانتظار و انا عن نفسي بسيب مركز السبع و هو بجوار بيتي في المعادي و بذهب لمركز اوتو ايجيبت في اول طريق الاسكندرية و اتوقع مع مرور الوقت هما ممكن يفتحو مركز في الاسكندرية و يتم اسناد مراكز خدمة جديدة تتبع نيسان مع مرور الوقت في الاسكندرية و ممكن حضرتك تختار اوقات الصيانات حسب ظروفك و يكون المشوار ده لتفتيح الماتور علي طريق سريع و هكذا
عموما ربنا يوفق حضرتك في القرار الافضل و المناسب لك
تحياتي لحضرتك

**dodyam** · 09-09-2012 12:51 PM

ايه يا جماعة حد يقولنا ايه مراكز الخدمة المحترمة فى اسكندرية

**khodiry** · 09-09-2012 01:24 PM

للأسف انا فى الصعيد ومافيش هنا مراكز صيانه غير فى الأقصر ولا تعليق ......... او ممكن نعلق ونقول نستبدل كلمه مركز صيانه معتمد بكلمه ورشة الأسطى بليه المعتمدة وياريت شركة نيسان المحترمة تنظر شويه للصعيد فى موضوع مراكز الخدمة دى لانه بجد حرام كدة لان الأحصاءيات بتقول ان فى الصعيد من اسيوط الى اسوان اكتر من خمستاشر الف صنى موديلات مختلفة ومتهيالى الرقم دة يستاهل الاهتمام ولا ايه؟؟؟؟؟؟؟؟؟؟؟؟؟؟؟؟؟؟ يعنى اسمع اجهزة فى مودرن ومش عارف ايه فى السبع ...... وهنا مفك وزرديه؟؟؟؟؟

**Ahmed.TV** · 25-11-2012 02:34 AM

اعتقد صوتنا اندبح فى عملية التنظيم وتسجيل السلبيات للمساعدة فى تطوير الخدمة المقدمة لنا وهى خدمة ما بعد البيع ومفيش احسن من الموضوع ده اللى خير دليل على موقفنا الايجابى دائما تجاه مصلحة الاعضاء وملاك نيسان .. فياريت كل الاعضاء تعمله حفظ على الكمبيوتر عندهم

عشان كل صيانة يحطوا انطباعتهم .. ونقدر نقف على السلبيات دايمت ونجمعها ونساعد فى منظومة التغير والتطوير لمراكز الخدمة

لان كل مراكز خدمة نيسان بينتظروا هذا التقرير

فبرجاء الاعضاء مساعدتنا بتسجيل تقيماتهم

تحياتى

**Ahmed.TV** · 08-01-2013 03:54 PM

محتاجين التقيمات الجديدة .. وياريت الموضوع ده كل عضو يعمله حفظ عنده فى المفضلة
لان مهم جداااااااا .. عشان نقدر نحكم على مستوى الخدمة المقدمة

ونحاول نساعد فى التطوير

تحياتى

الموضوع: شارك معنا بتقييمك وأقتراحتك .. فـى .. تقييم مـراكز الخدمة المعتمدة لنيـسان

LinkBack

أدوات الموضوع

عرض

-

-

-

-

-

-

المواضيع المتشابهه

مراكز الخدمة المعتمدة - رينو

اهمال مراكز الخدمة المعتمدة

مراكز الخدمة المعتمدة

سؤال عن مراكز الخدمة المعتمدة ؟؟

مراكز الخدمة المعتمدة

الكلمات الدلالية لهذا الموضوع

المفضلات

المفضلات

ضوابط المشاركة