انطباعات اوليه بعد تجربه اللوجان ..

**boty50** · 31-05-2008 07:40 PM

عزيزي

الف مبروك علي العربية وربنا يديك خيرها
ويكفيك شرها بأذن الله

ملاحظة صغيرة وهي بما ان زراير الزجاج
الخلفي ورا فرامل اليد يعني ممكن بسهولة
الأطفال اللي قاعدين ورا يقفلوا ويفتحوها
بدون ماتحس ، ودة خطر جدا لأن ممكن واحد
يقفل علي يد او اصبع اخوه بالغلط اثناء الخناق
علي الفتح والقفل

علشان كدة حاول انك تكون دايما قافل زرار الأمان
لفتح وقفل الزجاج الخلفي علشان يكون التحكم عندك
دايما"

**mohamed ibiza** · 31-05-2008 07:53 PM

الف مبروك علي العربية و ربنا يباركلك فيها و يبعد عنك شرها بس س سؤال العربية سحبها اخباره ايه هي 90 حصان 128 نيوتن عزم انا شايف ان العزم ده عزم 1400 مش 1600 ولا العربية مقاييسها مناسبة لحجمها و وزنها يا ريت تقولي لو مفيهاش ازعاج عشان ابن عمتي عايز يشتريها:)

**sab3aawy** · 31-05-2008 08:00 PM

ربنا يبارك لك فى السيارة ويديلك خيرها وتعمر معاك لحد ما تشترى الأحسن منها

انا لى سؤال مازلت حتى الآن ابحث عن اجابته ومش لاقيها

انا عارف ان العربية جر امامى، لكن هل موتورها بالعرض زى الكليو واللانسو والفيرنا الخ ، وللا بالطول زى سيارات داتشيا الأقدم

ارجو الإفادة

**M_HaFeZ** · 31-05-2008 08:15 PM

ممكن صور للصالون من جوه

**Abo_Lina** · 31-05-2008 08:25 PM

اعتقد موتورها بالعرض يا ا/سبعاوي لانه موتور الميجان الجيل الاول و ده كان بالعرض

**aLashin** · 01-06-2008 07:31 PM

بص يا اخ سبعاوي ..

في الحقيقه انا معنديش خبره كبيره بميكانيكا السيارات ..

بس لو بتتكلم علي وضع الموتور جوه الكبوت .. يبقي الموتور بالعرض ..

و الله أعلم :)

**NaderNabil** · 01-06-2008 07:41 PM

الموتور بالعرض فعلا: ديه صورته خارج السيارة:

**aLashin** · 01-06-2008 07:44 PM

الحقيقه .. و بناء علي طلب الجماهير ..

هرد هنا علي بعض الاسئله اللي اتكررت ..

أولا .. بالنسبه لاستهلاك البنزين ..

بعد اول تفويله يوم ما استلمتها من المعرض .. فولت تاني بعد 550 كم .. و من الكمبيوتر بتاع التابلوه .. كان ممكن امشي كمان 70 كم قبل ما افول يعني حوالي 600 كم في التفويله .. بس طبعا انا مرضتش اسيبها للاخر ..

بس هنا في ملاحظه مهمه .. اني لسه في التليين .. يعني الاستهلاك ده من غير تكييف و من غير قرص ..

بالنسبه للكوري اعتقد ان ده ممتاز .. بس لسه برضه انا مستني احكم عليها بعد ما اخلص تليين ..

ثانيا .. بالنسبه للسحب ..

انا زي ما قلت في النقطه اللي فوق .. لسه في التليين .. و عشان كده ما بحاولش اقرص علي الموتور .. بس عموما العربيه سحبها هايل .. و هايل ديه برضه بالمقارنه باللانوس و الفيرنا .. و هيا عموما عربيه خفيفه ..

عموما برضه ان شاء الله ممكن نرجع للنقطه ديه بعد التليين ..

**Mzeid** · 02-06-2008 12:27 AM

شكراَ على التقييم ..
ومبروك على العربية مرة ثانية ..
:):)

**hesham_tawfiq** · 02-06-2008 04:38 PM

المشاركة الأصلية كتبت بواسطة aLashin

ثانيا .. بالنسبه للسحب ..

انا زي ما قلت في النقطه اللي فوق .. لسه في التليين .. و عشان كده ما بحاولش اقرص علي الموتور .. بس عموما العربيه سحبها هايل .. و هايل ديه برضه بالمقارنه باللانوس و الفيرنا .. و هيا عموما عربيه خفيفه ..

عموما برضه ان شاء الله ممكن نرجع للنقطه ديه بعد التليين ..

انا وقفت فى اشاره مع عربيه فيرنا وكنا احنى الاتنين جنب بعض ولماالاشاره فتحت انا حسيت بفرق التجميع عن الفيرنا .بس مش عارف اذا كان صاحب الفيرنا بيتدللع ولا ايه انما انا عربيتى جمعت بسرعه جدا وعلى ار بى ام 3000