انا شغال في شركه فرنساوي..الشركه متقدرش تشغل الفرنساوين دقيقه اوفر تايم بدون رضا الموظف و الا يشتكيهم في مكتب العمل و النقابه العماليه في فرنسا
عرض للطباعة
انا شغال في شركه فرنساوي..الشركه متقدرش تشغل الفرنساوين دقيقه اوفر تايم بدون رضا الموظف و الا يشتكيهم في مكتب العمل و النقابه العماليه في فرنسا
سبحان الله من له الدوام
انا بستغرب من بعض الردود المستفزة واللي شايف فيها ناس مستقوية القلب على الغلابة
وبيوصفوفهم بابشع الصفات وكان المفروض الناس دي تكون عبيد ملهاش اي حقوق
ولاكن العكس اصحاب المال والاعمال ملايكة
اخيرا
اذا دعتك قدرتك على ظلم الناس فتذكر قدرة الله عليك
بعضكم متحامل عليا جدا زي ما اكون ابولهب و ماسك كرباج للناس ..... بالعكس انا بتعامل مع العمالة بتاعتي بكل ذوق و ادب و شياكة و زي ما انا بحب الناس تتعامل معايا لأني حاطط في بالي ان اللي انا هعمله معاهم لو حلو او وحش هيفضلي و يرجعلي تاني و كمان عشان انا اتظلمت جامد في شغلي اللي قبل ده عشان كده انا بحسس على الناس .... بس همه أخدوا اسلوبي ده طييبة و عبط مني و انهم هيقدروا يفرضوا اي حاجى عليا ... 7 يناير انا وافقت على طول مرفضتش انهم ياخدوه اجازة .... مع ان اي مصنع الناس شغالة ورادي فيه لا يوجد اجازة و الناس بتاخد بدل راحة بعد كده ... 25 يناير انا رفضت لأني لقيت الاسلوب تحدي من الاول و انهم عايزين يفرضوا عليا بالعافية و هوه كده و لما رفضت راحوا لموا بعض و اتفقوا محدش يجي .... طيب من 55 فرد اللي مجوش 23 عامل ...عارفين لو الناس كانت جت عادي و جم بعد كده قالوا ده مفروض كان اجازة و احنا مرضيناش نزعلك كان ممكن اديهم اجازة ......
لكن الموضوع كان فرض أمر واقع من العامل على ادارة الشركة و ده مبدأ مرفوض مهما كانت العواقب .... الشركة مالهاش دراع يتلوي
يعنى اسمه ايه ده:::::تكبر\حب سيطره\عنجهيه \غرور- اسف انابوصف الجمله مش قصدى اساءه
يا استاذى مهو فعلا امر واقع لانه حقه مش حقك انت
هو انت عاوز العامل اللى عندك يذل نفسه الاول لغايه اما تتعطف عليه وتفكر اذا كنت تحاسبه عليه ولا لا
لو سمحت انا ليا سؤال
ليه انت وناس تانيه زيك بتعتبروا ان العامل ابن الجناينى او انه فرد امن مركزى؟
لكل طرف فى المشكله حق ولو كل واحد التزم بحقه هتستريحم بس لازم انت وانا وكل من كان فى رقبته عمال اننا منطلبش بمبالغه فى الحق ده و اما ميتنفذش يبقى الحد بالسيف هو الحل
والله محدش حمل دعوة المظلوم (شفت حالات بعينى)
وجرب انهم يدعولك (انا مجربها بنفسى)
اه نسيت اقولك انك فرد من مجموعه افراد جوه منظومه العمل (ومش صاحب الشغل) وانت الوحيد اللى فى مواجهه المشكله مش صاحب الشركه يعنى انت زيك زيهم يبقى بلاش تفترى عليهم
اسف على انى قلت عايز اشتم بس الكلام مستفز جدا
احقاقا للحق الشغل اللى فيه شيفتات محدش بياخد عطلات رسميه بس بياخدوا يوم بدل اجازه و يومين فلوس ده تبع قانون العمل او يومين اجازه و يوم فلوس او 3 ايام اجازه
طبعا اكيد حضرتك مش بتعمل كده ولو بتعمل كده كان زمان كل العمال عايزين يحضروا اليوم ده و اكيد مش حضرتك لوحدك اللى مش بتعمل كده برضه اكيد مجال عملك كله كده
بصراحه ... انا اتفقعت و الله .... و شكلى هشيل المرارة قريب من ردود بعض الاعضاء ......
الكل عمال يهاجم العامل و الانأح من كده يصفه ( بالمصري ) يا سلام ... كان البيه صاحب التعليق جاى من فرنسا ولا المانيا و اتولد صاحب عمل و مكنش عامل فى يوم من الايام .... ماله بقى المصري .... بقى كخه دلوقتى .....
يعنى لما يخش واحد من جنسيه تانيه و يقرى الفضايح ده اللى احنا بنأكدها على نفسينا يقول ايه ؟؟؟؟
المصريين دايما محترمين و عمال كويسين الا القليل شانهم كشان يقيه الخلق فى كل حته ....
انا اشتغلت فى السعوديه ... و فى معظم دول الخليج المصري لية مكانه كويسه ... و دايما بيتحط فى الوظائف المتوسطه ... و بعدها تاتى العمالية الاسيويه ....
الموضوع مش موضوع مصرى ولا لاوندى .... الموضوع موضوع نظام من البداية ... لايحه عمل واضحه فيها اللى ليك و اللى عليك .... و تمشى على الكل .... انما لما يكون مستقبل الموظف مرهون بمزاج صاحب العمل و حسب اهواءة الشخصيه يفوت اللى هو عاوزة و يتلكك على اللى هو عاوزة ... يبقى خلاص
و يا ريت محدش يقلل من قدر المصريين الله يحفظكم .... و اللى مش بيحترم ظروفه و اصله ... ميلومش على حد تانى لو محدش احترمه .....