عرض للطباعة
مش عايز اتوقف ...... هاقفل بقي و اخرس
احمد باشا ..قبل اى حاجه ازيك الاول ؟
بالنسبه بقى للموضوع المتعب الى احنا فيه ..
اشمعنى اقتبست كلمه مصانش العيش و الملح و مجيبتش كلمه انى قولتهم انى هرفع الاجور ...
و ربنا يعلم بنيتى ..لما واحد يعمل مشروع فى البدايه يدفع ضعف الاجور الى انا بدفعها ...و هو لسه محطش رجله فى السوق و عليه اقساط و بلاوى ..
يبقى الى هيحصل حاجه من اتنين :
1-يا اما هيقفل
2-يا اما هيلحق نفسه و يخفض الاجور
فى اول حاله العمال هتقعد فى الشارع ..الحاله التانيه يبقى العامل مستفادش اى حاجه ..
ضيف على كده انه لا مرخص ولا اى شىء ...ومفيش تأمين على العمال
انا مأمن على العمال ..دى ميزه هو هيخسرها ...
و انا شرحت الموضوع للعمال ...
فى حاجه كمان :
واحد من العمال الى مشيو دول ...قبل ما يسيبنى و يروح المصنع التانى ...كان جاى المصنع على الموتوسيكل بتاعه ..و وقع بيه
اتبهدل جامد و جاله كسور و جروح و حاجات كتييير
طبعا هو لا يملك تكاليف العلاج ...
مش مفروض انى اقول المبلغ الى صرفته عليه فى احسن الاماكن ...و عند احسن دكاتره و احسن علاج
يكفى انه فاضل قاعد فى بيتهم 6 شهور مجاش الشغل ولا يوم
وكنت فى ميعاد القبض بروح بنفسى بلدهم اسلمه المرتب (بزياده)
رجع الشغل بعدها شهر ..و سابنى و مشى
و كانو عارفين انى خروج العدد ده مره واحده هيؤثر بشكل كبير على الشغل ..خصوصا ان معظم الى خرجو من قسم واحد ...
واحد تانى من العمال دى ...بسبب غباؤه ايده اتحرقت و اتهرست
ربنا يعلم عملت معاه ايه و عملتله عمليه "تجميل" !!!!!
وبرده ساب الشغل و مشى
واعتقد ان لو واحد منهم شايف انى ظلمته ...مش هيشوفنى فى الشارع يسلم عليا
ولا يعبرنى
ولا يقول عليا كلام كويس من ورايا !!
ولا حتى يحاول يرجع الشغل عند الراجل الظالم (انا) تانى
اعتقد بعد الشرح ده ..مفيش خلاف على ان كان الافضل للعمال دى انها تفضل معايا لانهم كانو هيستفيدو الاتى:
1-هرفع المرتب
2-هيحتفظو بالتأمين
3-هيزيدو من نظرى و هشيلهم الجميل و اكيد هرده فى اقرب فرصه
عاوز كمان اوضح انى اقسم بالله لما قولت للعمال محدش يمشى مكنش هدفى الاول هو الشغل ..كان هدفى مصلحتهم
لان انا اه رئيس العمال دلوقتى
بس منساش بردو ان وانا صغير فى ابتدائى كنت بروح العب فى المصنع هناك ..كانو بيعلمونى سواقه العجل !! و يصلحولى العجله ..و كانو بيعتبرونى اخوهم الصغير مش ابن صاحب الشغل ...
و لا بالفلوس حتى
العامل لا يهمه الا مصلحته الشخصية فقط و لا يهمه المكان اللي شغال فيه يكسب او يخسر و لا انت بتعامله كويس و لا وحش مش مهم عنده
و زي ما خالد بيقول على مواقف مع عمال عنده ...
عامل البوفيه عندي و هوه مروح خبطه تاكسي و رجله اتكسرت , طبعا هوه تحت الاختبار و كان ده اول شهر ليه .... طبعا اديته اللي فيه النصيب و قلتله خليك في بيتك لحد ما تقف على رجلك ( الدكتور قاله 3 شهور ينام فيهم و منهم شهر علاج طبيعي ) و مرتبه ماشي زي ما هوه ..