سؤال لكل واحد ضد صاحب الموضوع :
عندك شغل خاص بيك و عندك عمال ؟؟
عرض للطباعة
سؤال لكل واحد ضد صاحب الموضوع :
عندك شغل خاص بيك و عندك عمال ؟؟
من فضل الله عليا والحمدلله انا
بس طبعا فى اختلاف بينى وبينك انت وصاحب الموضوع كبييييييييييييير جدا فى طريقه ادارة العمل بس ده ممكن ان يكون سببه انى بدأت من الصفر فعلا وانتم الظاهر مش حاسيين بيهم بمعنى انى كنت من واحد من العمال اللى مش مشرفينكم
وحاليا ولانى فهمت دماغهم ومعاملتهم بتعامل معاهم بالطريقه اللى متخسرنيش ومتخسرهمش وبفضل الله انا معنديش مدير او مشرف عمال عشان الشغل يمشى لان كل طرف فينا عارف اللى ليه واللى عليه
انا بخلى كل واحد فيهم مشرف على الباقى بالتناوب (مش جاسوس على زميله ) لا مش بيشتغل بايده فى اليوم ده وبيباشر الشغل و بنعمل حصر شهرى وبنشوف اعلى واقل مستوى وبنمشى مبدأ الثواب والعقاب
الرجاله عندى (وافتخر انهم رجاله والحمدلله) مش محتاجين اللى طريقتكم اللى نتايجها فاشله
(العند بيولد العند)
للعلم انى بشتغل شغل تانى وبيحصل انى مش بكون متواجد معاهم لظروف عملى التانى لكن والله لما بيحصل انى بزعل منهم فى حاجه وبحس ان حصل تقصير (وده نادر) بسيبهم واروح واقولهم انتم حرين ده مكانكم ويوم ما يخسر او يتقفل انت اللى هتخسروا
بلاقي مشرف اليوم بيتصل بيا على الساعه 10 او 11 وبيقولى ان الرجاله سهروا وخلصم الشغل
يبقى المشكله فى العمال ولا فى ::::::::::::::::؟
للعم انا اللى عندى رجاله مش عمال والحمدلله
ربنا يبارك لحضرتك
انا عاوز اوضح نقطه ..انا مش مولود فى بؤى معلقه دهب و بابى جابلى مينى كوبر عشان جبت 60% فى اعدادى ..
والدى بدأ من الصفر ..بدأ فى العراق و النمسا ..و رجع مصر اشتغل مدرس ..و جاب تاكسى ..وحاليا عندنا مجموعه مصانع و الحمد لله ماشيين بما يرضى الله ..
بالنسبه ليا انا ..من اعدادى بنزل مع والدى الشغل ..والدى سابنى انطلق ..اغلط و اتعلم ..عشان اعمل الصح و انا فاهم هو صح ليه ؟؟ مش مجرد انه قالى هو ده الصح ...
الحمد لله انا دلوقتى 21 سنه ..مسؤول عن مصنع النسيج بتاعنا من ال أ الى ى ...
لحد اللحظه دى مفيش عامل بيكرهنى ..مفيش عامل بيسترخمنى ..علاقتى كويسه بالجميع و لو طلبت منهم لبن العصفور بيجيبوه ..
ده كله بفضل ربنا الحمد لله و تربيه والدى ليا
احنا لا متعجرفين مع العمال ولا بنظلمهم ..
و مع ذلك بنلقى منهم شر كتير
لكن انا اؤيد صاحب الموضوع فى تصرفه ..
اصل مش كل واحد فقير خايف على اكل عيشه ..
هما لو خايفين على اكل عيشهم مش هيعملو كده و هيطلبو الموضوع بأدب ..وكل عامل عارف مديره هيوافق على ايه و يرفض ايه ..
انا الحمد لله لحد دلوقت متحطش فى الموقف بتاعه ..
اتحطيت فى موقف شبيه بيه ..ان مصنع منافس فتح جمبنا ...و خد العمال الى عندى بضعف الاجر ...خد منى 24 عامل ..محدش فيهم صان العيش و الملح ..مع انى قولت انى هرفع الاجر ..قالولى معلش هناك اعلى منك بردو ..
قولتلهم الراجل مش هيستمر معاكو فى المرتب ده لانى كصاحب مصنع عارف الحسبه و هو كده بيخسر ...
سلمنا على بعض و مشيو بس قلتلهم انا مستعد اقفل المصنع بس محدش منكو هيدخل هنا تانى ..
بعد 3 شهور صاحب المصنع التانى قفل ..و فى خلال التلات شهور خفضلهم الاجور ...
رجعو تانى موافقتش ان واحد يدخل الشغل ..قعدنا سوا و ضحكنا و هزرنا ..بس شغل لا ..
ولحد دلوقتى فى العيد انا الى بتصل بيهم اعيد عليهم ...و بفضل الله ساعدت كذا واحد منهم فى مشاكل خاصه بيه ..
العامل ملوش امان ...
انا مع الاستاذ مزجنجى العمال الى اترفدوا دول لو كانوا خايفين على اكل عيشهم كانوا راحوا الشغل وخصوصا انهم عارفين ان فى طلبيات متاخرة وغرامات على صاحب العمل هو يعنى الاجازات هتخلص
الكلام ده بيكون على المستوى الفردى و فى الاحوال العاديه
مش على المستوى الجماعى و الاضرابات و الاعتصامات المنظمه
مفيش قانون بيقول ان الناس تعمل اضراب جماعى عن العمل و ياخدوا مرتبات
و ادى نصوص قانون العمل فى موضوع الاضرابات (انت وقعت ولا الهوا اللى رماك (: )
( مادة 192 )
للعمال حق الإضراب السلمي وتكون ممارسته لمنظماتهم النقابية دفاعا عن مصالحهم المهنية والاقتصادية والاجتماعية وذلك في الحدود وطبقا للضوابط والإجراءات المقررة في هذا القانون .
وفي حالة عزم عمال المنشأة ذات اللجنة النقابية علي الإضراب في الأحوال التي يجيزها هذا القانون ، يجب علي اللجنة النقابية – بعد موافقة مجلس إدارة النقابة العامة المعنية بأغلبية ثلثي عدد أعضائه – إخطار كل من صاحب العمل والجهة الإدارية المختصة قبل التاريخ المحدد للإضراب بخمسة عشر يوما علي الأقل وذلك بكتاب مسجل بعلم الوصول .
فإذا لم يكن بالمنشأة لجنة نقابية يكون الإخطار بالعزم علي الإضراب من العمال للنقابة العامة المعنية , ويجب علي الأخيرة بعد موافقة مجلس إدارتها بالأغلبية المنصوص عليها في الفقرة السابقة القيام بالإخطار المشار إليه .
وفي جميع الأحوال يتعين أن يتضمن الإخطار الأسباب الدافقة للإضراب والمدة الزمنية المحددة له .
( مادة 193 )
يحظر علي العمال ومنظماتهم النقابية الإضراب أو الدعوة إليه بقصد تعديل اتفاقية العمل الجماعية أثناء مدة سريانها ، وكذلك خلال جميع مراحل وإجراءات الوساطة والتحكيم .
( مادة 194 )
يحظر الإضراب أو الدعوة إليه في المنشآت الاستراتيجية التي يترتب علي توقف العمل فيها الإخلال بالأمن القومي وبالخدمات التي تقدمها وكذلك المنشآت الحيوية التي يؤدي الإضراب فيها إلي اضطراب في الحياة اليومية لجمهور المواطنين .
ويصدر قرار من رئيس مجلس الوزراء بتحديد هذه المنشآت .
( مادة 195 )
يترتب علي الإضراب وقف عقد العمل خلال فترة الإضراب وعدم استحقاق الأجر عن تلك الفترة ، ويجوز إنهاء هذا العقد في حالة مخالفة العامل للضوابط والإجراءات المقررة في المادة السابقة .
( مادة 196 )
يكون لصاحب العمل ، لضرورات اقتصادية ، حق الإغلاق الكلي أو الجزئي للمنشأة أو تقليص حجمها أو نشاطها بما قد يمس حجم العمالة بها وذلك في الأوضاع وبالشروط والإجراءات المنصوص عليها في هذا القانون .
بوابة الحكومة المصرية - قانون العمل - علاقات العمل الجماعية
الموضوع ببساطه ان فيه قانون بينظم العلاقه بين العامل و صاحب العمل
و طالما عقد العامل مفيهوش اى بنود مخصوصه فالعلاقه دى بينظمها بنود قانون العمل
المهم نبص على البند الصح بتاع الحاله اللى احنا فيها مش ندور على البند اللى يعجبنا و نمسك فيه
استاذ مزجانجى
قانون العمل مش هو الرابط و الضابط الوحيد اللى بيحكم العلاقه بين العامل و صاحب العمل يعنى بيكون فيه اعتبارات تانيه لحاجات تانيه
و لكن الوحيد اللى يستطيع تقدير الامر ده هو حضرتك لانك الوحيد فى المنتدى اللى اتعاملت و عشت مع الناس دى
و ربنا يصلح للجميع الحال
على فكره قانون العمل مليان مشاكل و ثغرات بس ميعرفهاش غير اللى وقع فيها او شغال فى المجال ده
المشكله ان المحكمه بتاخد بالقانون ده بنظام يا ابيض يا اسود و ساعات كتير مبتاخدش بيه على حسب عرضك للمشكله و الطريق اللى مشيت فيه و اسباب وظروف مشيانك فى الطريق ده
لأن القاضى انسان و بيعرف يفكر
و برضه انسان و لكل انسان اخطاء و زلات و اهواء