الموضوع: رينو داستر الشكل الجديد - الآن في مصر

المشاركة الأصلية كتبت بواسطة bebo2000

احب اضيف للموضوع ان الكلام اللى بيتقال على مواتير الرينو صحيح فعلا المواتير دي ادائها بيختلف جدا بعد التليين زي ما الاخوة اللى معاهم فلوانس وميجان 2 وضحوا قبل كدة
انا بصراحة كان عاجبني اداء الماتور وكنت فاكر ان كدة اعلى حاجة وماكنتش مقتنع ان التليين بيفرق خصوصا اني ماحستش بفرق يذكر بعد تليين الافيو او الساجا بس بعد ما عملت 1045كم بالداستر اقدر اقولكم ان العربية بقت حاجة تانية خالص وبقى الماتور مصحصح معايا في الجري والشد وبعد ما كنت بقول ان سحبها اقل من السيدان شوية دلوقتي اقدر اقولكم ان فاضل سنة بسيطة ويبقى سحبها زي الافيو او احسن سنة كمان بس هي بامانة اقل من الساجا بس البروتون في السحب معروف انه جبار بس على حساب صوت الماتور واستهلاك البنزن
عموما في كلام ان لسة السحب هايتحسن لغاية ما اوصل 2000كم وفي دليل المستخدم مكتوب ان ماتتوقعش اعلى اداء للسيارة قبل 3000كم
ادينا وراها وانا معاكم واى حاجة جديدة هلاحظها هابلغكم علطوووول

bebo انا بأأكد على كلامك . الموضوع ده حصل فعلا معايا
انا على 1000ك كنت مثبت الار بى ام على 3500 وكانت السرعه فى حدود 100
2000 ك كنت ابتديت اجيب 120 بس السحب ما كانش بالصوره المتوقعه
دلوقتى انا على 3000 السحب جميل جدا والتسارع ممكن تجيب 160 بسهوله زى الفيديو الى انا رفعته فى الطريق الصحراوى . وفيه فيديو تانى لواحد خارج مصر جايب 200 عمتا انا ما بشجعش السرعه العاليه فى الطرق بتاعتنا لكن اداء المحرك بيختلف بعد وصولك 3000 انا بفكر اغير زيت وفلتر عند 5000 و ما انتظرش 10000 انت ايه رأيك
على فكره انا جربت كمان ايام المطر الكتير وكنت بنزل فى اما كن فيها برك والعربيات جانبى كانت بتعانى وانا ولا فى دماغى عادى خالص

المشاركة الأصلية كتبت بواسطة bebo2000

احب اضيف للموضوع ان الكلام اللى بيتقال على مواتير الرينو صحيح فعلا المواتير دي ادائها بيختلف جدا بعد التليين زي ما الاخوة اللى معاهم فلوانس وميجان 2 وضحوا قبل كدة
انا بصراحة كان عاجبني اداء الماتور وكنت فاكر ان كدة اعلى حاجة وماكنتش مقتنع ان التليين بيفرق خصوصا اني ماحستش بفرق يذكر بعد تليين الافيو او الساجا بس بعد ما عملت 1045كم بالداستر اقدر اقولكم ان العربية بقت حاجة تانية خالص وبقى الماتور مصحصح معايا في الجري والشد وبعد ما كنت بقول ان سحبها اقل من السيدان شوية دلوقتي اقدر اقولكم ان فاضل سنة بسيطة ويبقى سحبها زي الافيو او احسن سنة كمان بس هي بامانة اقل من الساجا بس البروتون في السحب معروف انه جبار بس على حساب صوت الماتور واستهلاك البنزن
عموما في كلام ان لسة السحب هايتحسن لغاية ما اوصل 2000كم وفي دليل المستخدم مكتوب ان ماتتوقعش اعلى اداء للسيارة قبل 3000كم
ادينا وراها وانا معاكم واى حاجة جديدة هلاحظها هابلغكم علطوووول

كلام جميل جدا يا بيبو باشا و دة اللى احنا متوقعينة منها ان شاء اللة - بس عاوز افكرك انى لسة مستنى المفاجأة بتاعتك على أحر من الجمر - يعنى متنسيناش و تلهينا بموضوع السحب و الشد - انت متأخر علينا يا باشا

المشاركة الأصلية كتبت بواسطة gogo2012

bebo انا بأأكد على كلامك . الموضوع ده حصل فعلا معايا
انا على 1000ك كنت مثبت الار بى ام على 3500 وكانت السرعه فى حدود 100
2000 ك كنت ابتديت اجيب 120 بس السحب ما كانش بالصوره المتوقعه :u_thin1[1]:
دلوقتى انا على 3000 السحب جميل جدا والتسارع ممكن تجيب 160 بسهوله زى الفيديو الى انا رفعته فى الطريق الصحراوى . وفيه فيديو تانى لواحد خارج مصر جايب 200 عمتا انا ما بشجعش السرعه العاليه فى الطرق بتاعتنا لكن اداء المحرك بيختلف بعد وصولك 3000 انا بفكر اغير زيت وفلتر عند 5000 و ما انتظرش 10000 انت ايه رأيك
على فكره انا جربت كمان ايام المطر الكتير وكنت بنزل فى اما كن فيها برك والعربيات جانبى كانت بتعانى وانا ولا فى دماغى عادى خالص

على فكرة الزيوت التخليقية برة بتقعد على الاقل 20الف كلم احنا هنا بنغير على 10الاف كلم على اساس ان الحرارة اعلى وده بيخلى الزيت يتحرق اسرع وفي جدول الصيانة اللى جاي مع العربية مواعيد الصيانة كل 10الف كم او سنة ومن الغريب انك تلاقي ان البوجيهات المفروض بتقعد 60 الف كلم والتوكيل يغيرهملك هنا على 20الف بالكتير وياريت بتبقى بنفس الجودة وطبعا ده علشان يقعد طول فترة الضمان يدفعك في فلوس.
وبما اننا لسة في الشتا اعتقد مفيش داعي تغير على 5000 واستنى الصيانة عادي وخصوصا ان دي المرة الوحيدة في عمر العربية اللى هاتشوف فيه زيت مش مضروب زي الزيوت بتاعتنا هنا

عندى استفسار للأخ بيبو أنا كنت بشوف العربية في معرض وكانت 4*4 وحولت من أوتو إلي 2*4 بس لما جبتها علي lock 4*4 لاقيت البكرة بترجع تانى أنا عايز نصيحتك عشان إن شاء الله هاستلم اللون بتاعي الأسبوع الحالى إن شاء الله. علي فكرة انتم السبب في اقتناعي بالداستر ربنا يسهل
واستلمها إن شاء الله

رجوع البكرة بتاعت الاوتو وال 2*4 و 4*4 لما أجيبها على 4*4 عادى؟

المشاركة الأصلية كتبت بواسطة ahroshdy

رجوع البكرة بتاعت الاوتو وال 2*4 و 4*4 لما أجيبها على 4*4 عادى؟

بعد اذن الاخ بيبو هجاوب على السؤال
يعتبر رجوع بكره التحويل وضع طبيعى ونقطه امان عند استخدامك للدفع الخلفى لانه من المفترض عدم السير بسرعه عاليه(الاستخدام الاقتصادى) وانت على4*4 لذلك تتحول السياره لوضع 2*4 اوتوماتيكيا من الوضع4*4 عند وصولك لسرعه معينه بالسياره .
وذلك يفسر عدم ثبات البكره على وضعيه4*4
ومبروك مقدما....

المشاركة الأصلية كتبت بواسطة ahroshdy

عندى استفسار للأخ بيبو أنا كنت بشوف العربية في معرض وكانت 4*4 وحولت من أوتو إلي 2*4 بس لما جبتها علي lock 4*4 لاقيت البكرة بترجع تانى أنا عايز نصيحتك عشان إن شاء الله هاستلم اللون بتاعي الأسبوع الحالى إن شاء الله. علي فكرة انتم السبب في اقتناعي بالداستر ربنا يسهل
واستلمها إن شاء الله

بالنسبة لنظام التحكم الالكتروني في الدفع الرباعي بتاع الداستر فهو معمول ان وضع auto هو الوضع الافتراضي او الاساسي ولما بيبقى المفتاح عليه مابينورش عندك اى حاجة في العدادات لان ده اللى مفروض تفضل عليه العربية وهو في الاساس يعتبر 2*4 الا اذا عجله احتاجت عزم زيادة بيبتدى الكترونيا ينقل عزم ليها او بمعنى تاني يشغل ال4*4
اما وضع 2*4 ووضع 4*4 فاختيارهم معناه ان المستخدم محدد نوع معين بذاته ومش عاوز يخلى العربية تحدد حسب الكمبيوتر مثلا مش عاوزها تقلب 4*4 خالص علشان استهلاك البنزين او انت في حتة وعرة شوية وعاوزها تفضل 4*4 علطول علشان كدة هتلاقي في العدادت بينور 2WD او 4lock لما تختار حاجة منهم علشان ينبهك انك مش ماشي اوتو وانك مثبت mode معين وكمان في ال 4*4 لما سرعة العربية بتعدي 80 كلم فده معناه ان الطريق يسمح بالجري ومش محتاج دفع رباعي فبيقلب لوحده على الاوتو تاني علشان يوفر بنزين ويحمى منظومة الدفع الرباعي وعلشان كده الزرار مش بيثبت على 4*4 لان المفروض ان بمجرد انتهاء الغرض بانك تبتدى تمشي بسرعة يرجع اوتو تاني او انك تحوله اوتو او 2*4