الموضوع: كل ماتريد معرفتة عن هوندا سيفيك الجيل السادس

المشاركة الأصلية كتبت بواسطة semsem kane

محمد نبيل باشا اية الاخبار

تسلم ياباشا على التعديلات الجميلة دية

ان التعديلات دية هنقلها كلها فى الموضوع للتكملة للموضوع عشان يكون متكامل

بس انا بالنسبة للمحرك ال b16a بينزل على سيفيك sir الجيل السادس يمكن مش عندنا هنا بس بينزل بيها وفعلا كان لازم افرق مابين اللى بينزل فى الخارج واللى بينزل هنا

تمام فعلاً بتنزل بكود b16a فقط بدون اى ارقام بعد حرف الـ a في سوق اليابان فقط واللى بحروف للأسواق الاخرى زى الامريكى والاوروبى والاسياوى والشرق الاوسط

ال type- r ال 1800 سى سى بينزل فى الجيل السادس خاص بالسيفيك انا ماذكرتش انة نزل عندنا هنا فى مصر بس انا قولت عموما هو موجود وكان لازم اقولة

للأسف المعلومة دى غير صحيحة عشان المحرك ده منزلش من المصنع على السيفيك نهائى لا عندنا ولا حتى في أى دولة في العالم المحرك التايب أر 1800cc ده خاص بالهوندا انتيجرا تايب أر فقط وان كان الناس بتسقطه على السيفيك فا دا حاجه ثانية اذا اللى كان اولى انه يتقال في الموضوع هنا هو محرك السيفيك تايب أر الـ b16b بقوة 185 حصان

كود المكنة الاصلى انا شايفة على اكتر من عربية vti بكود d16y8 وعموما هما كلهم واحد سواء d16y6 او d16y8 هو فقط اختلاف المسميات على حسب المناطق اللى رايحلها

تمام ما انا زى ماقولت d16y6 ده للخليجى الاصلى اللى نزل تبع الوكيل في مصر و d16y8 ده للأمريكى والكندى فئة ex اللى بتساوى عندنا فئة الـ vti لكن الفرق انه بينزل عندهم بفتيس مانيوال أو أوتوماتيك وان كان المانيوال بصفة أكبر على عكس السوق الخليجى اللى كله أوتوماتيك .. فا أكيد اللى أنت شوفتهم دول اما مسقطين ماتور أو داخلين من بره مواصفات امريكى

ال vti انا فعلا شوفت منها نظام طبلة بس الاغلبية الكبيرة بشوفها بنظام ديسكات وهية اصلا نازلة بنظام ديسكات - عموما هية مشكلة السيفيك انها بتنزل بفئات كتير واوبشن متغير


ازى بتقول هيا أصلاً نازلة بنظام فرامل ديسكات خلفي في حين انك بتقول شوفت منها بنظام الطبلة؟!! لا ياباشا العكس هو الصحيح الخليجى كلها بتنزل بنظام الطبلة وبدون abs و الناس اللى راكبنها بتعملها rear drum to disc conversion وأنا واحد منهم :)

انا قولت بالنسبة لل vti انها بايرباج ماقولتش 2 ايرباج

طيب ما أنا واضحت ان فيها الاثنين موديل 96-97 أيرباج واحدة 98-00 فيها 2 ايرباج

بالنسبة لل exi انا شايف واحدة بايرباج كانت قدامى للبيع exi

ممكن ولو انى ماشفتهاش

وكمان كان قدامى سيارة lxi مافيهاش باور وللبيع وخليجى عادى يعنى هتلاقى كتير بأوبشن متغير

- بالنسبة لمقاس الكاوتش فية فعلا 185/70 موجود وفية كمان 185/65 r13 والمقاس دة انا جايبة من الكتالوج الاصلى

بالنسبة للمقاس 185/65/13 مش متأكد منه أعتقد بيكون 185/65r14 بس هشوفه عندى وتأكد ورد عليك