قرض من البنك لشراء سياره ؟؟؟

**ahmed1611** · 30-01-2009 04:17 AM

قرض لشراء سياره...............ارجوا من اصحاب الخبرات ان يوضحوا لي بعض النقات مثل ايه الشروط المطلوبه للاقتراض من البنك؟؟؟ و اد ايه الفايده ال بياخذوها؟وهل لازم افتح حساب عندهم بثمن العربيه علشان اخد قرض واقسطه لهم بفايده ؟وايه هي البنوك دي؟يعني عاوز اعرف كل حاجه عن الموضوع ده\\\\\ارجوا اي حد اتعامل مع البنك ان يقولي تجربته \\\\\\\\\\\\\\\\\\\\\\\\\\\\\\\\\\\\\\\\\\\\\\\

**ahmed1611** · 31-01-2009 07:05 PM

مفيش حد راضي يرد علييه ليه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

**mada121977** · 01-02-2009 01:02 AM

الاخ الفاضل احمد
انا هاحكيلك على تجربتى الشخصيه
انا مقسط عربيه لانسر 2007 من خلال بنك ابوظبى الوطنى - فرع سيتى سنتر المعادى وبالنسبه للمستندات المطلوبه هما فيه نوعين من التقسيط تقسيط موظفين وده اللى بتجيب ليهم فيه مفردات مرتب وضامن ويشترط ان مبلغ المرتب يعدى ال 2000 جنيه وطبعا صوره البطاقه ووصل كهرباء او مياه او تليفون , اما النظام التانى هو الاعمال الحره وده لا يشترط فيه ضامن ومفيش مفردات مرتب وهوا بس بصوره البطاقه وده بيكون المقدم فيه يعدى نصف قيمه العربيه والنظامين دول بعد مابتاخد موافقه البنك بيشترطوا انك تعمل توكيل عام بالعربيه ليهم وبياخدوا نسخه مفتاح وعلى فكره هما العربيه بتبقى تبعهم من اول الموضوع يعنى مش بتاخد شيك وتروح تديه للمعرض لا العربيه بتبقى فى المعرض وبعد ماييجى ملفك ويوافقوا على القسط بياخدوا العربيه من المعرض ويدولوا تمنها وانت بتكمل معاهم هما , بالنسبه لقيمه القسط فهيا 7% ثابته , وانت ممكن تحدد عدد سنين القسط من سنه الى 5 سنوات فقط بس كل ما بيزيد عدد السنين القسط الشهرى بيقل طبعا والعكس
وربنا يارب يسهل لينا ويرزقنا علشان نخلص من موضوع القسط ده علشان بصراحه دى اول مره فى حياتى اشترى حاجه قسط والواحد حاسس انه شايل هم الموضوع ده قوى

**ahmed1611** · 01-02-2009 05:39 AM

شكرا جزيلا يا باشا على التوضيح دا ربنا ييسر امورنا كلنا ويبارك

**ezzatfox** · 01-02-2009 08:36 AM

اقل فايدة ممكن تلاقيها فى بنك ناصر الاجتماعى فايدة 6% على سبع سنوات و نصف
مطلوب مفردات مرتب للمقترض و الضامن و بيعملوا تأمين على الحياة و مصاريف ادارية 1% من قيمة القرض ، و اجراءاتة مش صعبة اوى هتتعب شوية صغيرة بس لو حسبتها هتلاقى فرق كبير جدا

**ahmed1611** · 01-02-2009 02:36 PM

شكرا يا باشا .....معلش اسالتي كثيريا باشا اصل عمري ما اسط حاجه قبل كدا زززعاوزااتاكدهو ثمن العربيه بيبقى نفسه "يعني ما بيزودوش من ثمن العربيه الاصلي (الكاش)؟؟؟؟مثلا لو العربيه ثمنها 100الف كاش باخذ الشيك وبقسطها للبنك100الف +6%+1%اداري؟؟؟؟؟؟؟؟؟؟؟؟؟؟؟؟ش كرا يا باشا

**ezzatfox** · 01-02-2009 03:39 PM

لا 6% سنويا و بتتحسب على قيمة القرض اللى هو باقى ثمن العربية
يعنى لو العربية ب 10000 و انت هتدفع 50000 و هتقسط الباقى على 5 سنين يبقى هتضرب الباقى اللى هو 50000 فى 30% دى تبقى الفايدة
و لو عايز تحسب حاجة قولى و انا احسبهالك بالظبط قولى هتشترى اية و بكام و هتدفع مقدمة اد اية و عايز تقسط على كام سنة