+11111111111111
يا باشا انت بس تؤمر و انا ازنقلك على اى سيراتو او اى 1600 ستوك و اخليك تطلع منه
احنا كلنا مع بعض و انا زميلى فى المنتدى على اى حد بيشد منعرفهوش
موضوع جميل و الف الف مبروك على الفلتر و التعديل .
و على فكره لو نضفت حساس الايدل و الايدل كنترول و غيرت البوجيهات و غسلت الردياتير كويس بالهوا و الميه و نضفت الموتور كويس بالهوا و الميه و الكيماوى .
صدقنى ممكن بسهوله تكسر ال 11 ثانيه .
انا جبت من 0:100 فى حدود 10.3 ثوانى بعد الفلتر k&n stock replacement اللى بيركب فى العلبه عادى المستطيل زى بتاع الفبريكه .و كل الناس بتقول انه مبيعملش حاجه و ملوش صوت خالص.
احب اقولهم انه ريح الموتور جامد و هدى صوته و حلو فى التوفير للبنزين لو ماشى سلانسيه و لو بتشد مش هيكسفك .و بعد ما ظبطت البوجيهات كمان قفلت عداد بيه . و على فكره بيعمل صوت حلو بس اقل من اللى انت مركبه بكتير .بس لزيز و شغال .
بس خد بالك اوى اوى اوى اوى اوى اوى جدا من نضافة الفلتر و هتلاقى العربيه فايقه و لو اتوسخ هتلاقى العكس
للمعلوميه فلترك مبيتنضفش بالهوا اصلا و غلط و ممكن يبوظه .حضرتك اشترى الكيت بتاع التنضيف و نضفه بيها و امشى على التعليمات بالحرف .و الله هتحس بفرق جامد بعد التنضيف كانك لسه شاريه جديد .
نصيحتى تعمل توصيله لمسوره مرنه و تجبها من وش العربيه توديها للفلتر و ان شاء الله تدعيلى و كمان حاول تبعده عن حرارة الموتور و كمان تعمل عازل حرارى من ناحية الموتور .و باذن الله هتحس بفرق اكبر بكتير جدا عن الاول .و خلى بالك كمان من البوجيهات العاديه لازم فتحتها تتظبط قبل ما تركب عشان تحرق كويس و تسحب و تشد معاك و توفر فى المشى السلانسيه .
و الله اعلم