والله انتم ناس محترمين جدا والواحد بيحبكوا لله في لله
و ان شاء الله الواحد يتشرف و نتقابل كلنا كده
السيراتو دى حارقه دمى على طول على طول مخيطانى شكرا سيراتو
اوووووووووووووه ... مبروك يا كبيير :)
شكراااا كتير ع التقرير والف مبرووك
الف مبروك يا حبى و اهدى شويه كده انا بتخبط تقريبا بقالى اسبوعين كل يوم
اهدى كده ربنا يكفيك شر الحسد
مبروك يا Ahmod على الفلتر,
وشكرا على التقرير الجااااااااااااااااااامد جدااااااااااااااااا..
لو عرفت توصله ماسورة من وش العربية, أو تحطه فـ مكان ياخد هوا بارد.. يبقى تماااااااااااااام.
عشان يبقى Cold Air intake بجد..؟؟!!!
أو induction kit زى الكتاب ما بيقول.. :bump1:
هى دى الميزة الأساسية عن الفلتر الـOEM Replacement اللى بيركب جوا الـAir-box بتاع الفابريقة.. زى اللى أنا مركبه.
لو حتى مش هتزود 2-3 هورسباور, يبقى عـ الأقل الـTorque والـAcceleration ممكن يتحسن سيكا,
عشان الموتور بيروح على الـrpm العالية بسهولة.. يعنى بيخليه يـRevv أسرع..!!
ولااااااااااااازم تغير طقم البوجيهات, وفلتر البنزين.. وعيش يا معلم. :guitarplay1:
ان شاء الله نشوفكم عن قريب في اقرب مقابلة بأمر الله :camera2:
يا اهلا وسهلا :))))
دكتور كيفيك ؟ ........ حضرتك جيت في وقتك والله
علشان محتار دلوقتي بين الفلتر المخروطي والعادي (الاستوك) بتاع العربية
اي واحد افضل واحسن ........ انا طبعا علشان احط المخروطي لازم اشيل العلبة بتاعته
ولو شيلت العلبة لزم اعمل واصلة مواسير علشان اخلي الفلتر قريب لنفس ماسورة علبة الفلتر الاصلية
طيب يبقي كده الاستوك احسن ؟؟؟
---------------------------------------
سؤال تاني خارجي
الديفيل .... بيعمل فرق فعلا في الهورس باور للعربية ...... ولو هو كده بيبقي لازم يركب من عند الفرن بتاع الماتور ولا ممكن اخر وصلة من اخر علبة وهايعمل نفس الاداء .... وبيقي خامة المواسير ايه ؟
تسلم يادكتووور ..... منتحرمش :)
السلام عليكم
مبروك لصاحب الموضوع انا متابعك و انت كنت دايخ و عمال تلف عشان الفلتر ده و حماده غزي حاجته حلو نادراا لما حد بيشتكي منه
نيجي بقي لموضوع الشد :]
احنا معانا أكسنت 1.5 موديل مانيوال 2002
مع ياريس 1.3 من زميل لصديق في الاكاديميه البحريه
أول, تاني,تالت (0-120)ما حدش طلع من حد العربيتين حالفين و كذا مره شد
الاكسنت 85 حصان و الياريس 92 مع فارق العمر و الموديل ما بينهم :]
نيجي بقي للسيراتو, معانا بردو الاخت الكبيره للأكسنت, الالنترا ال2011 الشكل القديم مانيوال بردو ( بأستمتع انا بالمانيوال انا و الحاج رغم انه مالوش في الجري)
راجع من أليكس مش بياكل عيش معايا نهائي و كان معاه كوبيه البيه عشان يخضني قفل أنواره كلها في عز الليل و بيطلع من علي يميني بس قفشته بردو و سقط جبته و روحت انا بعد كده
الياريس ال1.6 جريت معاه مره بس انا مانيوال و هو أوتو غير انه مالوش في الجري أصلاا بأقلق أجري معاه لتحصله مشكله و أشيل ذنبه
ال 1.6 اللي تقلق منهم السيفيك ( بأعشقها)
الكورولا ثم الالنترا أو العكس و ده كلام الناس هنا علي المنتدي مش كلامي والله :]
الزميل اللي بيقول انا عارف فرامل الاكسنت هي ضعيفه و مش عاجباك ولا تمام ؟
سونا الشهير بسحس بوند : لو ركبت تربو بردو هتفضل الياباني البلدي :؛:؛
و المناقشه ده حلوه يا رجاله و ربنا يباركلنا في عربيتنا و يحفظلنا طريقنا من كل شر و الغشوميه و سياسه التلبيس في الشد !
الله يبارك فيك
ربنا يخليك يا باشا والله انت اللى زي الفل
والله يا باشا انا السيراتو ماشدتش معاها الا في المرة اللى حكيت عنها والعربية فعلا كانت بايظة طبعا انت متخيل زيت موبيل 1 بقاله 10 الاف كيلو وهو اصلا متنيل بنيلة والعربية مركونة بقالها يجي 10 ايام
فانا كنت حاسس انها مخنوقة جدا وكنت بدوس عشان افوقها مش اكتر لقيت واحد بتاع سيراتو سخن
انا مش عارف والله حاليا ممكن ايه اللى يحصل لو شديت معاها لكني منتظر اشوف اي سيراتو بيجري على طريق مفتوح عشان اخد بتاري :aloha:
حبيبي يا معلم الله يبارك فيك يا حبي وعايزين نشوفك يا كبير
الله يبارك فيك
الله يبارك فيك والله انا مش بجري زي مانت متخيل يعني
ده بالعكس انا بعد الفلتر بقيت اخاف ادوس الماتور بقى بيصعب عليا بحس انه بيتحرق من قوة الصوت :36_3_18[1]:
حبيبي يا دكتور منور والله
وانا ان شاء الله هعمل موضوع المسورة اللى تجبله هواء بارد دي ويامسهل تعمل فرق
وانت فعلا كلامك في الجون العربية بقت بتروح على ال RPM العالي بسهولة وبقت بتنقل عند 7000 وتوصلها بسهولة بس مش عارف بقى ده ليه ضرر على الماتور ولا لاء
حبيبي والله
الله يبارك فيك
بالنسبة للشد انا اصدق اي عربية تقول انها طلعت من الياريس 1300 خصوصا لو الياريس اوتوماتيك لسبب ان العربية دي اللى انا اكتشفته انك محتاج تعود كبييير عشان تعرف تطلع اقصى قوة ليها
انا متاكد ان زميلك اللى معاه الياريس وهو بيشد مع الاكسنت كان سايب العربية على الوضع D وانا متاكد انه لو كان عمل شفت الغيار التاني من الفتيس من D ل 2 في وقت مناسب كان وش هيطلع وبفرق حلو
تخيل ! ! العربية كاستوك التسارع بتاعها من 0-100 على الوضع D في حدود 14 ثانية وممكن 15 كمان !
العربية كاستوك التسارع بتاعها من 0-100 لو هتشفت على الوضع 2 ممكن تعمله في حدود 12 - 12.5 ثانية ! او 13 ثانية في اسوء الاحوال شوفت الفرق ! ! ! :bump1:
الالنترا المانويل جبارة وانا عارفها انا ماشدتش معاها بس عارف انها تقيلة ومبفكرش اشد معاها صراحة ! اصل هيبقى مقارنة غير عادلة بالمرة يعني 1600 مانويل مع 1300 اتوماتيك ! !
الالنترا الاتوماتيك مع واحد زميلي وطلعنا على الصحراوي قبل كدة مع بعض
ومش هقول ايه اللى حصل عشان ماحدش يضربني او يقولي بألف والموضوع يتحول مساره لحاجة تانية خالص !
بخصوص الياريس 1600 ! مافيش ياريس 1600
الياريس الموجودة 1500 والعربية دي لو مانويل وياسلام لو هاتش باك ! وكانت معايا مش عايز اقولك ان ماكنش فيه 1600 هيطلع مني نهائيا بما فيهم الجيتز والفيرنا بإستثناء التربو طبعا
العربية دي مفترية جدا خاصا فئة الهاتشباك بتاعتها جبارة جبارة يعني