قدامى سوبارو امبريزا موديل 2003 فابريكه بالكامل أتوماتيك . عامله 238,000 كيلو متر (عداد كتير أوى) ... العربيه دى عجبانى عشان سوبارو طبعا و شبابى و قويه و دفع رباعى و كل الكلام ده بس خايف أجيبها و ألبس فى الحيط مع التصليح و قطع الغيار , انا راجل كنت راكب كولت (قطع غيار الانسر القديم) و قبليها كورى و واخد على قطع الغيار الحنينه .. و بصراحه انا قدام السوبارو ممكن أضعف و أجى على نفسى فى الموضوع ده بس مش لدرجة انى اندبح يعنى (بسمع ان تيل الفرامل ب 600 جنيه) و بسمع كمان ان محدش بيفهم فيها بره التوكيل , ياترى الكلام ده صحيح ؟ انا ساكن فى مصر الجديده , هل فى حد قريب بيشتغل فيها و ياريت يا جماعه معلش لو حد يقولى اسعار قطع الغيار بكام مثلا و منين ؟؟؟ ,, انا عارف انى بتعبكم بس انا مش عايز الفاس تقع فى الراس و لما تبوظ فيها حاجه أركنها عشان مش عارف اصلحها !!!!! و عايز اعرف هىتعملها رينج كام كسعر على المواصفات دى ؟؟؟ شكرا ..