الدريكسيون للافضل

**galallada2105** · 18-06-2008 02:35 PM

ركبته خلاص والعربية بالفعل فرقت الدركسيون خف شوية ومبتعومش وانا جبت شوية حاجات :
- طقم مساعدين المانى (امامى وخلفى)
- طقم يايات ايطالى (امامى وخلفى)
- طنبورتين امامى
العربية كنت بغير الحاجة دى وبتبقى كويسة بس دلوقتى احسن فى الثبات ولكم الف شكر

**yasoxp** · 18-06-2008 11:10 PM

الف مبروك على التعديل
وشكرا على تأكيد الموضوع للجميع عن تجربه

**aboadham** · 18-06-2008 11:48 PM

ياريت تقول لاعضاء المنتدى الاسكندرانية منين اشتريت قطعة الغيار و مكان الورشة اللى بتتعامل معاها فى شغل العفشة و لكم جزيل الشكر

**yasoxp** · 19-06-2008 12:14 AM

بصراحه انا رحت المكان بس معرفش اوصفه بالتحديد بس انا فلى خلال يومين ان شاء الله هعرفلكم العنوان بالظبط وازاى اى حد يوصله بسهوله وعلى فكره افضل ميزه ان بتاع قطع الغيار فاتح جنبه بيخدم عليه يعنى حجتك كلها فى مكان واحد يومين على الكثر

**aboadham** · 19-06-2008 12:43 AM

يعنى فى اى منطقة/حى- اسم الورشة او صاحبها- اى معلومات مفيدة

**yasoxp** · 19-06-2008 11:37 PM

انا رسمت لكم الوصفه على قدر استطاعتى واتمنى انى اكون افت الكل وعلى فكره الراجل ده شغال فى العجل الجديد برده زى التيوتات واللانسر وغيره انا جربته وكان امين معايا من اول تعامل واتمنى لكم المثل ان شاء الله

وللتاكيد لو الكلام مش واضح هو اسمه سيد العفشجى
القادم من ميدان الساعه والمتجه الى الرأس السوده
شارع عبد الوهاب على اليمين اول شارع بعد شارع عبد الوهاب يمين بعد كده اول شارع شمال
فى اخر الشارع هيلقيه

ارجو الافاده للجميع

**mohmonkha** · 25-06-2008 12:42 PM

الف شكرا وناوى ان شاء الله اعمله فى عربيتى 2107

**yasoxp** · 25-06-2008 06:39 PM

بالتوفيق ان شاء الله بس خلى فى اعتبارك مهما كانت ثقتك فى الصنيعى ومهما كان امين

مفييييييييييييييييييششششش ششششششش امان لاى صنيعى
اسأل مجربييييييييييييييين كتير خلى عينك فى رأسك بالبلدى كده وخليك واقف على عربيتك وممتحرجش وجربها بنفسك

فى حاجه اخيره انا لحظتها على العربيه معايا مع الاستخدام الرديكسيون بيسهل اكتر واكتر يعنى النتيجه الجيده جدا هتلقيها بعد فتره من الاستخدام وليست لحظيه انا مركبو بقالى شهر وحاسس ان الدريكسيون بقى افضل

وارجو التوفيق للجميع

**zicooo2008** · 30-06-2008 09:01 AM

جزاك الله خيرا معلومات قيمة

**mohmonkha** · 03-07-2008 08:44 AM

انا فعلا غيرت امبارح المناول على بلى وعملت لة مشحمة الموضوع اتكلف بالتركيب 85 ج وغيرت طقم الكوتش وظبط زوايا ووزنت العجل ، العربية بقت مريحه اكتر فى الركوب ، بس الدركسيون لسة تقيل خاصة فى الركن صحيح خف شويه بس مش زى ماكنت متوقع!!!!