الموضوع: عضو جديد مع شويه استفسارات عن الفلونس

mabrook

المشاركة الأصلية كتبت بواسطة ahsd2000

السلام عليكم

انا اخوكم د.احمد .
الحمدلله لسه مستلم فلونس وكنت بحاول استكشفها وعندي شويه استفسارات :
1- لما بستخدم الكلاكس بسمع صوت تكه بتطلع من الناحيه الشمال في الطبلون فهل ده طبيعي ؟؟
2- العربيه فيها كام مدخل V12 ؟؟
3 - ازاي ابداء استخدام البلوتووث مع الموبيل ؟؟
4 - اخر سؤال واكثرهم احراجا ازاي ممكن اضبط الساعه ؟؟

كل ده حتى الان وسنوافيكم بباقي الاسئله تباعا ...... ابقوا معنا

اولا الف مبروك العربيه يارب تستمتع بالعربيه لأقصى درجه ويبعد عنك شرها

انا برضو لسه مشترى الفلوانس من شهر تقريبا وهحاول ارد عليك بس حاول تقرأ الكتالوج,هيكون مفيد كتير

1-بخصوص الكلاكس اعتقد ان صوت التكه اللى بتسمعه ده من الدريكسيون نفسه مش من التابلوه,انا بسمع صوت تكه صخير برضو واعتقد ده صوت الكلاكس نفسه فلا تنزعج اللا لو انت متأكد ان الصوت من التابلوه فعلا
2-العربيه فيها مدخلين v12 الامامى مكان الولاعه والخلفى اسفل فتحات التكييف الخلفيه
3-بخصوص البلوتوث اول مره انت لما بتدخل العربيه تشغل البلوتوث فى الموبيل وتفتح الكاسيت وهتلاقى فى الكاسيت على اليمين زرار مكتوب عليه tel تضغط عليه وهيقوم بالبحث عن الموبيلات اللى فى نطاق العربيه وهيطلعلك على الشاشه كود تقوم بأدخاله على الموبيل وبكدا يبقى التليفون اتعرف على الكاسيت وتقدر تدخل بعد كدا على قائمه اسامى الموبيل وتنقل الاسامى على ذاكره العربيه وتقوم بتسجيل اسامى اللى تحب تتصل بهم صوتيا من خلال الزرار اللى فى وحده التحكم اللى خلف الدريكسيون هتلاقيه الزرار اللى فى اعلى وحده التحكم(فيه زرارين هو الزرار اللى على اليمين)والخطوات دى بتكون اول مره بس,بعد كدا اول لما تدخل العربيه وتشغل البلوتوث هيتصل بالكاسيت من نفسه مش هتحتاج الخطوات السابقه
4-بدون احراج زى ماقال العضو فى المشاركه السابقه ده بيكون عن طريق زرار فى اسفل الكاسيت على اليمين عليه شكل مفتاح تقريبا واعتقد انه لا يمكن ان تجعل الساعه تعمل بنظام 12 ساعه,هى بتبقى شغاله بنظام 24 ساعه فقط

مبروك وتحياتى

ألف مبروك للعربية ربنا يحميهالك

نصيحة أقرأ كتالوج السيارة هتستفيد كتير

المشاركة الأصلية كتبت بواسطة youssry.abdel

يا جماعه كل اللي بيسمع صوت تكه من التابلوه او الدريكسيون ده معناه ان في فرده من الكلكس مش شغاله ~ الصوت ده ظهر عندي فجاه و لاحظت ان الكلكس صوته وطي روحت التوكيل لقوه فعلا مش شغال

هى الفليوانس فرديتن ولا واحدة بس

أصل الميجان فردة واحدة بس