تقرير صيانة الالف بالسبع

**posheecool** · 04-02-2012 10:25 PM

اليوم ذهبت الى مركز صيانه الالف لنيسان سوبر صالون 2012 بمركز السبع
الميعاد المحدد لاجراء الصيانة الساعه العاشره صباحا - اخوكم فى الله من 9.20 امام المركز - بعد اجماع الاراء على زيت ليكوى مولى توب تك 4100 اخدت معى عبوه 4 ك .
و سبق ان عرضت مشكله ان اثناء ركن السياره ريحت على الرصيف وجدت الاكسدام حصل فيه فرق بسيط لا يتجاوز 2سم و كمان باب الراكب يمين السائق فيه فرق من ناحيه الاكسدام من المصنع نفسه .
الساده الافاضل بالمنتدى تفضلوا مشكورين بانى اثناء صيانه الاف اقول لهم على المشكلتين و ان شاء الله بسيطه .
تخيلوا يا ساده انى ذكرت الملحوظتين لمهندس الاستقبال و ايه كان الرد .
بالنسبه للصيانه ( حمله نيسان تركيب فلتر الزيت مجانى ) و حضرتك جايب الزيت معاك كده التكلفه صفر .
لحد كده جميل - بالنسبه لموضوع فرق الباب الملحوظ و المبالغ فيه المصنع بيبقى عنده كليرنس clearance
و بالنسبه للاكسدام - متعملش فيه حاجه و سيبه على كده علشان متتأخرش ؟؟؟؟؟؟؟؟؟؟
و بعد اصرار منى على عملها و انى سوف اتحمل التكلفه ................ طيب اشوف مهندس السمكره و الدوكو - شرف سيادته و انار المحكمه - اولا انا مش شايف فيه فرق - طيب تفضل مشكور بضبط الفرق و انا على استعداد لسداد التكلفه - رد سيادته و قال - هخلى حد يبصلك عليه -
بعد ساعتين و نصف من الانتظار السياره بالخارج و كائنها دخلت من باب و خرجت من الاخر - بدون غسيل
بدون الاهتمام بالملحوظات
الجميل انهم طلبوا تقييم الخدمه باستماره توزع على الساده العملاء تخيلوا الواحد يكتب يقولهم ايه ؟؟
انا عن نفسى كتبت اول و اخر مره اغلط الغلطه دى و ارجع تانى
الغلط اللى انا ارتكبته انى لم اسمع نصيحه الصقور بالتوجه الى اوتو ايجيبت .
و اسف على الاطاله

**Dr'AhmZZong** · 04-02-2012 10:31 PM

ألف مبروك يا بيه على الصيانة .. صحيح مقلتلناش إيه اخبار الزيت معاك ؟؟

و معلش متزعلش للي حصل وارد جدا في أي مركز ..

تحياتي لحضرتك ..

**SonaSteel** · 05-02-2012 12:27 AM

اولا الف الف مبارك علي الصيانة وعقبال صيانة ال1000000000 ان شاء الله
ثانيا : الصيانة ديه كانت النهارده ؟
يعني يوم سبت او خميس؟ ....... لانهم بيبقوا اكتر ايام مزحومة عندهم ... ممكن تغير ايام الحجز ان شاء الله
ووارد يحصل الكلام ده في اي مركز خدمة علشان الضغط عليهم
ولولا فضل الله ورحمته انه كرمنا بأكتر من مركز معتمد وكلهم محترمين جدا ماشاء الله - احسبهم علي خير
علشان كده بنعمل مواضيع لتقييمات الاعضاء لمراكز الخدمة و بيبقي عن تجربة لباقي الاعضاء.
وان شاء الله في انتظار تقريرك عن الزيت بعد ما تمشي بيه حبة .
اقعد بالعافية :))

**Youssef.Awad** · 05-02-2012 02:13 AM

1000 مبروك عالصيانة
وزى ما قال حسين ضغط الشغل يوم السبت فى السبع او مودرن تحديدا مشكلة المشاكل خاصة لو العربية فيها مشكلة لأن اغلب اجازات العملاء يوم السبت
فحاول قدر الامكان تبعد عن اول الاسبوع وخليك فى نصه
وفى الفترة الاخيرة من الملاحظ ان السبع (بالرغم من عملى ل5 صيانات فيه اخرها فى 9-2011 صيانة ال50 الف كم) وفى ظل التجديدات القائمة فى الورشة أثرت بالسلب على غسيل العربية - مكان وميعاد تسليم واستلام العربية وغيرها من النقاط الهامة التى تشغل بال وتعكر صفو مزاج اى عميل
ونأمل أن يعود السبع لسابق عهده بعملائه وملاك النيسان

**Ahmed.TV** · 05-02-2012 04:21 PM

قدر الله ما شاء فعل .. وان شاء الله لما تروح تعمل صيانة ال5000 تقدر تظبط كل اللى ناقص عندك
وممكن لما يكلموك عشان يعرفوا تقييمك للخدمة بلغهم بالسلبيات اللى حصلت عندك .. وليك حق تروحلهم تانى فى السبع .. وهما مش حيتاخروا .. وحيقوموا بالازم
معلش فى ضغط على مراكز خدمة نيسان عشان الحملة .. وان شاء الله يتداركوا كل السلببيات اللى وقعوا فيها
لان وارد اى مكان يخطا .. لكن المهم هو ارضاء العميل .. وهما فى السبع بيتميزوا بكدا ايضا .. انهم بيرضوا عملائهم

تحياتى ليك .. واهلا بيك معانا

**Bishoy.Girgis** · 05-02-2012 11:33 PM

اولا الف مبروك حضرتك الصيانة و عقبال صيانة الـ 100000 كيلو ان شاء الله
و فعلا زي ما قالوا الاعضاء الاحباء ان الافضل انك تعمل صيانتك وسط الاسبوع
في حاجه بقي عايز اسألك عليها ..
هل و انت بتحجز الصيانة سألوك اذا كان في اي مشاكل او ملحوظات علي العربية غير الصيانة ؟؟؟
لأن لو حضرتك و انت بتحجز قولتلهم موضوع حكة الاكصدام و موضوع الفرق ده يبقي كده لازم هيوفروا ليك وقت مع الصيانة لتظبيط الحاجات ديه انما لو حجزت و مقولتلهمش علي المشاكل ديه يبقي كده هيبقي صعب يوفروا ليك وقت لتظبيط الحاجات ديه ..
و الف مبروك مرة تانيه

الموضوع: تقرير صيانة الالف بالسبع

LinkBack

أدوات الموضوع

عرض

-

-

-

-

المواضيع المتشابهه

تقرير صيانة الالف لنيسان صنى الجديدة

تقرير صيانة الالف وانطباعات

تقرير صيانة الالف كيلو f3

تقرير صيانة الالف ك للجميلة برسونا

تقرير صيانة الالف وانطباعي عن السياره

الكلمات الدلالية لهذا الموضوع

المفضلات

المفضلات

ضوابط المشاركة