محصل الكهرباء

**abokoko** · 10-02-2012 11:44 PM

لو التوصيلات تعبانه والحمل كبير يسبب قفله وقطع التيار - وده مثال لتصرفات الناس اللى بتسبب قطع الكهرباء
المفروض تشغيل ترنس اللحام بيكون عن طريق الشركة وبمعرنة فنى من الشركة بعد سداد المصروفات

**أحمد كمال** · 11-02-2012 01:06 AM

انا عدادي 3 فاز و السلك اللي في الحيطة 4 مللي ...... و الترانس كان 2 فاز و ركبته على فيشة جوة الشقة عادي ما لعبتش في التوصيلات قبل العداد و لا حاجة

**abokoko** · 11-02-2012 08:17 PM

المشاركة الأصلية كتبت بواسطة l0new0lf

ما هى دى الشهاده اللى عملتعا و وديتها السجل المدنى
و الراجل الله يكرمه بكل ذوق طلعها من الملف و رماها فى وشى و قال لى لازم يا اما وصل نور يا اما فاتورة تلفون عشان العنوان الموجود فى الوصل هو اللى هيتحط فى البطاقه

الله اعلم هو رفضها ليه ؟

هنا ناس كتير بتاخد الشهادة مختومه وبيتقضى بيها مصالحها
فى البنوك والسجل المدنى وشكرة المياه والمجلس

**abokoko** · 11-02-2012 08:28 PM

المشاركة الأصلية كتبت بواسطة أحمد كمال

انا عدادي 3 فاز و السلك اللي في الحيطة 4 مللي ...... و الترانس كان 2 فاز و ركبته على فيشة جوة الشقة عادي ما لعبتش في التوصيلات قبل العداد و لا حاجة

حضرتك كده تمام -والله اعلم -
لكن غى ناس كل اللى بتعمله غلط فى غلط
مثال - العمارات اللى ساكن فيها لما بيجي حد يركب باب حديد بيجي الراجل معاه ترنس وبيشد سلكتين من العمومى - وغالبا بعد ما بيخلص الشغل كل اللى بيعمله انه بيشد السلكين من غير ما يتعب نفسه ويعزل سلك العمومى تانى
والنتيجه - سلك متقشر مكشوف ممكن يكهرب + احتماليه عمنل القفله اثناء شد السلك
وهو مش فى دماغه لانه خلاص ركب الباب
منهم لله الناس اللى بتصرف بقلة ضمير

**emadpower** · 12-02-2012 07:20 PM

انتم بتتكلموا عن الدول المتقدمه خد عندك التقدم فعلا العداد الجديد اللي بكارت شحن زي الموبايل تروح تشتيرية من الشركة وقبل ما يخلص تشحن غيرة وشكرا

**saadelden** · 12-02-2012 10:07 PM

ف السعوديه الفاتوره بتتبعت كل شهر ع الموبايل و ع النت و مطبوعه
و بردو فاتوره البيت و الموبايل طالما مسجل رقم موبايلك بيجيلك عليه الفاتوره

90% لازم تكون الشركه الي شغال فيها عاملالك حساب في البنك و بينزل عليه المرتب كل شهر اوتوماتك
و طبعا عن طريق التليفون او النت بتدخل علي رقم حسابك في البنك و تدفع فواتيرك ف ثواني

عدادات النور بتبقى خارج العماره دايما
عمري ماشوفت محصل النور هناك

**saadelden** · 12-02-2012 10:09 PM

فيه حاجه بقى عندنا ف الجيزه
دلوقتي بقى يجي واحد ياخد قرايه العداد ف يوم و واحد تاني خالص يجي يحصل الفاتوره!
النظام دا بقاله سنه علي ما اتذكر

مش عارف ايه الفايده من كدا؟!

**abokoko** · 12-02-2012 11:34 PM

المشاركة الأصلية كتبت بواسطة saadelden

ف السعوديه الفاتوره بتتبعت كل شهر ع الموبايل و ع النت و مطبوعه
و بردو فاتوره البيت و الموبايل طالما مسجل رقم موبايلك بيجيلك عليه الفاتوره

90% لازم تكون الشركه الي شغال فيها عاملالك حساب في البنك و بينزل عليه المرتب كل شهر اوتوماتك
و طبعا عن طريق التليفون او النت بتدخل علي رقم حسابك في البنك و تدفع فواتيرك ف ثواني

عدادات النور بتبقى خارج العماره دايما
عمري ماشوفت محصل النور هناك

يعنى السعوديه سابقانا
سؤال
في حد مش بيدفع او بمعنى اصح لو الرصيد فى حسابه فى البنك مفهوش فلوس
شركة الكهرباء بتقطع عن الكهرباء وترفع العداد ؟؟
ولا بتعمل له محضر وغرامه
مع مراعاة الكثافه العاليه لسكان مصر وقليل اللى عندهم حسابات جاريه فى مصر
هنطبق ده ازاى
؟؟

**احمد المصرى** · 13-02-2012 08:52 AM

المشاركة الأصلية كتبت بواسطة abokoko

يعنى السعوديه سابقانا
سؤال
في حد مش بيدفع او بمعنى اصح لو الرصيد فى حسابه فى البنك مفهوش فلوس
شركة الكهرباء بتقطع عن الكهرباء وترفع العداد ؟؟
ولا بتعمل له محضر وغرامه
مع مراعاة الكثافه العاليه لسكان مصر وقليل اللى عندهم حسابات جاريه فى مصر
هنطبق ده ازاى
؟؟

بالعكس اغلب الموظفين حاليا مرتباتهم عن طريق البنك يعنى اكيد ليه حساب فى البنك بس فى نقطه اهم مليون مره ومستنى اى حد يتكلم فيها ومحدش بيتكلم فيها خالص

موضوع الثقه بين الشركه والعميل

روح اسال 10 اشخاص عن شركه الكهرباء انا اسف على الكلمه اغلب الناس هتلاقيها مخنوقه منهم والبعض الاخر اسف على الكلمه هيقولك دول حراميه يا عم انا اسف بس انت طلبت الصراحه

انا مثلا بتعامل مع البنك الاهلى وبسدد عندهم وباخد ورقه بالسداد من عندهم بس بدخل على النت على حسابى بعرف انا ليا كام وعليا كام والاهم من كل دا ان التعامل واضح جداااااااااا يعنى لما ادخل اجيب كشف حساب الاقى باليوم والساعه والدقيقه كل عمليه عملتها وعمرى ما حسبت وراهم ولقيت ان فى غلط علشان هما واضحين تماما

الكلام دا كله يتعمل اذاى على موضوع الكهرباء

اولا :- انت شخصيا تعرف الفاتوره ال بتيجى دى بتتحسب اذاى يعنى انت عارف الشرايح بتاعتك بتحسبها اذاى فى تعتيم تام على النقطه دى يا اما تلاقى كلام غريب يا انا تلاقى جهل من بعض الناس لما تستالهم

ثانيا :- مصاريف النظافه كل الناس بتعتبرها نصب لان الواحد بيدفع مصاريف نظافه على الكهرباء ومصاريف نظافه للراجل ال بياخد القمامه واحيانا الواحد بيوديها بنفسه للصندوق

ثالثا :- ممكن الدفع عن طريق النت ذى التلفونات وشركات النت بس اهم حاجه يكون فى وضوح تام فى التعامل يعنى انا عارف ان متوسط استخدامى 100 كيلو مثلا ملاقيش نفس الاستخدام 500 كيلو وتسال اى حد يقولك الله اعلم يا بيه مخبرش معرفش هيا كدا

-

الموضوع: محصل الكهرباء

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الفرق بين الاسبراتير الكهرباء والعادى وينفع يركب الكهرباء على الفليشيا ولا لا

عندى مشكله مع محصل الكهرباء وعايز اخد رايكم

ولا تقول abs ولا ebd كلة محصل بعضة

محصل و كشاف الكهرباء

الاريال الكهرباء والزجاج الكهرباء

الكلمات الدلالية لهذا الموضوع

المفضلات

المفضلات

ضوابط المشاركة