محصل الكهرباء

**abokoko** · 13-02-2012 03:57 PM

المشاركة الأصلية كتبت بواسطة احمد المصرى

بالعكس اغلب الموظفين حاليا مرتباتهم عن طريق البنك يعنى اكيد ليه حساب فى البنك بس فى نقطه اهم مليون مره ومستنى اى حد يتكلم فيها ومحدش بيتكلم فيها خالص

موضوع الثقه بين الشركه والعميل

روح اسال 10 اشخاص عن شركه الكهرباء انا اسف على الكلمه اغلب الناس هتلاقيها مخنوقه منهم والبعض الاخر اسف على الكلمه هيقولك دول حراميه يا عم انا اسف بس انت طلبت الصراحه

انا مثلا بتعامل مع البنك الاهلى وبسدد عندهم وباخد ورقه بالسداد من عندهم بس بدخل على النت على حسابى بعرف انا ليا كام وعليا كام والاهم من كل دا ان التعامل واضح جداااااااااا يعنى لما ادخل اجيب كشف حساب الاقى باليوم والساعه والدقيقه كل عمليه عملتها وعمرى ما حسبت وراهم ولقيت ان فى غلط علشان هما واضحين تماما

الكلام دا كله يتعمل اذاى على موضوع الكهرباء

اولا :- انت شخصيا تعرف الفاتوره ال بتيجى دى بتتحسب اذاى يعنى انت عارف الشرايح بتاعتك بتحسبها اذاى فى تعتيم تام على النقطه دى يا اما تلاقى كلام غريب يا انا تلاقى جهل من بعض الناس لما تستالهم

ثانيا :- مصاريف النظافه كل الناس بتعتبرها نصب لان الواحد بيدفع مصاريف نظافه على الكهرباء ومصاريف نظافه للراجل ال بياخد القمامه واحيانا الواحد بيوديها بنفسه للصندوق

ثالثا :- ممكن الدفع عن طريق النت ذى التلفونات وشركات النت بس اهم حاجه يكون فى وضوح تام فى التعامل يعنى انا عارف ان متوسط استخدامى 100 كيلو مثلا ملاقيش نفس الاستخدام 500 كيلو وتسال اى حد يقولك الله اعلم يا بيه مخبرش معرفش هيا كدا

فى الاول احب اوضح نقطه اختلاف بينا وبين دولة زى المانيا حسب ما فهمت من كلامى مع احد المشتركين - انجليزيتى على قدى -
احنا عندنا بناخد بمبدا مراعاة العدالة الاجتماعيه (بيزيد سعر المحاسبه كل ما يزيد الاستهلاك باعتبار اللي بيهلك كهرباء كتير عنده اجهزه كتيره يبقي قدرته الماليه عاليه والعكس صحيح )
فى المانيا بياخدوا بمبدا حافز للعميل بمعنى كلما زاد الاستهلاك اصبح العميل مميز ويستحق خصم على الفاتوره
الاهم
انهم بياخدوا بمتوسط قراءات ويتم بناء عليه السداد وفى نهاية العام ( او منتصف العام - يتم اخذ القراءه الحاليه وطرحها من السابقه وحساب الاستهلاك وفرق المسدد
بمعنى يتم سداد 100 جنيه شهرى مثلا *12 شهر = 1200 فى السنه
وعند مرجعه القراءه وجدت الفاتوره 1350 جنيه عندها يتم سداد 150

بالنسبه للشرائح = انا اعرفها لانى محاسب فى الكهرباء = وهى غير معلنه ولست ادرى السبب
لكنها وللعلم غير سهلة او سلسه فلها طريقه يجب شرحها وده يمكن احد اسباب هروبنا من شرح اسعار الكهرباء - لكن هقول معلومه بسيطه للمنازل
ال1000 كيلو الاوليه فى حدود ال260جنيه
وكل كيلو فوق ال 1000 كيلو بيبقي سعره 48 قرش
وعليه -- بتزيد الفاتوره بصورة كبيره وملحوظه لما بنعدى ال1000 كيلو

= ناس كتير فعلا بتكره شركة الكهرباء بسبب مشاكل القراءات ومشاكل التحصيل
بس العادى ان الانسان بيكره انفاق النقود
بدليل لما المشترك بيجى له 20 جنيه مش بيشتكى ولكن لما بيجى له 200 جنيه بيشتكى
رغم ان ال200 جت بسبب ال20ولو كان اشتكى على القليل مكنشي جه الكتير هههههه

**mohamed_selim** · 13-02-2012 04:08 PM

لأ مفيش دوله بتدى خصم على الاستهلاك الزياده لأن ده معناه انك بتاخد طاقه زياده فبتلوث البيئة و بتكلف الدوله زياده فهتدفع زياده ....
بس الفرق فى الشفافيه .. لما اكون بدفع متوسط شهرى 50-60 جنيه و ييجى شهر الاقى الفاتوره 150 يبقى فى حاجه غلط ... فى المانيا لو حاجه زى كده حصلت بتتصلح على الفور و قبل ما تدفع ... هنا ادفع و اعترض و غالبا مش هتوصل لحاجه او حتى لو المبلغ اتخفض مش هتعرف ايه اللى حصل و اتصلح ازاى (ده لو اتصلح اصلا)

لما التكييف فى الصيف بيعلى الفاتوره ... ليه فى الشتا الفاتوره مبتنزلش؟

لما سعر المحاسبه بيتغير ليه مابنعرفش من قبلها ... ؟

فى حاجات كتير محتاجه تتغير مش فى الكهربا بس و فى الميه و التليفونات و اى مصلحه خدميه ... المواطن بيتعامل على انه حرامى و عايز ياكل حقهم الى ان يثبت العكس !!!!
الشهاده لله ... التليفونات بيحاولو يتغيرو و فى اختلاف دلوقتى عن من سنتين فاتو ... و الغاز محترمين على الرغم من السرقه العلنى اللى فى الوصولات (ايجار عداد و لو مفيش استهلاك خالص بتدفع 6 جنيه و نص كده كده) بس بشياكه :)

**احمد المصرى** · 13-02-2012 06:14 PM

الموضوع كله فى الشفافيه بدليل ان حضرتك ممنوع تقول طريقه حساب الشرايح حتى على النت علشان كدا الناس مهما عملتوا هتبقوا فى نظر الناس غلط

من الناحيه الاخرى البنوك بيكون التعامل شفاف لاقصى درجه الاختلاف بيكون بسيط ولو سالت على سبب الختلاف بلاقى رد صريح وواضح غير الكهرباء خالص

الخلاصه شركه الكهرباء لو عايزه تتقدم للامام لازم تتغير ويبق فى شفافيه مطقه وعلى ما اظن انهم مش عايوين كدا اساسا

**tutankhamoun** · 13-02-2012 06:34 PM

في أنجلترا بييجي واحد يقرأ العداد عادي جدا
و الدفع عن طريق البنك (تلقائي ) بيتم خصم القيمة من الحساب البنكي مباشرة
و التليفون و المياه و التليفزيون الحكومي و الانترنت و المحمول و الغاز ......... كل الفواتير .

**tutankhamoun** · 13-02-2012 06:35 PM

و نسيت أضيف لو أنت مشترك في باقة قنوات الكابل

**أحمد كمال** · 13-02-2012 11:08 PM

انا عميل عادي و عارف الشرائح

أول 50 كيلو بشلن
بعدهم 150 كيلو ب 11 قرش
بعدهم 150 كيلو ب 16 قرش
بعدهم 300 كيلو ب 24 قرش
بعدهم 350 كيلو ب 39 قرش
و اي كيلو بعد كده (اللي هما الألف كيلو الأولى ) ب 48 قرش

و انا عامل اكسل شيت بيحول من كيلوواط لفلوس و العكس على فكرة

**abokoko** · 13-02-2012 11:49 PM

عندنا موظف مسؤول عن صيانة الحاسب الالى - الكمبيوتر - على مستوى البحر الاحمر
لما بيحصل حاجة فى الجهاز والبرنامج مش بيرضي يفتح حضرته بيجى وبيقول انا هاردوير مش سوفت وير ابعتوه الادارة بالاسماعيلية للاصلاح !!!!!!!!!!!!!!!!!!!!
ولما لمينا فلوس مع بعض واشترينا كايسه جديده ( بدون الهارد ) وججدنا الجهاز ونزلنا البرنامج بالتنسيق مع
مجموعه الادارة بالاسماعيليه بالتلفون -- وجه البيه صدفه - ولقينا جددنا الجهاز ونزلنا البرنامج وعملنا كل حاجه من غيره - اتغاظ وقال عايز الكاسيه القديمه يسلمها للشرك !!!!!!!!1؟؟؟والغريب المدير العام مايده باننا نرجع الكايسه القديمه للشركة - سبحن الله - دول يجيبوا احباط للواحد انه اشتغل
دا احنا لمينا فلوس من بعض - وجبنا مهنجدس كمبيوتر قعد معانا واحنا بنزل برنامج الشركة وكنا كل ما البرنامج يقف فى حاجة نتصل من موبيلاتنا على الادارة - لحد ماشغلنا الجهاز وبقي زى الفل

ده الاكتر من كده كان عندنا مشغل كمبيوتر -والحمد لله اتنقل - كان مانع تنزيل الاوفيس على الجهاز لانه على زعمه بيتقل تشغيل برنامج الشركة - والمدير العام مصدقه ومش مصدقنى وفى الحقيقه الموظف عامل كده علشان محدش يجى ناحية الجهاز ولا حد يطلب منه يكاب خطاب او نشغل عليه الاكسيل وطبعا البيه خبير الصيانه كان مايد كلامه
وكانى انا اللى بفتى

**احمد المصرى** · 14-02-2012 08:41 AM

المشاركة الأصلية كتبت بواسطة أحمد كمال

انا عميل عادي و عارف الشرائح

أول 50 كيلو بشلن
بعدهم 150 كيلو ب 11 قرش
بعدهم 150 كيلو ب 16 قرش
بعدهم 300 كيلو ب 24 قرش
بعدهم 350 كيلو ب 39 قرش
و اي كيلو بعد كده (اللي هما الألف كيلو الأولى ) ب 48 قرش

و انا عامل اكسل شيت بيحول من كيلوواط لفلوس و العكس على فكرة

احييك على شفايفتك التامه

ما الموضوع مش سر اهو وبيتقال عادى وناس من الاعضاء عارفينوا اهو

وعجبى !!!!!!!!!!!!!!!!!!!!!!!!

-

-

الموضوع: محصل الكهرباء

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الفرق بين الاسبراتير الكهرباء والعادى وينفع يركب الكهرباء على الفليشيا ولا لا

عندى مشكله مع محصل الكهرباء وعايز اخد رايكم

ولا تقول abs ولا ebd كلة محصل بعضة

محصل و كشاف الكهرباء

الاريال الكهرباء والزجاج الكهرباء

الكلمات الدلالية لهذا الموضوع

المفضلات

المفضلات

ضوابط المشاركة