الموضوع: مجانين سرعه

المشاركة الأصلية كتبت بواسطة mmmero

السلام عليكم انا بس داخل اقول كلمة
السرعة اللى انت بتجروا بيها مش ممكن تتحكموا فى عربياتكم فى اى شيء مفاجئ وطبعا انتوا عارفين ان الحوادث ربنا يستر ويحفظ الجميع بتحصل فى ثانية ومافيش حد يقولى لا دا احنا بنبص على الطريق وبنجرى بس لما يبقى فاضى والاكتر من كدة ذنب الناس اللى ماشية معاكم فى السكة اية لو حد اعصابة ضعيفة او ست او راجل مسن والاكتر من كدة بقى الناس اللى بتلقيهم بيعدوا الشوارع
انا قصادى على الدائرى تقريبا يوميا بلاقى قتيل يا اما مصاب ومش عارف اقولكم بحس باية على الناس اللى بتجرى بتهور ورعونة وممكن تضيع حياة بنى ادم او تجعلة قعيد طول حياتة لمجرد ان فى حد سخنة على الجرى طيب هيقولوا لربنا اية ولا ضميرهم هيستحمل ازاى
واللى بجد خرجنى عن شعورى جارنا راجل مسن وكان خدوم جدا ربنا يرحمة 2 شباب بيتسابقوا قاموا داخلين فى عربيتوا والراجل توفى فى لحظتها انا بقى لو كنت موجود صراحة مش عارف كنت عملت اية فى الشباب القتلة دول

مش عارف اقول غير ان ربنا يهدينا و يهيدكوا ويستر طريقنا جميعا

طيب حضرتك تقول اه بقى فى الموقف ده .
واحد امبارح بيعدى الدائرى فى حته بعد مطلع و مش شايف حد و الطريق ابتدى ينزل بيك .و ماشى فى حدود من 90 الى 110 كم/ساعه .و فجاة لقيت بنى ادم بيرجع من ادام جيب شيروكى على شمالى و بقى ادام الكبوت و الله العظيم .انا مش عارف ازاى الحمد لله اتصرفت بدون قصد و لفيت الطاره كلها يمين و رديتها شمال بعديه و سمعت صوت فرمله رهيبه من على يمينى و الله .زى ما بتشوف حد بيرقص حد فى البلاى ستيشن و الله .و بعد ما عديت منه و ربنا ستر لقيت واحد بنوبيرا بيضا بيقولى خلى بالك انت كسرت على جامد جدا و بيكلكسلى .اعدت اعتزرله جامد و اتاسف له و انى كنت عصب عنى و الله و حتى ملحقتش ابص فى اى مرايه و الله العظيم .و لحد دلوقتى اعصابى بيظه جدا و مش عارف انا ازاى اخدت الغرزه دى .الشاب ده كان فى نصف الاكصدام و الله العظيم .
و كان بيعدى من حته غلط خالص و العربيات كلها جايه بتجرى على الدائرى و محدش متوقع ان فى حد بيعدى الدائرى على رجليه .ده رجع و خاف من الجيب شيروكى اللى على شمالى و اتمسمر قدام عربيتى .منه لله و الله العظيم .انا بيتهيالى قطعت خلف و النعمه من كتر الخضه .
و الله العظيم فضلت اكتر من نصف ساعه قلبى وجعنى جامد و حاسس بنغزه جمده جدا و حاسس انى دايخ شويه و عينى مش مركز و اعصابى هربت .
فانا عاوز اقول مش شرط الواحد يكون بيجرى عشان يعمل حادثه او يموت حد .
فى ناس معندهاش دم و بتعدى الطرق السريعه و الدائرى و خلافه على رجلها .ووالله العظيم لو انا كنت لبسته و خبطه .عاوز اقولك انها كانت هتبقى اكبر حادثه بعد الثوره و مش اقل من 50 عربيه هيلبسوا فى بعض لان كل اللى جاى مش شايف الا بالكتير عربيه او اتنين و كل الناس محدش ماشى اقل من 90 او 100 .يعنى بسبب واحد مستهتر بيعدى طريق سريع على رجله يموت و يبهل اكتر من 100 نفر
حسبى الله و نعم الوكيل .