الموضوع: لو رجع بيك الزمن هتشتري الجين 2؟

المشاركة الأصلية كتبت بواسطة mount

ياباشا سعرها مش هيكون غالي اوي ولا حاجة
من على موقعهم برسونا هاي لاين - اوتو - موتور campro iafm
بكام ؟! ب
rm 59,263.00

طيب تعالى نحسبها (و ده من غير جمارك مصر و لا شحن و لا مكسب وكيل و لا ضرائب مبيعات )
59263 رنجت (شامل ضرائب ماليزيا و مكسب الشركة ) * 1.8 جنيه مصري = 106673 جنيه مصري
بتيجي بقى مصر أرخص ازاي ؟؟؟؟ (فيه مقولات كتيرة أن الحكومة المايزية مش بتحصل من بروتون ضرائب تصدير ) و الله أعلم


وجين هاي لاين - اوتو - موتور campro cps
بكام؟! ب
rm 60,488.00

و دي تقف بالمصري ب 108878.4 ألف جنيه مصري



طبعاً الاسعار دي هاي لاين فعلاً يعني gps وفرش جلد واى كماليات ممكن تكون محذوفه عندنا
هي المقارنة مش سليمة اوي لأنها بين سعر برسونا وجين
لكن بطريقة استرشادية الفرق بينهم كام لو الموضوع محرك غالي جداً وتكلفته عالية قوي ؟!

اللي أعرفه و اللي قلته قبل كدا (ده كلام بتوع بروتون )

تقريبا الف رينجت وزيادة شوية مش الفرق اللى يخلي ثمن العربية غالي قوي - بس يفرق فى مكسب الوكيل!!

الوكيل على فكرة برة الموضوع خالص

خلاف ان دي 110 حصان ودي 125 حصان ، فرق 15 حصان مش هو الفرق الرهيب يعني
ودي عزمها 148 فى 4000 ودي عزمها 150 فى ال 4500 ، يعني عزمها أحسن 2 نيوتن بس مش هو العزم العالي للدرجة!!

لا فرق 15 حصان مش فرق قليل .... ده فرق حلو قوي

وأظن والله اعلم ان الفرق دة ممكن ال ifam يوصل له بس بشوية تعديلات ، فأيه قصة ال cps بقي؟!

السي بي أس هو مكونات زيادة في الموتور بتعمل وظيفة تنظيم الوقود على السرعات المنخفضة و المرتفعة بطريقة أفضل من العادي

ممكن تراجع الموضوع ده
http://www.nilemotors.net/nile/246637-cvvt-system.html

ده هايديك فكرة بسيطة عن عمل هذه الأنظمة و لا يشترط تطابقها

وعلى فكرة ردود معاليك انا بتعلم منها وهي من ضمن اسباب زيادة اقتناعي بالعربية وشرائها :)

أرجوا أن العربية تكون معاك 100 % و أكون أفدتك يارب و شكرا على كلامك الجميل

المشاركة الأصلية كتبت بواسطة eng f3lix

انا واغلب الناس اللي معاهم بروتون هنا عربياتنا بتعمل حوالي 120 كم في الصفيحة .. ده بالنسبة للزحمة
اما على الطريق السريع انا عربيتي ساعات بتستهلك 13 لتر كل 100 كيلومتر والكلام ده من غير تكييف وعلى سرعة 90 ثابت وساعات في التفويلة بتعمل 350 كيلو متر .. احنا بنتكلم على 60 لتر مش زي الجين2 45 لتر
طيب لو المشكلة دي فردية يبقى ليه التوكيل مش عارف يحلها؟
اكيد علشان توكيل زي الزفت

+11111111111
انا زيك تماما

المشاركة الأصلية كتبت بواسطة mazen234

+11111111111
انا زيك تماما

يا جماعه الرقم دا قليل اوي انتوا متأكدين من الاستهلاك انا العربيه معايا بقالها سنتين و مفيش الكلام دا خالص و بابا معاه برسونا و نفس معدل استهلاكي و يمكن احسن كمان عشان هو سواقته هاديه مع انه شغله في مدينه نصر و ساكن في اكتوبر يعني عز الزحمه

المشاركة الأصلية كتبت بواسطة shaddadfalcon1

هي احسن الوان ايه ياجماعه في الجين 2؟
انا شايف الأزرق الزهري والاسود بس مش عارف ليه الأسود دايما بشوفه شكله بهتان ومجرب وفي حد قالي ان البويه بتاعة البروتون مش حلوه وبتبهب بسرعه مش عارف دي اشتغاله ولا ايه

تاني حاجه معلش سؤال في عربية زميلتي
هي لما تدي الغيار الأول او التاني سواء طالع من السكون او نازل من التالت بيبقي في صوت صفاره زي صفارة الفرامل لما يبقي التيل خلاص جاب اخره والصوت بيبقبي وهي ماشيه وكل يوم بيذيد تفتكرو ده ممكن يكون ايه؟ هل فتيس ولا ايه؟

لما شفت المشكله دي بصراحه بدات اخاف واقلق منها

يهبب إزاي يعني؟ طيب حضرتك ممكن تحضر مقابلة من بتوع جين 2 club وتشوف الموديلات القديمة والبوية بتاعتهم.

بالنسبة لمشكلة الفتيس, أول مرة أسمع عنها والله...يا رت تقولها تروح التوكيل تشوف ايه سبب الصوت ده.