الموضوع: لو رجع بيك الزمن هتشتري الجين 2؟

المشاركة الأصلية كتبت بواسطة shaddadfalcon1

بيبهت مش بيهبب :)
يعني بيبقي اللون بهتان

طيب هو اللون الأسود فيه درحات في الجين 2 ؟ يعني في اسود عادي واسود ميتالك مثلا ؟
جايز اللي شفتهم دوول مثلا متبهدلين ولا فيهم حاجه غلط

وايه حوار الايرباجز اللي بتبقي حساسه وممكن تفتح لو خبطت في رصيف وانت بتركن ؟
الحوار ده بجد ولا اشتغاله برده؟

ينهار ابيض ، اشمعني العربية دي اللى بيجي يشتريها او اللي بيسأل عنها بيفصصها ويسأل على الحاجات دي كلها ويروح قسم المشاكل ويسألنا

الإجابة : عدم الوثوق فى العربية وفى الماركة
ما تجي نروح ناخد لفة فى قسم المشاكل فى كل قسم فى المنتدي وانت مش هتشتري عربية فى الدنيا اصلا!!

طيب هنعمل ايه فى موضوع عدم الوثوق دة ؟ ، الإجابة متشتريش حاجة انت مش واثق فيها علشان إذا صدفتك مشكله متقولش هو دة اللى انا خايف منه ، فياريت تبعد عنها ، لأن انا شايف سعادتك بتفصص العربية وحاسس انك مش مقتنع بيها بس نفسك فيها ونفسك تقتنع بها بس مش عارف !! ، فأبعد عنها اريح لك.

معاليك الألوان فى العربية عادية يعني مش دهان فيراري هي ، الأسود درجة واحدة مفيش فيه درجات ، والعربية ضمان وبالتالي الدهان بتاعها فيه إذا حصل له حاجة لوحدة مثلا

والإيرباج اللى فتح دة حصل مع ناس محدودة ، بالتحديد شخصياً انا مسمعتش الموضوع دة غير من شخص واحد اسكندراني تقريبا والله اعلم روايته صحيحة ولا لاءة،
فى سنسور فى نص العربية من قدام ، يعني العربية هتتخبط من على الاجناب او من الخلف او من ناحية الفوانيس الأمامية مش هيفتح
لازم صدمة مباشرة فى المنتصف توصل للسنسور ، الخبطة دي جات فى رصيف ولا جات فى حادثة حقيقية دة سنسور هدفة انه يفتح ، وفي ناس بتفصل الايرباجز علشان لو عملت حادثة ميفتحش ويكلفة فى التصليح ، ياذكائهم!! ، افصل حاجة بتحميني من الموت علشان متكلفنيش وعلشان لما اجي ابيع العربية تبقي بحالتها!!. والتوكيل كان عامل صيانه مجانية للأمان بس ، ايرباجز ، نظام منع الانزلاق ، نظام توزيع قوة الفرامل لموديلات معينة ، وبيعمل صيانات دورية بيكون عليها تخفضيات للمشاكل الحادثة.

المشاركة الأصلية كتبت بواسطة MounT

طيب هنعمل ايه فى موضوع عدم الوثوق دة ؟ ، الإجابة متشتريش حاجة انت مش واثق فيها علشان إذا صدفتك مشكله متقولش هو دة اللى انا خايف منه ، فياريت تبعد عنها ، لأن انا شايف سعادتك بتفصص العربية وحاسس انك مش مقتنع بيها بس نفسك فيها ونفسك تقتنع بها بس مش عارف !! ، فأبعد عنها اريح لك.

+111111111

والله فعلا العربية ده مش بتاعت مقارنات ولا خوف من كل حاجة فيها, اللي فعلا مهتم بالعربية ده وعايز يجيبها هيعرف عنها كل حاجة من خلال المواضيع المكتوبة وهيعرف عيوبها ومع ذلك هيجيبها برده لإنه لو مجابهاش مش هيبقى مستريح نفسيا.

أهم حاجة الراحة النفسية, وانا من خلال مشاركاتك يا shadadfalcon شايف إنك قلقان جدا منها, وأنا بالتالي باقولك بمنتهى الصراحة والأمانة, بلاااش تشتريها....عشان فعلا لو ظهرلك أي حاجة في العربية ولو صغيرة هتقعد تحسبن وتتندم إنك جبتها.

نصيحة اشتري العربية اللي إنت مستريحلها بغض النظر عن مزاياها أو عيوبها.

المشاركة الأصلية كتبت بواسطة shaddadfalcon1

الواحد بيطلع عينه عشان يجيب القرش ودوول اكتر من 85 الف يعني مش لعبه ومش عايز اجيبب عربيه وارجع اقول ياريتني جبت حاجه تانيه عشان كده بتاكد من كل حاجه وقبل مابتكلم بقول هي دي اشاعه ولا لآ عشان عارف ان في ناس كتيير بتحب تشكك وتشوه في العربيات من غير اي فايده

هاقولك على حاجة كويسة قوي تعملها, شوف قسم أهم المواضيع, وقلب في أول 30-50 صفحة في القسم هنا وشوف الموضوعات اللي تشدك...أنا واثق إن معظم اسئلتك هتلاقيها اتجاوبت وساعتها هتقدر تقرر, بس بلاش تخلي كلام أي حد معهوش العربية يوديك و يجيبك. ادرس الموضوع كويس وخد قرار عن اقتناع تام.

المشاركة الأصلية كتبت بواسطة shaddadfalcon1

انا حتي الان والله العظيم هي في اعلي القائمه لان مفيش حاجه تانيه بتنافسها في الفئه دي من حيث الثبات والجمال من جوه ومن بره وان كان علي التوكل الزباله وقطع الغيار القليله والغاليه مش مشكله والحمد لله متيسره بس مش هستحمل ده كله وفي الأخر العربيه يطلع فيها مشاكل ومشاكل قصدي بيها حاجات زي اللي حصلت لزميلتي مثلا

أكيد أي حاجة لو ظهرت ليها حل إن شاء الله, بس إنت تفائل خير وإن شاء الله ميبقاش فيه حاجة في العربية.

عامةً آدي موضوع مجمع معظم مشاكل الجين المشتركة يمكن يساعدك.

http://www.nilemotors.net/Nile/262018-2.html