الموضوع: اليارس (هل هو عيب في الاسطوانة ولا كهربة العربية ؟)

المشاركة الأصلية كتبت بواسطة bebo12125

انا كان عندى عربية ياريس موديل 2008 ومن الاسباب إلاخلانى ابيع العربية المشكلة إلا فى اسطوانة الدبرياج
كانت بتعمل رجة فى الزحمة كنت قرات قبل كده فى المنتدى ان فى مشكلة فى اسطوانة الدبرياج الياريس بس مكنتش بخد فى بالى عشان وقتها مكنش عندى مشكلة لكن لما حصلت معايا روحت بيها فى التوكيل وكنت فى الضمان وشرحتلهم مشكلتى طلع فنى جرب معايا وقلى دى مشكلة اسطوانة فئلتلهم غيروها
الشىء إلا اكدلى ان ده عيب فى العربية انهم غيروا الاسطوانة فى الضمان إلا انا اعرفه ان مفيش ضمان يدعم الاسطوانة
او تيل الفرامل المهم العربية بئت تمام وقتها اخدت قرار ببيع العربية
فده عيب فى تصميم العربية والتوكيل مش عايز يعترف بيه عشان ميفتحش عليه فتوحة حتى انت تلاحظ انهم بطلوا ينتجوا ياريس مانيوال فده عيب اسطوانة اكيد

وحتى بعد متغير الاسطوانة المشكلة دى حتحصل تانى بعد فترة لأن دى مشكلة تصميم فى العربية التوكيل عارف ومش عايز يعترف بيها

ده عيب طقم دبرياج اكيد و حصل لي مرتين في كورولا 2002 و تاني مره حسيت ان الدبرياج بقى تقيل قمنا غيرنا الطقم تالت و ما فيش فايده برضه نفس التقل قمت بايعها و جبت الاوتوماتيك
وعلى فكره رجه الطلعه بتظهر في الزحمه لما الدبرياج بيسخن انما وارد تروح شغلك الصبح و تلاقيها كويسه

المشاركة الأصلية كتبت بواسطة me_medoo

هو انا معاك أن التوكيل بتاعنا هنا في مصر تحفففففه ... التويوتا سحبو عربيات كتيرة من العالم علشان مشاكل فنية فيها وأدو عربيات بدلها بس عندنا هنا ، توكيل تيوتا مشاء الله شبع وأستكفى ... ومش مهم عندو العميل .

بس كمان انا عاتب عليك ... حد يبيع تويوتا يارس ... ياراجل حرام عليك ، أهو أنتا عملت زي واحد متجوز وحده بتشخر بالليل وهيا نايمة ولا بترفس وهيا بتحلم ... قام طلقها تاني يوم وقال دى فيها عيب صناعة ، وطردها من البيت وقلها روحي بيت أبوكي وأرفسي برحتك وانتي نايمة .

العربية التويوتا دي جوهــــــــــــــرة ... بس توكيل تويوتا هنا في مصر ميستحقش أنو يشيل أسم كبيررررررررر على بابو أسمو تويوتا .

بس على سيرة الجواز ...ليه احنا بنشتري عربية ب 94000 جنية ونقعد نط نطط على التوكيل أصل العربية بتزمر وأصل العربية بتشخلل وأصل العربية مش عارف أيه ... وليه الواحد مننا بيدفع مهر وشبكة وهدايا وعبش وشيء وشويات غير الشقة والفرح وتكاليف شهر العسل وتكاليف الفرح وتخشلك على الاقل في نص مليوووووووووووووون جنية ومفيش حتى ضمان يوم واحد على العروسة ... وتروح لعمك الي هو حماك وتقولوا ياعمي دي فيها عيب كذا يقلك معليش يابني أستحملها ههههههههههههههههههههه .

المفروض احنا كمان نستحمل التوكيل .

باشا انا قلت من ضمن الاسباب إلاخلانى ابيع العربية الاسطوانة وبعدين مين إلاقال ان التويوتا إلا
موجوده حاليا هى التويوتا من 98 الى 2007 تويوتا اتغيرت فى الجودة بتعتها بدليل التويوتا الجنوب افريقى وبعدين المشكلة إلا فى الياريس دى مش مشكلة توكيل دى مشكلة صناعة وتصميم
بس التوكيل مخبى عشان ميتفتحش عليه فتوحة
تخيل لو انتشرت مابين الناس ان الياريس بتغير اسطوانة كل شويه تخيل سعر اعاده البيع يبئى كام
تعليق اخير
انا جيت اسعدك وحطك على الطريق الصح انتقدتنى

ممكن يكون بسبب سوء استعمالك .اليارس بصراحة عربية محترمة جدا.موضوع انتاج المنيوال ده مش مظبوط لانه العالم بيتجه ليلستيب ترونيك.محدش بقى يفكر فى المنوال خصوصا فى زحمة مصر.وخصوصا مع الاعتمادية بتاعت تيوتا.ده رائ الشخصى

المشاركة الأصلية كتبت بواسطة me_medoo

لا يا باشا معاش ولا كان الي ينتقدك ، انا بدحك معاك يا غالي ... أوعه تزعل مني ... وأدي أحلى بووسة على راسك أمووووووووح .

صافي يا لبن .

صافى يالبن
حضرتك المشكلة فى الاسطوانة عشان لما غيرت العربية بقت تمام ابعد تفكيرك عن حاجة غيرها
عشان دى مشكلة منتشرة فى الياريس
والله الموفق