اليارس (هل هو عيب في الاسطوانة ولا كهربة العربية ؟)

**me_medoo** · 10-02-2012 03:11 PM

السلام عليكم يا شباب اليارس ؟

عندي مشكلة في عربية يارس 2008 ماشية حوالي 45000 كيلو ... بتبان المشكلة في وسط الزحمة بحس ان العربي ، بتبتدي تندع كده أو كأنها هتبطل بالذات لمن أقف وأجي أنقلها على الاولاني في وسط الزحمة .
رحت التوكيل وعملتها صيانتها ... بس جه المهندس قالي هو أحتمال يكون طقم دبرياش بس انا شايف ان المشكلة مش كبيرة قوي عندك وأمشي بيها عادي ولمن تتفاقم تبقى تجيلي أغيرهلوك ... بس صحيح ان المشكلة مش كبيرة بس بقة مزعجة جداً بالذات بتحسس الي معاك انك مبتعرفش تسوق والعربية هتبطل منك وبتحسسك ان العربية بقت مهكعة وقدمت ...

بس انا حاسس ان الموضوع مش عيب طقم دبرياش حاسس انو عيب في كهربة العربية ... كأنها مش واخده كهربتها كفاية وهتبطل .

وبنفس الوقت مع مشكلة البانزين المغشوش مش قادر أحدد بالذات ان العربية سحبها تقل ومعدش زي الاول علشان كده بقة صعب أحدد فين المشكلة بسبب البانزين المغشوش .

ياريت حد يفيدني ... ولكم جزيل الشكر والتقدير .

**amrelsaqqa** · 10-02-2012 03:29 PM

مهندس ايه ده !
طب كان يقول وساخة في البوابة او حساس ايدل ...

انما ايه علاقة الدبرياج بكدة اصلا !!

**M!SHO** · 10-02-2012 03:38 PM

نفس الموضوع عندى فى بيكانتو 2010 مانوال

انا حاسس ان المشكله من الايدل

وكل كام ألف كم بنضف البوابه ومفيش فايده

**me_medoo** · 10-02-2012 03:42 PM

انتم قصدكم البوابة الي هيا مدخل الهوى للمتور ...
المهندس بتاع توكيل ابو رواش ... يا أخي من بعد الثورة محدش راضي يشتغل وكل الناس فالحة تثبتك بكلمتين ، ويقلك عربيتك زي الفل ... حتى انا قلتلو طيب ايه رأيك أوصلك بعد الشغل على البيت ونقف في زحمة ميدان لبنان علشان تشوف العيب بنفسك ... هههههههههههههه بس مرضاش

**أبو عبدالله** · 10-02-2012 04:12 PM

خد ميعاد تاني وروح ومتمشيش الا لما يصلحوا العربيه
وفهمهم انك مش هتمشي الا لما تتصلح

**me_medoo** · 10-02-2012 05:27 PM

يااااااااااااااااااااه يابو عبدالله ... الكلام كان زمان ، عارف دلوقتي لو رحتلهم وهللتهم وقلتلهم مش همش بالعربية غير لمن تصلح ، هيقولي ومالوو يا حبيبي خليك ده أنتاااا منورنا ... وكلوو بحسابو .عربيتك هتنور التوكيل عاوز تخليها خليها ... تشرفنا واللهي هنا .

**magedtiti** · 13-02-2012 01:52 AM

لو كنت بتحس برجه جمده فى العربيه وهى على الاولانى بس يبقى دة طقم دبرياش لآن لو المشكله فى الكهرباء او البنزين يبقى حتحس بتقطيع العربيه وهى على التانى والتالت برضه
وحتبقى العربيه مخنوقه وتجمعه بطىء شويه

**me_medoo** · 13-02-2012 02:45 PM

المشاركة الأصلية كتبت بواسطة magedtiti

لو كنت بتحس برجه جمده فى العربيه وهى على الاولانى بس يبقى دة طقم دبرياش لآن لو المشكله فى الكهرباء او البنزين يبقى حتحس بتقطيع العربيه وهى على التانى والتالت برضه
وحتبقى العربيه مخنوقه وتجمعه بطىء شويه

أه بحس فيها بالاولاني بس مش على طول يعني بالذات في وسط الزحمة بتبتدي الحكاية دي بتابن ... عارف لمن تكون واقف في زحمة ومحتاج تمشي متر متر .

ساعتها بتبان الحكاية دي فيها ... يعني فقط بالاولاني بس كجري وبقيت الغيارت زي الفل .

والي مشككني قوي أن ميكونش طقم دبرياش انو ناعم مش تقيل قوي زي العربية اليارس التانية ، فبقول لنفسي معقوله ميكنش تقيل ويكون العيب منو ... ومشكلة التوكيل انو معندهوش كمبيوتر يبين الاعطال ، فأروح أقولوا بشتكي من كزا كزا فيقولي ومالو يا حبيبي زي الفل أيدك على 1500 جنية .... ويغيرو طقم الدبرياج ههههههههههههه ويطلع العيب هو هو وميكنش العيب منو .

**elmahdy** · 13-02-2012 03:12 PM

العيب ده موجود في كل الياباني ال 1300 سي سي من زمن لحد الوقتي... بعد ما العربية بتقدم بشويه... بتحس برجة في الاولاني...وبالذات لو التكييف شغال
وهايقولك غير طقم دبرياج وبرضه مالوش لازمه... وخساره اللي فيها راكب في الفابريقه وبيعيش على الاقل 150000
انا كان معايا كورولا 1300 موديل 1995... وحتى اصحابي بالانسر ال 1300 نفس العيب
لما سئلت وااحد ميانيكي حبيبي وخبرة يعني فهمني ان ده عشان عزم الماتور بيبقى قليل في الدورات المنخفضه للعربيه وده بيظهر اوي في العربيه اقل من 1500 سي سي الصالون... الهاتشباك او العربيات الصغيرة لا عشان وزن العربية بيبقى منخفض ( زي السيريون او البونتو )
الحل انك تزود رجلك على البنزين سنه كمان وانت بتطلع اولاني وماتسيبش الدبرياج على طول... هاتلاقيها زي الفل

**me_medoo** · 13-02-2012 03:27 PM

هو كلامك مزبوط ... في بقيت العربيات ، أذا كانت رجه خفيفه ... بس انا كان عندي كورولا 2005 و 1300 وبعتها ومكنش فيها العيب ده ... وعندي سيريون بس اتوماتيك وزي الفل ... وفي يارس تانيه سايبها للمدام دبرياج بتاعها تقيل وبيعملي وجع في الركبة ... بس مفهاش الرجة دي خالص ... بس العربية الي معايه دي مش مكملة 47000 كيلو والرجة بتبدي تبان في وسط الزحمة .

الموضوع: اليارس (هل هو عيب في الاسطوانة ولا كهربة العربية ؟)

LinkBack

أدوات الموضوع

عرض

اليارس (هل هو عيب في الاسطوانة ولا كهربة العربية ؟) - انشر الموضوع فى :

-

-

-

-

-

المواضيع المتشابهه

محتاج نصيحة فى كهربة العربية

كهربة العربية حتجننى!!

ضبط كهربة العربية

العربية قطعت كهربة

العربية قطعت كهربة

الكلمات الدلالية لهذا الموضوع

المفضلات

المفضلات

ضوابط المشاركة