بخصوص فيات لينيا

**CryptonX** · 01-06-2008 02:54 PM

المشاركة الأصلية كتبت بواسطة Ahmed Hassan

شكرا على مداخلتك.... انا مقلتش ان الموتور قديم انا قلت انه بدائي.. و اعني بذلك التصميم (كامه واحده و 8 صمام).
فعلا الأرقام قريبه من ارقام الياريس.. بس الياريس 1300 سي سي و اللينيا 1400.. و ده يفسره تصميم الموتور اللي اتكلمنا عليه فوق.

عموما انا مش بقول العربيه وحشه... انا بس بوضح حقائق (نظريه)

وانا مقلتش ان العربية حلوة :) انا بس بقول انها مش فارق كتير عن موتور الياريس الي بنفس تمنها تقريبا مع ان اللينا اوسع و اكبر و اطول .

و الفكرة من موتورات فيات الجديدة هي " توحيد " المواتير عالميا شوية ..
علشان فيات عندها " عكة " مواتير من 1000 سي سي الي 2000 سي سي و كلهم بينتمو لاجيال مختلفة و كل سوق تلاقي " عكة " موتورات تانية خالص .

و لو لاحظت حتلافي كل السيارات الجديدة من فيات مواتير البنزين فيها
90% 1400 سي سي

و بيغيرو فيه حسب الاحتياج من
8 صباب - 77 حصان
16 صباب - 90 حصان
16 صباب - تربو - 120 حصان
16 صباب - تربو - 150 حصان
16 صباب - تربو 180 حصان

و الكلام ده ينطبق علي اللينيا و الجراند بونتو و البرافو و ال 500 .

اعتقد دي سياسة ناجحة بس عايزة دعايا اكتر - و اسعار اقل شوية .

يعني الينيا في منها 16 صباب تربو - 120 حصان تيبقى زيها زي اي 1600 في مصر و تمن الكاملة منها مش حيتعدى حاجز ال 110 - 120

يعني في ثمن اي سيارة 1600 يابانية او كورية بس بتكنولجيا متقدمة جد و اروبيا .

بس هي الفكرة ان التوكيل هنا مش بيحب يخاطر خالص و غبي في التسويق .

**فادى** · 01-06-2008 06:40 PM

المشاركة الأصلية كتبت بواسطة Ahmed Hassan

العربيه اكتر ما يميزها تصميمها الفريد.. و لكن الارقام الخاصه بالمحرك ليست في نفس مستوى التصميم الخارجي. المحرك اللي نازل مصر الى حد كبير بدائي و ده سبب ضعف آداؤه... يعني اتعودنا من السيارات الأوروبيه في نفس الفئه على قدره حصانيه متوسطه في مقابل عزم عالي نسبيا... بس في العربيه دي القدره الحصانيه و العزم غي مميزين بالمره (77 حصان و 115 نيوتن) يعني مش كتير.
غير كده اشك انها اعتماديه اكتر من السيارات اليابانيه في نفس الفئه.. او انها تكون موفره للوقود اكتر من الياريس و السيتي مثلا. يعني مفيش ميزه غير الشكل الخارجي.

في النهايه الاختيار يرجع ليك.

يا أستاذ أحمد, العزم بيتقرى برقمين مش رقم واحد, 115 نيوتن عند 3000 لفة/دقيقة.
لأن السرعة مهمة جدا فى قراية العزم, و كلما كانت هذه السرعة أقل, كان العزم أفضل,
و 115 نيوتن عند 3000 لفة, هو عزم أفضل من 118 نيوتن عند 4000 لفة.
و 115 نيوتن عند 3000 لفة عزم جيد جدا بالنسبة لمحرك 1400.

**Ahmed Hassan** · 01-06-2008 06:45 PM

تمام... بس لو 115 نيوتن/متر عند 3000 rpm رقم كويس لموتور 1400 يبقى 118 نيوتن/متر عند 4000 rpm بردو كويس في عربيه 1300 سي سي :)

**samaha** · 01-06-2008 07:02 PM

على فكره يا جماعه المداخلات دى مهمه جدا بتوضح رؤيه الشخص المستخدم للسياره او على الأقل للى قام بتجربتها وفى نفس الوقت بتفيد الشخص المقبل على شراء السياره وكمان انا استخدامى للسياره فى التنقل فقط وليس لى هوايات للجرى بالسياره او العمل مناورات الا فى اضيق الحدود وكمان استخدامى للسياره محدود مثلا 200 الى 300 كيلو فى الشهر نظرا لطبيعة عملى وان زادت يكون فى مشوار طويل زى المصايف والرحلات فقط يعنى الأسكندريه او مطروحوطبعا على المدى الطويل مره فى السنه فأعتقد انها تكون مناسبه . يعنى انا معايا لادا موديل 2005 عامل بيها 20 الف كيلو او اقل فى 3 سنوات ونصف احسبها تلاقى مشاويرى محدوده بخلاف السفر مره فى الصيف الى الأسكندريه او غير ذلك .
وشكرا احبائى على مجهودكم الكبير

**M_HaFeZ** · 05-08-2008 11:10 AM

انا باضم صوتى لصوت كريم
العربيه بجد من جوه ممتعه
وخد بالك من كام نقطه مميزات وعيوب
اولا العيوب هى اعاده البيع وقطع الغيار وواحده واحده على ماتبعد عن التوكيل زى ماكريم قال

المميزات بقى
اولا العربيه معمول فيها حسابات الامان ... بما انها فيات .. فرامل Abs
العربيه موفره فى البنزين وعزمها ممتاز عند عدد لفات سهل اول انك تجيبه 3000 لفه
يعنى مش عايز سفر علشان تجيب اعلى عزم

نصيحه .. اركبها الاول وشوف احساسك بيها يه
ملحوظه .. واسعه جدااااااااااااااااااااااا ااااااااااااااااااااااااا ااااااااا من قدام

**MomoMedo** · 06-08-2008 06:29 PM

انا عندي رأي بس مش عارف صح ولا بخرف
انك ممكن تكلم التوكيل
اوماترا و تسألهم لو ممكن يجيبولك عربية من برا
هي في نسخة منها 1400 سي سي اتنين كامة بتولد 95 حصان وفي نسخة من الجراند بونتو كدة برضو
بس مش عارف الكلام دة ممكن ولا لأ

**mr_attia** · 16-08-2008 02:18 PM

انا كمان العربية دى عجبانى اوى وبفكر اشتريها قريب بس لسه ماجربتش اركبها وماشوفتهاش على الطبيعة حتى بس من شكلها وكماليتها ونسبة الامان فيها واللى انا قريتة عنها دخلت دماغى فعلا ومش عايزه تطلع ياريت برضه لو فيه حد معاه العربيه دى وجربها كويس فتره طويلة يفيدنا اكتر عنها عمليا وبخصوص متانة العربية وصاجها ونسبة الامان فيها ايه اخبارهم وللعلم انا مش من هواه السرعات العاليه واكتر حاجه بتشدنى فى العربية شكلها ونسبة الامان فيها يريت تجارب اكتر عن العربيه دى

**MaZaGAngeE** · 17-09-2008 06:49 AM

ايه أخبار السرعة في العربية دي ؟
أنا من هواة السرعة العالية و كمان بمشي حوالي 1500 كيلو في الاسبوع
يا ترى العربية دي تكون مناسبة لي و لا لأ
الصراحة شكلها تحفة بس عيبها مفيش منها اوتوماتيك

**CryptonX** · 17-09-2008 10:44 AM

المشاركة الأصلية كتبت بواسطة MomoMedo

انا عندي رأي بس مش عارف صح ولا بخرف
انك ممكن تكلم التوكيل
اوماترا و تسألهم لو ممكن يجيبولك عربية من برا
هي في نسخة منها 1400 سي سي اتنين كامة بتولد 95 حصان وفي نسخة من الجراند بونتو كدة برضو
بس مش عارف الكلام دة ممكن ولا لأ

الموديل ده موجود بالفعل و كان معروض في المعرض الي فات و تمنه تقريبا 120 الف جنيه