الموضوع: أفهم فتيس عربيتك الأوتوماتك

المشاركة الأصلية كتبت بواسطة mouraddesk

العنوان بتاع المشاركة كنت كتبت عنه قبل كده و هتلاقية بنفس العنوان و فى مشاركات كتير بس للاسف مفيش افاده و الحدوتة بأختصار انى غيرت حساسين a b لان العربية لما بتسخن تمشى على السرعة التالته بس و بعد ما غيرت و نضفت الفلتر و غيرت الزيت مشيت شويه زى الفل و رجعت تعملها تانى كلمت اللى عمل الفتيس قالى هاتها و حطها على الجهاز لقى ان كل شئ تمام لكن حرارة الزيت وحشه رحت غيرت الزيت تانى و المشكلة مستمرة رحت موديها تانى للراجل حطها على الجهاز قالى لا الكمبيوتر مهيس و عمل رى ست و ضبطت شويه بس المشكله قائمة مع الفارق انها لما تعمل كده تبطل و تدور تانى تضبط زى ما تكون بتعمل رى ست و القرار النهائى ان بتاع الفتيس قالى هاتها و سيبها يومين نجربها و نشوف و نمشى مع الضفيرة لان الكمبيوتر مش مبين اى اعطال و كمان فى الطوالى ما بتعملش الحركة دى بس جده البلد مع السخونة بتعملها و اخر مره كنت فى الزحمة قلت ابطل و ادور لقيت زى ما تكون البطارية وقعت مفيش مارش و لا اى حاجه فكيت كابلات البطارية و ركبتها دارت زى الفل مع استمرار العيب فى الفتيس ارجوك لو فى عندك اى حل يا ريت تفتينى بيه و فى اسرع وقت مع العلم انى كنت راكب ميجان و انت عارف شهره الفتيس بتاعها و كانت زى الفل و لو حصل الكلام ده بتغير السولونويد و الزيت و بتمشى زى الفل

السلام عليكم

ارجو منك أخي الكريم انك متزعلش نفسك وان شاء الله كل مشكلة وليها حل

1-الفتيس بتاع عربيتك في زرار ل overdrive ولا لا لأنه ممكن يكون معلق
2-طلما حضرتك ذكرت وانت تكشف علي العربية ان الزيت حرارة وحشة
والله أعلم يكون خراطيم التبريد بتاعة الفتيس فيها سدد ود بيخلي حرارة الفتيس تعلي يقوم يخرف معا والسولنيد ميفتحش للرابع
السبب التاني في المشكلة حساس الحرارة بتاع الفتيس زيه زي حساس المايه بلضبط مع أختلاف الشكل والمكان طبعاً
مكان الحساس داخل الفتيس بعد ماتفك الكرتيرة علطول اكشف علية شوفة شغال ولا لا .


حساس الحرارة في الصور الي تحت عبارة عن قطعة نحاس شبة البطارية القلم موصله بسلك أسود