الموضوع: اونو , بونتو , تيبو "مالهم وما عليهم

المشاركة الأصلية كتبت بواسطة semsem_uno

سؤال صغير
حد بيقول على الموتور ال1000 بتاع الأونو ضعيف ؟؟؟
و بالنسبة للوسع اكيد التيبو اوسع عربية فيهم لأن البونتو و الأونو زي بعض
و هزود بس حاجة على كلام الأعضاء عن الأونو
اعلى فئة في الأونو 1400 سي سي انجكشن و 1400 اوتوماتيك و 1400 تيربو ! و في موديلات 1600
و دول بيبقوا زجاج كهرباء و فوجات و فتحة سقف و كمبيوتر اعطال و تكييف و مساحة خلفية و رشاشات مياه للفوانيس اللي قدام مع تحكم داخلي في ارتفاع عاكس الفانوس و كاسيت و سماعات Blaupunkt و لكنها نادرة جدا و البركة في المسوردين الله يسامحم كانو بيجيبو اقل فئة فيها اللي هي ال1000 سي سي اللي منتشرة هنا

و مينفعش تقارن الأكسيل ب اي حاجة من عربيات فيات علشان حرام
و خصوصا انك عايز عربية ليك و معاك عائلتك يعني محتاج عربية امنة

ياريس انا بتكلم بالارقام
وزي ما حضرتك شايف انا جديد شويه ف العربيات
ولما اجيب cc عالي هيكون في امكانيه وجود تكييف :)
وتستحمل الصيف ف مصر
وايه اسعار الاونو اللي حضرتك بتتكلم عليها
وانا فعليا بدأت اصرف نظر عن الاكسيل
بس الاقي حاجه ف متوسط المبلغ اللي معايا
وبالمواصفات اللي انا محتاجها
وهل مع ندرتها اخبار قطع غيارها ايه

المشاركة الأصلية كتبت بواسطة semsem_uno

لو على الصيف متقلقش "غير طبب المية اللي في العربية كلها اول ما تجبها مع غسلة ريداتير محترم و مية خضراء و ثرموستات حرارة 72 و متشلش هم الحرارة ابداا"
و الأونو الباسيك "الفاضية" بتعمل من 28 لي 30 و الكلام ده لو العربية زيروووووووو و ممكن تلاقى حاجة فبريكة برة و جوة
اما الموديلات اللي انا ذكرتها فوق ديه لو لقيت منها مش هتقل عن ال 33 الف
و اللأونو هتلاقي سعره قريب من البونتو لأن قطع غياره ارخص و ديه ميزة معلية سعرها
اهم حاجة الأول بس تحدد عايز ايه ؟؟ لأن حاسس ان حضرتك كده تبقى ميال للتيبو لأنك مرتاح للموتور الكبير اللي ميتأثرش جامد بالتكييف و تكون واسعة و مناسبة اكتر لعائلة

انا حاليا مستقر تماما علي التيبو
واسعه و ثابته و تستحمل جو مصر
متورها كبير
قطع غيار متوفره و صيانتها مفيهاش مشاكل
وبيني و بينك عجباني فكره العداد الديجيتال
مقتنع بيها و نفسيا مرتحلها
منتظر بس حد يأكدلي اسعارها عشان ارتب اموري عليها
بس لحد لحظه الشراء ان شاء الله مفيش مانع ان الواحد يعرف مزايا و عيوب كل عربيه
لنفسه حتي يعني