الموضوع: الى خبراء الاتوماتك

المشاركة الأصلية كتبت بواسطة كابوس الليل

بسم الله الرحمن الرحيم
السلام عليكم ورحمة الله وبركاته

اخوكوا لسة جديد فى سواقة الاتوماتك.... على عربية بروتون جيت تو.. بس المشكلة بقى ان دواسة البنزين طويلة جدا اقرب ماتكون لطول دواسة الدبراياج... عايز اعرف ليه...
ازاى الكيك دون يتعمل؟
لما ببقى ماشى على 70 او 80 واكبس بنزين مرة واحد الاقى الrpm على جدا والعربية احسها انها نزلت تحت شوية وتقوم شادة مرة واحدة بس كل الكلام ده بياخد وقت (بتكلم عن وقت بلثوانى ان مكنش اجزاء من الثوانى) لنى مكنتش بحس بكدة فى المانيوال....
سؤال تانى .. الفتيس مفهوش زراير غير الزرار الى بدوس عليه لما اغير الغيارات .. وعايز اعرف ازاى لما احب اوقف العربية مثلا صف تانى واسبها مور(n) طبعا المفتاح مش بيتشال من الكونتاكت غير لما الفتيس يبقى على الp حتى لو المفتاح مش فى الكونتاكت واجى اجيب الفتيس على n ميرضاش ايه الحل؟

حضرتك الكيك دون كدة تمام و مافيش اى مشاكل فيه و هى دى طبيعة الكيك دون

حضرتك تجيب ال p عادى وتشيل المفتاح وهتلاقى زرار كدة بعيد عن عصاية الفتيس وهتلاقيه فى محيط الفتيس حضرتك ده بيفك القفل بتاع الفتيس حضرتك دوس عليه وخليك دايس وحرك الفتيس على ال n وشيل ايدك من عليه بس كدة حضرتك و بكدة تكون العربية على ال n