سؤال عن العربيات الاتوماتك

**merosss** · 15-10-2008 04:18 PM

انا كنت عايز اعرف هو العربية الاتوماتك يتفع تتزق وهى على b او n لو انا مش مدورها ولا لازم d ولودايرة و جبت n او b فى اشارة هترجع لو ورا لو على مطلع ولا لا اصل فى الجراج الى انا بركن فية عربية bmw 2008 وعربية تويوتا كرولا موديل 2006 دايما مكلبشين فى الارض والراجل السايس بيقول ان اصحبهم مجبورين يسبوها كدة عشان المفتاح مش بيطلع الا لو العربية على p مع العلم ان فى نفس الجراج فى تويوتا 2008 الجديدة واوبترا بتبقى على d ويبتزقوا عادى كنت عايز اعرف اصحاب العربيات دى بيشتغلونا عشان عربيتهم محدش يعد يحركها ولا هى كدة بجد

**waled369** · 15-10-2008 04:29 PM

الاوتوماتيك بس تتزق لو على N
و بالنسبة للمفتاح فعلا فيه عربيات مش بيطلع مفتاحها إلا لو كانت P
بالنسبة للأوبترا انته بتقول بتتزق لو على D الكلام ده مش مظبوط طبعا مستحيل .
كمان الاوتوماتيك مش ممكن تشغلها إلا لو كانت على P أو N بس

**mohamed ibiza** · 15-10-2008 05:51 PM

عندنا في ال280 العربية مبتدورش الا لو الفتيس في وضع البارك p و ممكن تجيبها علي اي نقلة و العربية واقفة عادي جدا

**Adham** · 15-10-2008 06:04 PM

العربيات الاوتوماتيك تتزيق و الفتيس محطوط على اي نقلة ماعدا الباركينج بس لأن طالما العربية مبطلة مافيش ضغط زيت يخللي الفتيس معشق اساسا (يعني العربية ممورة و هية على اي نقلة - الباركينج بس هوة اللي بيكلبش التروس في بعض)
بس العربية الاوتوماتيك ماتدورش من الزق
يقال فوق ال70 كم/س علشان تلقط

**l0new0lf** · 15-10-2008 09:07 PM

المشاركة الأصلية كتبت بواسطة Adham

العربيات الاوتوماتيك تتزيق و الفتيس محطوط على اي نقلة ماعدا الباركينج بس لأن طالما العربية مبطلة مافيش ضغط زيت يخللي الفتيس معشق اساسا (يعني العربية ممورة و هية على اي نقلة - الباركينج بس هوة اللي بيكلبش التروس في بعض)
بس العربية الاوتوماتيك ماتدورش من الزق
يقال فوق ال70 كم/س علشان تلقط

بالضبط
العربيه الاتو ممكن تشتغل زق لكن السرعه فوق ال 60 حسب نوع العربيه لرفع ضغط الهيدرولك فى الفتيس

**amir** · 15-10-2008 09:57 PM

فينك يا سبعاوي من الكلام ده

**amir** · 15-10-2008 10:16 PM

المشاركة الأصلية كتبت بواسطة l0new0lf

يعنى احنا هنضحك عليك!

ماشى يا دكتره مقبوله منك

لا والله لأ مش قصدي خالص
و علي فكره لسه شايف رسالتك الخاصه
بس الموضوع و ما فيه ان سبعاوي غير انه معاه عربيه زي عربيتي تمام و نفس اللون (شفت بقي؟) كلامه بيبقي مفسر علي اساس هندسي
لكن من رسايلك و مشاركاتك شكل الواحد هيتعلم منك كتير بس اشرح كلامك و بسطه علشان الواحد كبر و معادش بيلقط زي الاول!!

**merosss** · 16-10-2008 12:22 AM

طيب يا جماعة انتو مقلتليش لسة هو فى عربيات المفتاح مش بيطلع منها الا يما تبقى على p وبالتالى مش هيتفع تتزق وبردة لو العربية دايرة وجبت n هل هترجع لورا لو على مطلع مثلا