الموضوع: العربية دي تستاهل السعر ده فعلا ولا لأ ؟ ضروري وبسرعة!!!!!!!

بجد جزاكى الله خيرا
وبجد مشكورة على الاستجابة السريعة منك
والف مبروووووووووووووووووووووو ووك على العربية
وانا هعمل زى ماقلتيلى بالظبط هستخير ان شاء الله
بس فى مشكلة معرفش حد بيفهم فى العربيات خاااااااااااااااااااااااا الص مش عارفة اعمل اية
ولو هجيب مكانيكى اديلة فلوس كام ؟؟؟؟؟؟؟؟؟؟؟؟؟؟
معلش اسئلتى كتير
وبجد مبسوطة باهتمامك اوى

وعلى العموم انا سكنة فى الهرم اللى يعرف ميكانيكى كويس وامين ياريت يقولى
ندااااااااااااااااااااء لساكنى الهرم

وربنا يباركلك فى العربية
ومتنسيش تدعليى ربنا يوفقنى فى حاجة كويسة

معلش سؤال تانى اخبار سوق الجمعة اية كويس ولا لأ ؟؟؟؟؟؟
وياريت حد يقولى هو فين بالظبط؟؟؟؟؟؟
واية احسن طريقة للشراء الجرايد ولا اعلانات النت ولا المعارض ولا سوق الجمعة ولاايه؟؟؟؟؟

المشاركة الأصلية كتبت بواسطة birdybirdy

ميرسي اوي ياجماعة على كل ردودكم والحمد لله انا استخرت ربنا وخلاص وفقني واشتريت فيات 128، اهو اتعلم فيها وتتعلم فيا بقي لحد ماربنا يكرمني واتمكن من السواقة وابقي اخد رأيكم بقي في الزيرو فيما بعد ان شاء الله.

المهم بس ادعولي اني ربنا يباركلي فيها ويكفيني شرها وادعو كمان اني مضايقش ناس (كتير) بسواقتي في الاول وربنا يستر ويستحملوني بقي .

الف الف مبروك عليكي العربيه
ربنا يحمهالك و يديكي خيرها و يحميكي من شرها يا رب
و بالراحه عليها كده في الاول و ان شاء الله تكبريها قريب:)

المشاركة الأصلية كتبت بواسطة mas_shine

معلش انا اسفة لدخولى فى الموضوع
بس انا كمان ليصة زى الاخت
انا جديدة فى السواقة وبرضو مليش فى حوارات المكانيكية
وكنت ناوية اجيب بيكانتو كسر زيرو وبصراحة اللى شجعنى على كده العضو نادر من كتر لما اتكلم عنها وعن مشوار الصيانة بتاع عربيته
انا كنا بفكر فى الزيرو وقسط الباقى .......بيكانتو بردو
بس قلت اجيب كسر زيرو واوفر 12 الف تقريبا ........وكمان علشان انا لسة بتعلم السواقة
فهل انا كده بفكر صح ولا ممكن كده ابهدل العربية
اعمل اية
ياريت تسعدنى مه الاخذ فى الاعتبار انى بنت لوحدى ومليش اخوات ولاد
فهكون لوحى مع المكانيكية

ساعدونىىىىىىىىىىىىىىىىىىى ىىىىىىىىى
جزاكم الله خيرا

اهلا بيكي معانا في المنتدي
ممكن بس تقولي انت عاوزه عربيه في حدود كام و ايه المبلغ المتاح معاكي و ان شاء الله نساعدك و نشوف اذا كان الافضل ليكي زيرو ولا مستعمل:)

المشاركة الأصلية كتبت بواسطة mas_shine

بجد جزاكى الله خيرا
وبجد مشكورة على الاستجابة السريعة منك
والف مبروووووووووووووووووووووو ووك على العربية
وانا هعمل زى ماقلتيلى بالظبط هستخير ان شاء الله
بس فى مشكلة معرفش حد بيفهم فى العربيات خاااااااااااااااااااااااا الص مش عارفة اعمل اية
ولو هجيب مكانيكى اديلة فلوس كام ؟؟؟؟؟؟؟؟؟؟؟؟؟؟
معلش اسئلتى كتير
وبجد مبسوطة باهتمامك اوى

وعلى العموم انا سكنة فى الهرم اللى يعرف ميكانيكى كويس وامين ياريت يقولى
ندااااااااااااااااااااء لساكنى الهرم

وربنا يباركلك فى العربية
ومتنسيش تدعليى ربنا يوفقنى فى حاجة كويسة

المشاركة الأصلية كتبت بواسطة mas_shine

معلش سؤال تانى اخبار سوق الجمعة اية كويس ولا لأ ؟؟؟؟؟؟
وياريت حد يقولى هو فين بالظبط؟؟؟؟؟؟
واية احسن طريقة للشراء الجرايد ولا اعلانات النت ولا المعارض ولا سوق الجمعة ولاايه؟؟؟؟؟

بصي ياستي أولاً ربنا يوفقك في موضوع العربية دي وتشتري العربية اللي يكون فيها الخير ليكي سواء زيرو أو مستعمل يارب.
حضرتك لو بتشتغلي في أي مكان أكيد فيه رجالة عندهم عربيات أو لو بتدرسي أكيد هايكونلك زمايل ولاد برده عندهم عربيات والشباب عموما هاتلاقيهم مهوسيين بموضوع العربيات ده وهتلاقي في منهم كتير فاهم حتى لو مش فاهم يبقي معاكي راجل برده يقف معاكي في موضوع البيع والشرا لإن بجد بنت لوحدها متقدرش تشتري عربية وعن تجربة لإن الناس لما بتلاقي بنت لوحدها ومعهاش راجل ممكن أوي يلبسوها في حيطة عشان معدومي الضمير كتروا أوي وانا اتعرضت لموقف زي ده بس الحمد لله ربنا كرمني والميكانيكي اللي معايا طلع امين وقالي علي حقيقة الموضوع وطلع اللي عايز يبيعلي تاجر وعربيته راشة من جوه وبره مع إنه كان كاتب على النت إنها رشة بره بس. فحاولي تاخدي معاكي راجل لازم. وحاولي تدوري الإول في المعارف والصحاب والقرايب على حد عايز يبيع عربيته لإنها بتكون اضمن شوية من التجار.
لو مالقيتيش عربية بتاعة حد معرفة شوفي النت وشوفي الجرايد واخر حل ممكن السوق بس يكون معاكي ميكانيكي كويس وانتي رايحة عشان تطمني وبعد مايشوفلك العربية ويختارهالك اطلعي بيها على بنزينة برده زيادة تأكيد أينعم هاتدفعي مرتين بس احسن ماتدفعي طول العمر .

بس خلي البنزينة دي اخر خطوة بعد ماتكوني اتإكدتي بنسبة 80% ان العربية كويسة وتستاهل تدفعي اكتر عشان تاخديها لإنك برده لو كل عربية سمعتي عنها روحتي كشفتي عليها هاتغرمي كتير لحد ماتشتري .

انا لما فكرت انزل السوق ناس كتير حذرتني منه عشان التجار ونصبهم ده ولما فكرت انزل فعلا قبل ماخد قرار في عربيتي كنت هانزل بس عشان اشوف رنج الأسعار ايه عشان اشوف صاحب العربية بيتشغلني في السعر ولا لأ
الميكانيكي اللي جابهولي واحد زميلي اتفق معاه على إن لو العربية اللي هانروح نشوفها طلعت حلوة واشترينا ياخد 100 جنيه لو طلعت وحشة ياخد 50 بس حق مشورته يعني وكده.
وفي ناس بتاخد اقل من كده طبعا مهياش قاعدة يعني.
انا العربية اللي سألت عليها دي اشتريتها في لحظة يأس لما لاقيت نفسي عمالة اروح اشوف عربيات وتطلع وحشة وكل مرة مش هاجيب معايا ميكانيكي واديله فلوس كده ممكن فلوسي تخلص شوفان بس من غير ماكون اشتريت :) بس لما الميكانيكي شافها قالي هيا حالتها حلوة فعلا بس صاحبها مغلي عليكي الف أو الف ونص عشان الحالة وظروف البيع لإنه مكنش مستعجل علي بيعها لو عرفتي تنزلي معاه اوكي مكانشي شوفي انتي بقي
بيني وبينك حسبتها لاقيت اني ادفع الف زيادة في عربية فيها المميزات دي:
1- صاحبها واحد انا عارفاه يبقي خال صاحبتي مش تاجر
2- فيها رخصة 3 سنين (يعني وفرلي علي الاقل خالص 500 او 700 جنيه مثلا
3- أخو صاحبتي حلفلي ان حالتها كويسة وهو بيفهم كويس في العربيات وانا برده زيادة تأكيد جبت ميكانيكي بعدي خالص عني شافها وقال كويسة

يبقي اشتريها واخلص احسن ماروح اوفر والبس عربية تطلع فيها بلاوي مدارية.
دي كانت قصتي انا يعني وطبعا الامر يرجعلك في الاول والاخر وعندك بنزينة شيل في الهرم دي بيقولوا عليها كويسة فعلا ممكن تكشفي علي العربية فيها وتعرفي حالتها كويس وانتي بتشتري.
وربنا يوفقك يارب وأهم حاجة دعاء الإستخارة ده تحفظيه وتقوليه في كل وقت تروحي تشوفي فيه عربية ده لو مالحقتيش تصلي ركعتين استخارة قبل ماتروحي وتلحي في الدعاء كتير وثقي تماما انك لاقدر الله لو بعد ماستخرتي واشتريتي طلعت مش اوي زي مانتي كنتي عايزة فهي اقل المصائب ويمكن لو مستخرتيش كانت هاتحصل مصائب اكتر فهمتي؟
واسفة على الإطالة بس قصتي كانت فعلا طويلة :)

[quote=hazem_khidr;319302]الف الف مبروك عليكي العربيه
ربنا يحمهالك و يديكي خيرها و يحميكي من شرها يا رب
و بالراحه عليها كده في الاول و ان شاء الله تكبريها قريب:)

الله يبارك فيك وميرسي اوي على الدعوتين دول لإني بجد محتاجاهم فعلا خصوصا ان سواقتي لسة علي قدي وهابوز ياما في العربية دي (ربنا يستر)

وياسيدي اقدر على دي الاول بس وبعدين اكبرها لما ابقي شاطرة في السواقة وابقي راجل في سواقتي مش ست :) (طبعا عارفين سواقة الستات بس صدقوني والله غصب عننا مش قصدنا نفرسكوا بسواقتنا دي)