الموضوع: محتار مابين نيسان قشقاي وكيا سبورتاج

انا عملت تست درايف للقاشقاى انهارده وعمت من يومين تست درايف للسبورتاج وللامانه وجدت مايلى (مع العلم انى اخترت نفس المواصفات المصريه ولاكون اكثر امانه جربت السبورتاج المانيوال نظرا لعدم وجود قشقاى اوتوماتيك الا النسخعه الديزل والاتنين 1.6):
1- الشكل الخارجى والداخلى:
تتفوق السبورتاج على القشقاى
2- الخامات المستخدمه:
لصالح السبورتاج تماما
3- الاداء والثبات
نفس المستوى وان كان فتيس السبورتاج المانيوال افضل من القشقاى
4-الحجم:
فى صالح السبورتاج

5-الشنطه الخلفيه:
نفس الحجم تقريبا وان كانت القشقاى +2 تتفوق
6- الاوبشنز:
فى صالح السبورتاج

7- الصانع
فى صالح القشقاى
للعلم انا عملت التس درايف فى لندن مكان تجميع وتصنيع القشقاى واجد ان نسبة المبيعات واحد تقريبا مع العلم ان الانجليز دائما يشجعون الصناعه المحليه بشده وده فى صالح السبورتاج المستورده لديهم.
ولكنى سمعت من توكيل كيا ان تجميع سبورتاج يتم فى جمهورية التشيك وهو لا يعلم اذا كانت السبورتاج الموجوده فى مصر هى تجميع تشيكى ام مباشرة من كوريا
وربنا يوفق الجميع للاختيار الانسب

المشاركة الأصلية كتبت بواسطة AhmaZonG

قشقاي واخدة في برنامج top gear الشهير 13 من 20 ..

السبورتنج واخدة 7 أو 8 حاجة كده من 20 ..

و طبعا محدش بياخد في التقيمات أعلى من 15 ..

ديه ابسط مقارنة ..

كده تبقى القشقاي تحفة ..

شكرا لكل من ساهم في مساعدتي

موتور القاشقاي انسب للبنزين المتوفر في مصر عشان ال compression ratio بتاعته 9.8 يعني البنزين 92 مثالي ليه

لكن الموتور ال GDI الخاص بال sportage انضغاطه 11:0 يعني المفروض بنزين 95 علي أقل تقدير و المثالي لها 96 اللي مش متوفر عندنا اساسا .

السبورتاج تحفه
وشبابيه عن القشقاي

مع احترامي الكامل للسبورتاج .. وبعض ال Options الزيادة .. لكن عارف يعني ايه تركب سيارة ياباني - تقفيل انجليزي .. مع احترامي ليك لا تعليق ....... ؟؟؟؟؟

المشاركة الأصلية كتبت بواسطة ahmed khafagy

مع احترامي الكامل للسبورتاج .. وبعض ال options الزيادة .. لكن عارف يعني ايه تركب سيارة ياباني - تقفيل انجليزي .. مع احترامي ليك لا تعليق ....... ؟؟؟؟؟

طبعا ظاهريا وفى مصر كلام حضرتك مظبوط مليون فى الميه بس دوليا او على المستوى الاوروبى التقفيل الانجليزى ماهواش ميزه اوى كده يعنى زى ماحنا فاهمينه فى مصر.
العربيات اللى ناجحه وتقفيل انجليزى ماهياش اصلا انجليزى ولو هما عندهم الكفاءه زى الالمان واليابانيين كانوا عرفو يعملو تسويق كويس لعربياتهم ومثال على كده mg اللى المفروض لعامة الشعب ومابتتبعش فى العالم كله ولا فى انجلترا
ولكن ينطبق هذا على السيارات الفارهه زى الجاك والرولزس وفئات لاندروفر
90% من العربيات اللى ماشيه فى انجلترا حتى لو تقفيل انجليزى ماهياش انجليزى الاصل او المنشأ ولكن يكون التقفيل اما لتقليل التكلفه او بحكم السوق فى اوروبا وبصراحه عيب اوى لما بلد زى المملكه المتحده مكان للتجميع وليس التصنيع وحتى لو كان التصنيع فهى لماركات وموديلات ليست انجليزى
فرأى الشخصى انها فعلا ميزه فى مصر بمقارنة التقفيل المصرى ولكنها ليست ميزه فى خارج مصر يعتمد عليها فى بيع السياره