محتار مابين نيسان قشقاي وكيا سبورتاج

**DarkMagician** · 23-02-2012 11:46 AM

حمشي معاك واحدة واحدة
وياريت بس تعرف ان احنا بنتكلم ونتناقش واتمنى حضرتك متزعلش

لانك بصراحة متحيز لرايك ازيد عن اللازم والدليل ان حضرتك في قسمك قسم كيا مليان حاجات لو افتركتها قبل ما ترد كان ردك حيبقى مختلف
موضوع التست درايف اللي حضرتك مكانش عندك فكرة عنو

نزل على فكرة تست درايف ووكذا واحد قال العربية تقيلة ليه وسحبوها على طول "عشان السمعة"

موضوع المبيعات طبعا احنا الحمد لله العربيات الصيني حدث ولا حرج واللادا والكلام ده كلو دي ثقافة سوق

وده مش معناه ان العربية اللادا افضل ما يكون ولا الصيني

موضوع القشقاي موتورها فشركة نيسان والشركات المحترمة بتحط الحل قبل ما تحط المشكلة بمعنى ان لو معندهاش ثقة في الموتور مكنتش عملتو
وزي ما الاخوة وضحو عربيات مازدا 3 كتييييييير علمت على عربيات بدون ذكر اسمها بس احصنتها اكبر
فمتبصش للاحصنة ازيد عن اللازم بالذات اذا كانت بتلعب في حدود 20 او 30
يعني البعض محسسني ان الفرق 500 حصان
موضوع الموتور التوربو وخلافه فحضرتك الفكرة كلها انا كمصنع احط في العربيبة موتور محترم يغنيني عن موضوع التربو ولا انا معنديش المقدرة محطش موتور من غير تربو
الفكرة كلها في النتيجة وافتح التقييمات والمقارنات وانت حتتاكد من كلامي
موضوع العفشة الناشفة اللي حضرتك بتخصها بس بالسيراتو احب اقولك ارجع لقسمك كده واقرا بعض التقارير المثبتة وادعيلييييي
وفي احد الاخوة الافاضل بنفسو انتقد عفشة السبورتج وهو من ملاكها

بالنسبة لموضوع الجمل فهو سفينة بس لما يكون حامل بيبقى عبارة :d:d:d

الفرق بين رددود حضرتك وردود الناس ان حضرتك بتهاجم عربية محترمة عشان معاك العربية الموازية ليها

رغم ان اغلب ردودنا فيها توضيح بس وعدم افتراء

يعني انا احترم السبورتج جدا كشكل وكامكانيات لكن وضحت بعض العيوب البسيطة جدا اللي كلكنا متفقين عليها
وموضوع السحب كما ذكرت فهي ليست عربية سباق لكن انا بوضح نقطة ان هي في الاخر اكيد تقيلة واكيد مش حتوصل 100 في 3 ثوان
يعني دي حاجات مسلمة

**محمد بدر** · 24-02-2012 10:29 AM

المشاركة الأصلية كتبت بواسطة scobedo

السلام عليكم جميعاً .

انا كتبت مشاركتي امبارح بالليل ومردتش الا دلوقتي عشان كل الناس المشاركة في الموضوع تاخد وقتها واكبر عدد يقراها وكل واحد يرد براحته .
واستهلاك البنزين بعد 10000 كم استخدام يتراوح مابين 9.5 الى 11.5 لتر حسب الأستخدام ويزيد شوية بسيطة لو معدي سرعة 120 كم / ساعة
اسف جدا على الأطالة ........ وياريت لو حد ليه استفسار عن السبورتاج وليس القشقاي يكتبلي في موضوعي او قسم كيا
وتقعدوا بالعافية على رأي نجم قسم نيسان العضو المحترم sonasteel والسلام عليكم ورحمة الله وبركاته

أستاذى العزيز تحياتى لسعادتك - فى البداية وبدون أى مجاملات يشرفنى ان أجد على هذا المنتدى المحترم أعضاء مثلك فأنت تستحق كل الشكر والتقدير ويكفى أخلاقك الكريمة وكان هذا واضح من بداية متابعتى لك والله للمرة الثانية انا لاأجمالك ولكنك تستحق أكثر من ذلك و يكفى ايضا" الأستفادة الكبيرة التى عادت علينا بسبب مداخلاتك وحواراتك الرائعة وشرحك المبسط .
وسوف أستغل الموقف وأطمع فى توضيح موضوع إستهلاك البنزبن انا شايف ان ده كثير وأعتقد انه بدون تكييف يمكن علشان إستخدامك بنزين 92 رجاء التوضيح

**ahmed_911_98** · 24-02-2012 02:37 PM

المشاركة الأصلية كتبت بواسطة DarkMagician

موضوع التست درايف اللي حضرتك مكانش عندك فكرة عنو

نزل على فكرة تست درايف ووكذا واحد قال العربية تقيلة ليه وسحبوها على طول "عشان السمعة"

على فكرة العربية مش تقيلة خالص بـشهادة ناس هنا من المنتدى جربو عربيتي (غزالي)
هي تجمعها بيقل بعد el-160
بس أنا عموما لما بمشي بيها مش بدوس عليها علشان استهلاك البنزين
وعلشان احافظ عليها
عموما النوع ده من العربيات مش بتاع شد وجري بس واللهي لما باسقط نقله بأحس بـسحبة كويسة جدا

**DarkMagician** · 24-02-2012 09:11 PM

المشاركة الأصلية كتبت بواسطة ahmed_911_98

على فكرة العربية مش تقيلة خالص بـشهادة ناس هنا من المنتدى جربو عربيتي (غزالي)
هي تجمعها بيقل بعد el-160
بس أنا عموما لما بمشي بيها مش بدوس عليها علشان استهلاك البنزين
وعلشان احافظ عليها
عموما النوع ده من العربيات مش بتاع شد وجري بس واللهي لما باسقط نقله بأحس بـسحبة كويسة جدا

انا قلت كده في كلامي على فكرة ان العربيات دي كروس اوفر مش سبورت

بس هي سحبها تقيل من الثبات

واحب احييك بشدة على مقارنتك وعلى حيادك فيها

**Formulator** · 25-02-2012 02:22 PM

المشاركة الأصلية كتبت بواسطة ahmedhawas

يا باشا .. أنت أستااااذ!!
وبجد الله ينور عليك .. بس عندي تعقيب صغير

- مواتير نيسان صني اللي نازلة في موديلها الحالي (N16) هي مواتير QG16DE
والمواتير دي فيها نظام لتعديل توقيت الصمامات واسمه VTC أو CVTC
- أما الموديل السابق من الصني كان إسمه (B14) وكان مزود بموتور ال GA وده فعلا مفهوش valve timing mechanism
- أما القاشقاي فموديلها إسمه (J10) وبينزل بموتور HR16DE ،بباور ستيرينج كهربا
وكذلك التيدا والليفينا والبلوبيرد سيلفي
- ومؤخرا أعلنت نيسان الأم عن الجيل التاني من مواتير HR16DE بمجوعة تعديلات مش موجودة غير في الفئات العالية زي المورانو (بجد مجموعة تعديلات رهييييبة) لكن هل الموتور ده هو اللي هيركب عالقاشقاي الأوتوماتيك.. بصراحة معرفش!! لكن أرجو هذا

- الوضع الطبيعي لموتور GDI بنسبة إنضغاط 11 إنه يعمل على بنزين 95 ، ويفضل أعلى منه.
لكن مش طبيعي إن أحطله بنزين 92 طول الوقت والموتور طول ما هو ماشي ال knock sensor عامل تأخير للشرارة باستمرار.
أعتقد الوضع ده مش تمام ، وأكيد هيكون ليه تأثير على عمر وكفاءة الموتور.

أنت فيـــــــــــــــن يا هندسة, واحشنى والله..
شكرا يا باشا عـ التصحيح, وااااااااااضح ان نيسان علمت عليك (فنيا) أوى..

بس أستااااااااااااااااذ فعلا, أحنا كده هنعتبرك الـTechnical Reference بتاع النيسان فى المنتدى..
هو أنا اللى كنت متأكد منه 100%, أن موتور القاشقاى غير مواتير الصنى بتاع مصر خاااااااااالص. وانت أكدتلنا المعلومة..

المشاركة الأصلية كتبت بواسطة ahmedhawas

- القاشقاي أول مرة تنزل بفتيس أوتوماتيك CVT .(طبعا كلامنا عال 1600).. وده مش أوتوماتيك عااااااااااااااااادي .... وصدقني الفرق كبير جدا جدا.
- كفاية أقولك إن طلعة العربية هتكون بنسبة تخفيض 7.3 وده في نظري إسمه إبتكااار
غير إن الفتيس ده هيكون من أفضل فتايس ال CVT في العالم .. ده حتى أحسن في أدائه من فتيس ال 7Gtronic السبع سرعات الأوتوماتيك ..
وأقل في وزنه وحجمه والمقاومة الداخلية .. ده غير إمكانيات تانية كتير أول مرة يتم طرحها في فتيس CVT
- ده فضلا عن فرق استهلاك البنزين طبعا لصالح ال CVT عن الأوتوماتيك العادي
أنا شايف (نوعية البنزين ، ومعدل إستهلاك البنزين ) من أهم الحاجات اللي المفروض تكون في المقارنة

+1
معاك, والمفروض ان تخفيض الـRatio ده هيحسن التسارع والطلعة من الثبات بنسبة كبيرة, بس فعليا فـ الـReal Life:
هتلاقى الكلام ده فى مواتير التربو 190 حصان, على العربيات الصغيرة والأخف وزنا.. أو على الأقل فى المواتير الكبيرة زى الـ3.5 V6 بتاع المورانو..
- لكن على القاشقاى, بالموتور الـ1.6 N/A.. مش هيبقى التغيير اللى قصدك عليه, وده مفهوم عشان وزن العربية.. والموتور الأقتصادى.
والصراحة أنا لى رأى فـ فتيسات الـCVT دى, ثابت لا يتغير..

انها فتيسات توفير فـ الوقود.. ونعومة فـ الـShift, لكن مش أداء رياضى على الأطلاق..؟؟!!!
هى بس القصة ان نيسان استثمرت (ومازالت) فى تطوير الـCVT والـXtronic كتييييييييير جدا, بقالها 20 سنة وأكثر بتطور فيها مع JATCO (المصنع والـSupplier)..
فأصبح من اللازم انها تستفيد باللى اتصرف من وقت واستثمارات فى الفتيس ده.. whatever هو الأفضل لعربياتها ولا لأ..

- بالضبط زى ما Merc استثمرت فى الـ7G-Tronic سنوااااااات.. رغم ان الـDual-Clutch أثبت تفوق فى الأداء والأستهلاك..؟؟!!!
- زى ما فيات و Magneti Marelli استثمرت فى نقل فتيسات الـF1 من الفيررارى, وتطويرها لـSelespeed ثم لـDualogic.. وبيبيعوها لطوب الأرض:
SMG II/III للـBMW ///M, والـEasytronic للأوبل والـFree-Choice للسمارت مرسيدس, والـEGC/EGS للبيجو-ستروين..؟؟!!!
ورجعوا فـ الآخر (وعلى استحياء) عملوا فتيسات TCT الديوال-كلتش بتاع ألفاروميو..؟؟؟!!

الـpoint: ان مش دايما الشركات بتعمل الأفضل للعربيات, لكن بتعمل الأكثر أرباحا للشركات..!!

آسف للجميع على الاطالة.. والـ

دي الحاجات اللي المفروض تدخل في المقارنة .. مش شكل التابلوه ومثبت السرعة وفتحة USB وفتحة سقف !!
يا هندسة الحاجات دي بره بيقولوا عليها TOYS !! مبيبنوش عليها رأيهم في المقارنات.

+999999
أحييك بشدة على المشاركتين دول..

معايير اختيار معظم المستهلكين للعربيات فى مصر.. قد تكون الأسوأ والأكثر تفاهة على وجه الكرة الـMikasa..

عشان كده بيركبوا عربيات inferior عن أى حد تانى فى الفضاء الخارجى وسكة التبانة كلها, سواء فى المواصفات أو الأمان أو حتى التكنولوجى..؟؟!!!
التكنولوجى = بلوتوث وازاز فميه وفتحة سقف وليدات.. هههههههههههههههههه

المشاركة الأصلية كتبت بواسطة ahmed_911_98

على فكرة العربية مش تقيلة خالص بـشهادة ناس هنا من المنتدى جربو عربيتي (غزالي)
هي تجمعها بيقل بعد el-160

لأ, تقيلة فـ الطلعة.. ومش بتسحب كويس لحد 160 ولا حاجة, دى بتبدأ تقع فى التجميع بعد الـ130-140..؟؟!!!
BTW: قد لا تكون مشكلة موتور أصلا, بصرف النظر ان مواتير هيونداى-كيا مش بتاعة Torque يطلع عند rpm قليل وكده.. المفروض الحقن المباشر يحقق المرونة التى لم تتحقق بالـDesign والبرمجة بتاع الموتور..؟؟؟!!

لكن ممكن تبقى مشكلة الفتيس الأوتو, عشان كده مابتنزلش فـ دول كتير (أوروبية) بالموتور الـ1.6 GDi الا بالفتيس الـ6-مانيوال.. الأوتو ده على 2000cc والديزل..؟؟!!!

هناك المستهلك فاهم أوى فـ الحاجات دى, هيلقط بسرعة ان الـCombination دى مش مضبوطة (عربية تقيلة+موتور 1.6+فتيس أوتو)..؟؟؟!!

بس أنا عموما لما بمشي بيها مش بدوس عليها علشان استهلاك البنزين
وعلشان احافظ عليها
عموما النوع ده من العربيات مش بتاع شد وجري بس واللهي لما باسقط نقله بأحس بـسحبة كويسة جدا

أعتقد المفهوم ده اتغير تماما..
ده أصلا معظم الشركات دلوقتى بتعمل نسخ Performance من عربياتها الـCompact SUV/Crossover بعد ما كانت package الأداء دى حصرية للعربيات الـHatchback..!!

**ahmedhawas** · 26-02-2012 04:03 AM

المشاركة الأصلية كتبت بواسطة formulator

أنت فيـــــــــــــــن يا هندسة, واحشنى والله..
شكرا يا باشا عـ التصحيح, وااااااااااضح ان نيسان علمت عليك (فنيا) أوى..

بس أستااااااااااااااااذ فعلا, أحنا كده هنعتبرك الـTechnical Reference بتاع النيسان فى المنتدى..
هو أنا اللى كنت متأكد منه 100%, أن موتور القاشقاى غير مواتير الصنى بتاع مصر خاااااااااالص. وانت أكدتلنا المعلومة..

إنت حبيبي يا دكتور .. ربنا يبارك فيك.
وبعدين يا باشا لا reference ولا حاجة .. إحنا نيجي إيه جمب صقور نيسان (أحمد مصطفى وسونا وبيشوي و FBi و.. و.. )
والفضل يرجع ل ahmed tv بمواضيعه وحصرياته.

والصراحة أنا لى رأى فـ فتيسات الـCVT دى, ثابت لا يتغير..
انها فتيسات توفير فـ الوقود.. ونعومة فـ الـShift, لكن مش أداء رياضى على الأطلاق..؟؟!!!

أكيد طبعا ، وأحسن ما فيه إنه بيزود سرعة العربية بدون ما يزود سرعة الموتور وهو ده اللي بيوفر في البنزين.
الـpoint: ان مش دايما الشركات بتعمل الأفضل للعربيات, لكن بتعمل الأكثر أرباحا للشركات..!!

أكيد يا باشا ، أومال مين اللي هيشتري قطع الغيار ... الله يرحم أيام الكريسيدا.

-

-

-

الموضوع: محتار مابين نيسان قشقاي وكيا سبورتاج

LinkBack

أدوات الموضوع

عرض

-

-

-

-

المواضيع المتشابهه

انا محتار اجيب تيريوس بلاتينيوم هاي لاين ولا قشقاي؟

قشقاي ولا سبورتاج - أسئلة محددة وعاوز إجابات من فضلكم

مقارنه بين : كيا سبورتاج - نيسان قشقاي - وسكودا اوكتافيا

نيسان قشقاي Qashqai

الكلمات الدلالية لهذا الموضوع

المفضلات

المفضلات

ضوابط المشاركة