الموضوع: محتار مابين نيسان قشقاي وكيا سبورتاج

المشاركة الأصلية كتبت بواسطة Hegazio

مع إحترامي لكل الكلام و التجارب
المقارنة فحد ذاتها كده لا تصلح...لازم تقارن أولا في الفئة السعرية و النوعية
ستفاجا عندما تعقد مقارنات وقتها
مثلا.. مرسيدس A . class مقارنة بسونات مثلا.. و الاتنين سعر سوق حرة حوالي 18 الف دولار...طبعا السوناتا تكسب
و إذا قارنت موتور الالانترا الجديدة بره مش هنا .. تضرب الكوروللا بالجزمة
لازم نعرف احنا بنقارن انهي عربية بأنهي عربية... موضوع مقارنة البلاد و الدول ده خطأ فحد ذاته

القاشقاي اكيد

شكرا لكل من ساهم في مساعدتي

موتور القاشقاي انسب للبنزين المتوفر في مصر عشان ال compression ratio بتاعته 9.8 يعني البنزين 92 مثالي ليه

لكن الموتور ال GDI الخاص بال sportage انضغاطه 11:0 يعني المفروض بنزين 95 علي أقل تقدير و المثالي لها 96 اللي مش متوفر عندنا اساسا .

السبورتاج تحفه
وشبابيه عن القشقاي

مع احترامي الكامل للسبورتاج .. وبعض ال Options الزيادة .. لكن عارف يعني ايه تركب سيارة ياباني - تقفيل انجليزي .. مع احترامي ليك لا تعليق ....... ؟؟؟؟؟

المشاركة الأصلية كتبت بواسطة ahmed khafagy

مع احترامي الكامل للسبورتاج .. وبعض ال options الزيادة .. لكن عارف يعني ايه تركب سيارة ياباني - تقفيل انجليزي .. مع احترامي ليك لا تعليق ....... ؟؟؟؟؟

طبعا ظاهريا وفى مصر كلام حضرتك مظبوط مليون فى الميه بس دوليا او على المستوى الاوروبى التقفيل الانجليزى ماهواش ميزه اوى كده يعنى زى ماحنا فاهمينه فى مصر.
العربيات اللى ناجحه وتقفيل انجليزى ماهياش اصلا انجليزى ولو هما عندهم الكفاءه زى الالمان واليابانيين كانوا عرفو يعملو تسويق كويس لعربياتهم ومثال على كده mg اللى المفروض لعامة الشعب ومابتتبعش فى العالم كله ولا فى انجلترا
ولكن ينطبق هذا على السيارات الفارهه زى الجاك والرولزس وفئات لاندروفر
90% من العربيات اللى ماشيه فى انجلترا حتى لو تقفيل انجليزى ماهياش انجليزى الاصل او المنشأ ولكن يكون التقفيل اما لتقليل التكلفه او بحكم السوق فى اوروبا وبصراحه عيب اوى لما بلد زى المملكه المتحده مكان للتجميع وليس التصنيع وحتى لو كان التصنيع فهى لماركات وموديلات ليست انجليزى
فرأى الشخصى انها فعلا ميزه فى مصر بمقارنة التقفيل المصرى ولكنها ليست ميزه فى خارج مصر يعتمد عليها فى بيع السياره

طبعا ظاهريا وفى مصر كلام حضرتك مظبوط مليون فى الميه بس دوليا او على المستوى الاوروبى التقفيل الانجليزى ماهواش ميزه اوى كده يعنى زى ماحنا فاهمينه فى مصر.

تقريبا .. حضرتك مقيم في لندن .. وكلامك منطقي جدا .. واكيد الدنيا حواليك بسياراتها مختلفة اختلاف مش هاقول كبير .. لكن فيه اختلاف عن السيارات في مصر .. لدرجة ان ممكن يكون الياباني والالماني والفرنسي ، .. ، .. ، .. فئات لكن فئات معينة هي اللي التوكيلات في مصر تستوردها نظرا لدراسة السوق المصري .
اذكر لحضرتك موقف حدث لي .. عند شرائي سيارة في 2006 وهي كوري اصلي بكل ما فيها .. فيما عدا كارتة الانذار .. تم تركيبها في التوكيل .. حيث تم تثبيتها خلف تابلوه السيارة فوق دوسات الفرامل والدبرياج .. بعد اربع شهور واثناء قيادة السيارة وعند دخولى الى بنزينة .. تسقط الكارتة على دواسات الفرامل والدبرياج .. لدرجة كنت مش عارف اضغط على الفرامل نهائيا .. وربنا سترها معايا من خلال فرامل اليد .. والحمد لله عدت على خير .. حاجه بسيطه تم تركيبها في التوكيل .. كان ممكن ....... الحمد لله دائما .
علشان كده التقفيل الخارجي بيكون له معايير وضوابط عالمية يجب الالتزام بها .
عموما .. اسف على الاطالة .. ومتشكر جدا على تعليقك .