الموضوع: ميجان iii أم ستروين c4 أم أسترا أم جولف أم أودي A3 موديل 2012

المشاركة الأصلية كتبت بواسطة eng/muhamad

انا واحد من الناس بحب لما اركب عربيه تكون هاى لاين بناء على ذلك هختار واحده من ال 3

و راى الشخصى ستروين c4( مع التحفظ على التوكيل )

أولا بس عشان محدش يزعل مني أنا مش بدافع عن التوكيل ولا ليَّ أي مصلحة :)
حضرتك أنا شاري عربيتي من 9 شهور و عملت صيانة والتوكيل ممتاز
دخلت الورشة في المعاد واستلمت عربيتي في المعاد و استراحة كويسة
و مشفتش أي حد وأنا هناك مشتكي إن مفيش قطع غير زي ماالناس بتقول أو حتى ماشي زعلان

و أنا هاحكي حاجة حصلت معايا أنا شخصيا ,
بعد مااشتريت عربيتي من قسم المستعمل في التوكيل ,كان مفتاح اللوك بتاع العجل مش موجود
ولما كلمتهم والله بعته جابولي طقم من فرنسا على حسابهم وإستلمته بعد أسبوعين مع إن كان ممكن يستهبلوا

و يا ريت لو حد حصلت معاه حاجة مش كويسة في التوكيل يقول

المشاركة الأصلية كتبت بواسطة mohaismail

سيتروين سى 4
بس توكيلها زبالة وقطع غيارها غالية
لو عاوز توكيل كويس يبقى ميجان 3 هاى لاين وهيا عربية ممتازة برضه وتوكيلها ممتاز جدا وقطع غيارها ارخص من كل قطع الغيار للسيارات التانية اللى فى المقارنة

توكيل الميجان فعلا ممتاز بس بنسبة لقطع الغيار ,هي مش ارخص ولا حاجة على الاقل مش ارخص من ال c4 وعلى فكرة احنا عندنا في البيت الإتنين واللي حابب ممكن اصورله فواتير الصيانة وهو يحكم

بنسبة للسيتروين قطع غيارها موجودة في كل حتة وفيه أكتر من مركز خدمة محترمين للي مش عاوز التوكيل

المشاركة الأصلية كتبت بواسطة ahmed a.maksoud

بص هو الألمانى لا يعلى عليه

بس فيه مشاكل فى الأودى..........هيا سعر إعادة البيع و التوكيل و قطع الغيار.
الجولف هتكون بيزك.......يبقى دى حاجة ترجعلك.....و لو فتيس dsg يبقى انت و نصيبك علشان فيه ناس كتير أشتكت منه.
الأسترا هاى لاين..........كويسة بس أعتقد الشكل هيتغير قريب ( مش متأكد) و التوكيل فيه ناس بتشتكى منه

الميجان هاى لاين كويسة.........و عيبها الوحيد سعر إعادة البيع.
الستروين عيبها التوكيل وقطع الغيار و سعر إعادة البيع برضه.

أنا أرشحلك الأسترا أو الميجان ( علشان هاى لاين الأتنين ) أو الجولف البيزك لو مش فارق معاك الكماليات و موضوع الفتيس ال dsg

حاول تاخد لفة فى قسم فولكس تشوف شكاوى الناس منه أيه...... و لو هتبعد عن الجولف
روح توكيل رينو جرب الميجان و شوف توكيل أوبل لو فيه تست درايف و قرر بناء على التست درايف.

والله هو اللي يبص على سعر اعادة البيع ,يبعد عن الأوروبي احسنله عشان كله بيتخسف بيه الأرض

المشاركة الأصلية كتبت بواسطة ahmed-adel

توكيل الميجان فعلا ممتاز بس بنسبة لقطع الغيار ,هي مش ارخص ولا حاجة على الاقل مش ارخص من ال c4 وعلى فكرة احنا عندنا في البيت الإتنين واللي حابب ممكن اصورله فواتير الصيانة وهو يحكم

بنسبة للسيتروين قطع غيارها موجودة في كل حتة وفيه أكتر من مركز خدمة محترمين للي مش عاوز التوكيل

عربيتك موديل كام ؟؟
وياريت تقولنا اخبار استهلاك البنزين والعزل بتاعها عاملين ايه
وبتحط 92 ولا 95

أنا رأيي المتواضع
لو حضرتك بتقارن بين الميجان اللي بـ 155 وسيتروين اللي بـ 166
يبقى الميجان

أو بتقارن بين ال ميجان اللي بـ 145 و سيتروين بـ 148
يبقى السيتروين

مع العلم إن السيتروين بها 6 ايرباج و ESP ودول مش موجودين في ال ميجان الهاي لاين حتى
و السيتروين فرنساوي 100% مش زي الميجان
وبنسبة ل قطع الغيار , لاحظ إن صيانة السيتروين كل 15000 مش 10000 زي باقي العربية

الجولف و الليون فيهم DSG و والدي كان معاه عربية جيتا بتاعت الشركة وكانت فيها مشاكل بس دي موديل 2010 (ممكن يكوني تداركم اخطائهم عشان مافتيش )
الاسترا الجديدة مع واحد صاحبي , هي شيك قوي بصراحة بس مش كويسة ك value for money (و ده رأيي المتواضع ) يعني هتلاقيه اللي إنت عاوزه منها في الميجان و وبذات ال c4 كمان أكتر :)
الاودي بيتهيألي السعر ده غلط

astra 0-100 13 sec (6-speed steptronic)
golf 0-100 10.5 sec(7-speed DSG)
c4 0-100 12.5 sec(4-speed steptronic)
megan 0-100(4-speed steptronic ?? (أظن هتبقى في حدود ال 12.5 برده , فيه رقم اللي هو 10.5 على contact cars بس ده للمانيوال )
leon 0-100 11.7 sec(7-speed DSG

بس برده لل أمانة الفرنساوي عامةً مش عربيات ممتعة في الجري عشان الفتيس الاربع سرعات يعني عربيات تجمع معاك حلو قوي من بعد 60-80, يعني مش بتاعت acceleration من السبات
و يا ريت أكون قدرت أساعد :)

المشاركة الأصلية كتبت بواسطة mohaismail

عربيتك موديل كام ؟؟
وياريت تقولنا اخبار استهلاك البنزين والعزل بتاعها عاملين ايه
وبتحط 92 ولا 95

الميجان 2007 وال c4 2009
الإتنين بنحط فيهم 92
الاتنين اوتوماتيك و استهلاكهم واحد تقريبا (ال 50 لتر بيعملوا من 480-580 كم على حسب طريقة السواقة والطريق جوه ولا بره البلد و على حسب عدد اللي راكبين و الsport mode شغال ولا لأ )
بنسبة للعزل السيتروين أحسن بـفرق بسيط

مقارنه جايه في وقتها لاني بفكر اشتري عربيه منهم الايام دي

انا عملت تست درايف للاسترا....عربيه جميلهمن جوه و من بره و عفشتها جميله ما تحسسكش بالمطبات مميزاتها ... تصميمها الداخلي شيك و الخارجي يليق اكثر علي اسره صغيره او شخص فوق ال 30 سنه...الشنطه مش ضيقه و يمكن اكبر من بعض السيدان....جنط اصلي ....4 ايرباجز.... زرار مخصوص للتراكشن كنترول ....فرامل يد كهربا ....حساس لقياس لزوجه زيت المحرك...فوانيس شبوره اماميه و خلفيه .....القاعده اللي ورا مش ضيقه...تكييفها كويس جدا ...فيها كروز كنترول ...خاماتها الداخليه كويسه ...انا شفت جدول صيانتها ...قطع غيارها يا جماعه مش غاليه.....ارخص عربيه في السوق ألماني 100%

العيوب.... مفيهاش بلوتوث حتي في التربو...مفيش حساسات ركن ...او حساسات مطر (..الكسل بقي) ....مفيهاش زينون...توكيلها الناس مختلفه عليه...فيه ناس بيقولوا هايل و فيه ناس بيقولوا ضايع...بس الظاهر ان جوده الخدمه بتختلف من مركز خدمه للتاني....